Шальке-04 Гельзэнкірхэн

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Шальке-04
FC Schalke 04 Logo.svg
Поўная назва FC Gelsenkirchen-Schalke 04 e.V
Заснаваны 4 траўня 1904
Горад Гельзэнкірхэн, Нямеччына
Стадыён Вэлтынс-Арэна
Умяшчальнасьць: 62 271
Кіраўнік Клеменс Тэніс
Галоўны трэнэр Мануэль Баўм[d]
Чэмпіянат Бундэсьліга
 · 2018—2019 14 месца
Хатнія колеры
Выязныя колеры
https://schalke04.de/

«Шальке-04» (па-нямецку: FC Schalke 04) — нямецкі футбольны клюб з раёну Шальке ў Гельзэнкірхэне, які месьціца ў фэдэральнай зямлі Паўночны Райн — Вэстфалія. Сяміразовы чэмпіён Нямеччыны, чатырохразовы ўладальнік Кубка Нямеччыны. Уладальнік Кубка УЭФА (1997). Назва раёну меркавана азначае маленькае паселішча й перакладаецца прыкладна як «паселішча вакол чэрапа» (ням. «Gegend um den Schädel»), «паселішча на чэрапападобнай мясцовасьці» (ням. «Siedlung an schädelförmiger Gegend»). Адзін з самых папулярных футбольных клюбаў у Нямеччыне. 9 жніўня 2011 году колькасьць чальцоў клюбу перасягнула адзнаку ў 100 тысячаў чалавек, і па гэтым паказчыку «Шальке-04» займае другое месца ў Нямеччыне[1][2]. Найлепшага выніку ў эўракубках клюб дамогся ў 1997 годзе, выйграўшы Кубак УЭФА. Самы закляты вораг «Шальке-04» — дортмундзкая «Барусія». Дэрбі гэтых дзьвюх камандаў называецца Рурскім дэрбі. Гельзэнкірхэнскі клюб падтрымлівае сяброўскія адносіны з клюбам «Нюрнбэрг». Талісмана клюбу клічуць Эрвін (ням. Ährwin)[3].

Гісторыя[рэдагаваць | рэдагаваць крыніцу]

Раньнія гады[рэдагаваць | рэдагаваць крыніцу]

Клюб «Шальке-04» быў заснаваны 4 траўня 1904 году. Першае імя клюбу — «Вэстфалія Шальке». Першымі клюбнымі колерамі былі чырвоны й жоўты. Заходненямецкі гульнявы зьвяз (WSV) прызнаць новы клюб адмовіўся, але да канца году ў клюбе ўжо налічвалася 16 чальцоў. 13 лютага 1912 году адбыўлася зьліцьцё «Вэстфаліі Шальке» й гімнастычнага таварыства «1877 Шальке». Таварыства ўжо зьяўлялася на той час чальцом WSV і «Вэстфалія» ўвайшла ў «1877 Шальке» на правах футбольнай сэкцыі. Загадчыкам сэкцыяй стаў Гергард Клёп. Галоўныя заўзятары «Шальке-04» таго часу галоўным чынам — шахтары. Шахта «Кансоль» дапамагла абсталяваць пляцоўку на Грэнцштрасэ. Менавіта адсюль і першая мянушка клюбу — «гарнякі» (ням. «Die Knappen»). 20 траўня 1923 году «Шальке-04» перамог у групавым турніры раённай лігі. 5 студзеня 1924 году футбалісты выйшлі з гімнастычнага грамадзтва й абралі клюбу новае імя «FC Schalke 04». Новымі клюбнымі колерамі сталі белы й сіні, таму ў клюбу зьяўвілася яшчэ адна мянушка — «кобальтавыя» (ням. «Die Königsblauen»). На працягу наступных гадоў «Шальке-04» стаў дамінуючым клюбам у Паўночным Райне — Вэстфаліі. Клюб гуляў у хуткі футбол з мноствам кароткіх пасоў. Гэтая сыстэма атрымала велізарную папулярнасьць і назву «ваўчок Шальке» (ням. «Schalker Kreisel»). У 1928 годзе «Шальке-04» атрымаў новы стадыён «Глюкаўф-Кампфбан». У тым жа годзе «Шальке-04» быў перайменаваны ў «FC Gelsenkirchen-Schalke 04». У 1929 годзе клюб упершыню перамог у чэмпіянаце Заходняй Нямеччыны.

У 1933 годзе «Шальке-04» выступаў у Гаўлізе Вэстфалія. Пэрыяд з 1934 па 1942 гады быў самым пасьпяховым у гісторыі клюбу. Клюб 10 разоў выходзіў у фінал Гаўлігі й 8 раз у фінал Кубка Нямеччыны. Першы нацыянальны тытул «Шальке-04» выйграў у 1934 годзе, абыграўшы «Нюрнбэрг». На наступны год яны абаранілі тытул. Клюб прапусьціў фінал 1936 году, аднак у 1937, 1939, 1940 і 1942 гадох клюб перамагаў у фіналах. «Кобальтавыя» таксама ўдзельнічалі ў фіналах Кубка Нямеччыны, але не карысталіся такім посьпехам. Усяго аднойчы, у 1937 годзе, клюб перамог у кубку. Таксама «Шальке» ўдзельнічаў у фіналах кубку ў 1935, 1936, 1941 і 1942 гадох.

Дасягненьні[рэдагаваць | рэдагаваць крыніцу]

Склад[рэдагаваць | рэдагаваць крыніцу]

Актуальны на 4 траўня 2020 году
Пазыцыя Імя Год нараджэньня
2 Сьцяг ЗША ПА Ўэстан Макені 1998
3 Сьцяг Гішпаніі Аб Хуан Міранда (ар. Барсэлёна) 2000
4 Сьцяг Турэччыны Аб Азан Кабак 2000
5 Сьцяг Сэрбіі Аб Матыя Настасіч 1993
6 Сьцяг Гішпаніі ПА Амар Маскарэль (капітан) 1993
8 Сьцяг Нямеччыны ПА Суат Сэрдар 1997
9 Сьцяг Бэльгіі Нап Бэніта Раман 1994
11 Сьцяг Аўстрыі Нап Міхаэль Грэгарыч (ар. Аўгсбург) 1994
14 Сьцяг Ўэйлзу Нап Рабі Матонда 2000
15 Сьцяг Турэччыны Нап Ахмэд Кутуджу 2000
16 Сьцяг Марока ПА Насім Бужэляб 1999
17 Сьцяг Францыі Аб Бэнжамэн Стамбулі 1990
18 Сьцяг Італіі ПА Даніель Каліджуры 1988
Пазыцыя Імя Год нараджэньня
19 Сьцяг Аўстрыі Нап Гвіда Бургшталер 1989
20 Сьцяг Ангельшчыны Аб Джонджа Кені (ар. Эвэртан) 1997
21 Сьцяг Францыі Аб Жан-Клер Тадыбо (ар. Барсэлёна) 1999
23 Сьцяг Нямеччыны Бр Маркус Шубэрт 1998
24 Сьцяг Нямеччыны Аб Бастыян Ачыпка 1989
25 Сьцяг Марока ПА Амін Гарыт 1997
26 Сьцяг Сэнэгалу Аб Саліф Санэ 1990
28 Сьцяг Аўстрыі ПА Алясандра Шопф 1994
31 Сьцяг Нямеччыны Аб Тыма Бэкер 1997
33 Сьцяг Фінляндыі Аб Малік Тыяў 2001
34 Сьцяг Аўстрыі Бр Міхаэль Лянгер 1985
35 Сьцяг Нямеччыны Бр Аляксандар Нюбэль 1996
37 Сьцяг Нямеччыны ПА Левэнт Мэрджан 2000

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Шальке-04 Гельзэнкірхэнсховішча мультымэдыйных матэрыялаў