Фэнэрбахчэ Стамбул

Фэнэрбахчэ
Заснаваны	1907
Горад	Стамбул, Турэччына
Стадыён	Шукру Сараджоглу Умяшчальнасьць: 50 509
Прэзыдэнт	Ілдырым Алі Коч[d]
Галоўны трэнэр	Жузэ Маўрыньню
Чэмпіянат	Супэрліга
· 2023—2024	2 месца
Хатнія колеры Выязныя колеры
Галерэя здымкаў у Вікісховішчы fenerbahce.org

«Фэнэрбахчэ» (па-турэцку: Fenerbahçe Spor Kulübü) — турэцкі футбольны клюб з гораду Стамбул. Акрамя футбольнага клюбу ў спартовае аб’яднаньне «Фэнэрбахчэ» ўваходзяць валейбольны й баскетбольны клюбы, сэкцыі лёгкай атлетыкі, боксу, веславаньня й ветразевага спорту.

Клюб быў заснаваны мясцовымі жыхарамі ў 1907 годзе. На цяперашні момант «Фэнэрбачхэ» зьяўляецца адным з самых пасьпяховых і папулярных клюбаў Турэччыны. Паводле традыцыйных колераў клюб мае мянушку «жоўтыя канаркі» (турэц. Sarı Kanaryalar), свае хатнія матчы каманда праводзіць на стадыёне «Шукру Сараджоглу», які месьціцца ў азіяцкай частцы Стамбулу.

Гісторыя

«Фэнэрбахчэ» быў заснаваны ў 1907 годзе ў раёне Кадыкёй у Стамбуле мясцовымі жахарамі, як то бэем Зія Сангюленам, Аятулой Бэем і Энвэрам Нэчыпам Аканэрам. Гэтае спартовае таварыства быў створана таемна, каб ня трапіць у непрыемнасьці за строгіх законаў Асманскай імпэрыі. Паводле правілаў султана Абдул Хаміда II, турэцкай моладзі было забаронена ствараць клюбы й гуляць у ангельскую гульню футбол. Зія Сангюлен быў абраны першым прэзыдэнтам клюбу, Аятула Бэй стаў першым генэральным сакратаром клюбу, а Энвэр Нэчып Аканэр быў прызначаны на пасаду капітана клюбу. Маяк, які месьціўся ла мыса Фэнэрбахчэ аказаў вялікі ўплыў на дызайн першапачатковай эмблемы клюбу, які насіў жоўты й белы колеры нарцысаў, якая расьлі вакол маяка. Такім чынам першая форма ўтрымлівала колеры гэтай расьліны, то бок жоўта-белыя палосы. У далейшым у 1910 годзе лягатып клюбу быў перапрацаваны Зія Сангюленам, які зьмяніў колеры на жоўты й цёмна-сіні, якія й на сёньняшні момант можна пабачыць на выяве эмблемы клюбу.

Дзейнасьць таварыства «Фэнэрбахчэ» знаходзілася на нелегальным становішчы да рэформы 1908 году, калі, паводле новага закону, усе футбольныя клюбы былі афіцыйна зарэгістраваны на законных падставах. «Фэнэрбахчэ» ўступіў у лігу Стамбулу ў 1909 годзе, заняўшы пятае месца ў першы год спаборніцтваў.

«Фенербахчэ» гуляў супраць супрацоўнікаў Каралеўскага ваенна-марскога флёту, які акупаваў Стамбул падчас Турэцкай вайны за незалежнасьць. Некаторыя брытанскія жаўнеры фармавалі свае футбольныя каманды ў Турэччыне, якія мелі асаблівыя назовы, як то «Эсэкс Энжынірз» (анг. Essex Engineers), «Айрыш Гўардс» (анг. Irish Guards), «Грэнадэрз» (анг. Grenadiers) і «Артылеры» (анг. Artillery). Гэтыя каманды гулялі адзін супраць аднаго й супраць мясцовых футбольных клюбаў Стамбулу. «Фэнэрбахчэ» атрымліваў перамогі ў шмат зь якіх гэтых матчаў.

Дасягненьні

Чэмпіён Турэччыны (19):

• 1959, 1961, 1964, 1965, 1968, 1970, 1974, 1975, 1978, 1983,
• 1985, 1989, 1996, 2001, 2004, 2005, 2007, 2011, 2014

Уладальнік Кубка Турэччыны (7):

• 1968, 1974, 1979, 1983, 2012, 2013, 2023

Уладальнік Супэркубка Турэччыны (9):

• 1968, 1973, 1975, 1984, 1985, 1990, 2007, 2009, 2014

Уладальнік Балканскага кубка:

• 1967

Уладальнік Кубка Ататурка (2):

• 1964, 1998

Уладальнік Кубка прэзыдэнта Турэччыны (6):

• 1968, 1973, 1975, 1984, 1985, 1990

Чэмпіён Стамбулу (16):

• 1912, 1914, 1915, 1921, 1923, 1930, 1933, 1935, 1936, 1937,
• 1944, 1947, 1948, 1953, 1957, 1959

Склад

Актуальны на 19 верасьня 2024 году

№ Пазыцыя Імя Год нараджэньня 2 Аб Чаглар Сёюнджу 1996 3 Аб Самэт Акайдын 1994 5 ПА Ісмаіл Юксэк 1999 6 Аб Аляксандар Джыкю 1994 8 ПА Мэрт Хакан Яндаш 1994 9 Нап Эдзін Джэка (капітан) 1986 10 Нап Душан Тадыч 1988 11 Нап Раян Кент 1996 13 ПА Фрэд 1993 16 Аб Мэрт Мюлдур 1999 17 Нап Ірфан Кахвэджы 1995 18 ПА Філіп Косьціч (ар. Ювэнтус) 1992 19 Нап Юсэф Эн-Нэсыры 1997 20 Нап Джэнгіз Юндэр 1997 21 Аб Брайт Асаі-Сэм’юэл 1997

№ Пазыцыя Імя Год нараджэньня 22 Аб Левэнт Мэрджан 2000 23 Нап Джэнк Тосун 1991 24 Аб Яйдэн Оостэрвольдэ 2001 28 ПА Бартуг Элмаз 2003 30 Бр Ірфан Джан Эгрыбаят 1998 34 ПА Сафіян Амрабат (ар. Фіярэнтына) 1996 40 Бр Домінік Лівакавіч 1995 50 Аб Радрыгу Бэкан 1996 53 ПА Сэбастыян Шыманскі 1999 54 Бр Эртугрул Чэтын 2003 70 Нап Агуз Айдын 2000 97 Нап Алян Сэн-Максымэн (ар. Аль-Аглі) 1997 — Аб Сэрдар Азіз 1990 — Нап Бурак Кападжак 1999

Вонкавыя спасылкі

• Афіцыйная старонка (анг.)