Лубін Касьцельны

	Лубін Касьцельны
	польск. Łubin Kościelny
Першыя згадкі:	1447
Былая назва:	Рудалтова
Краіна:	Польшча
Ваяводзтва:	Падляскае
Павет:	Бельскі
Гміна:	Бельск-Падляскі
Насельніцтва:	211 чал. (31 сакавіка 2021);
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-100
Нумарны знак:	BBI
Геаграфічныя каардынаты:	52°48′0″ пн. ш. 23°0′0″ у. д. / 52.8° пн. ш. 23° у. д.Каардынаты: 52°48′0″ пн. ш. 23°0′0″ у. д. / 52.8° пн. ш. 23° у. д.
	Лубін Касьцельны на мапе Польшчы Лубін Касьцельны
	Галерэя здымкаў у Вікісховішчы

Лубін Касьцельны (па-польску: Łubin Kościelny) — вёска ў Бельскім павеце Падляскага ваяводзтва Польшчы. Знаходзіцца ў гміне Бельск-Падляскі.

У 1919—1934 гадах цэнтар самастойнае гміны Лубін. Побач зь вёскай праходзіць краёвая дарога 66.

Насельніцтва

Жыхары вёскі ў большасьці каталікі (парафія Ўнебаўзяцьця Найсьвяцейшай Марыі Панны на месцы^[2]) па этнічных ідэнтыфікацыях — польская. Невялікая колькасьць жыхароў этнічныя беларусы, якія карыстаюцца падляскім дыялектам, праваслаўныя (прыход сьв. Пятра і Паўла ў Маляшах.).

Гісторыя

У 1447 годзе Казімер Ягелончык дараваў вёску Рудалтова польскаму шляхціцу Яну Лубе гербу Любіч. Сын Яна — Пётра значна разбудаваў маёнтак і фундаваў тут касьцёл. Пётра Луба быў судьдзёй бельскім і ўзначалваў заходы шляхты бельскай зямлі ў вялікага князя Аляксандара пра наданьне ім польскага шляхоцкага права. Пад канец 16 ст. маёнтак быў падзеляны паміж шматлікіх прадстаўнікоў роду Лубаў, а з 17 ст. Лубін атрымаў сёньняшнюю назву Лубін Касьцельны. Лубін добра разьвіваўся — былі тута карчма, некалькі млынаў, а нават парафіяльная школа. Маёнтак прадаўжаў дзяліцца, яшчэ ў 16 ст. сям’я Менскіх атрымала землі будучай Берасьцянкі, а ў 17 ст. Серакоўскія заснавалі Серакавізну. У 18 ст. Лубін Касьцельны перайшоў да сям’і Нівінскіх, а на канцы гэтага стагодзьдзя ўладальнікам вёскі быў Міхал Вітаноўскі. З 19 ст. не фіксуецца вялікага маёнтку Лубін, але шмат дробнашляхоцкіх маёмасьцяў і касьцельны фальварак. З 1906 г. пачалася пабудова новага касьцёлу (стары быў разабраны па тэхнічных прычынах у 1910 г), які быў кансакраваны ў 1910 г.^[3]. У міжваенны пэрыяд Лубін Касьцельны стаў цэнтрам самастойнае гміны Лубін Бельскага павету Беластоцкага ваяводзтва. Паводле польскага перапісу насельніцтва 1921 г. пражывалі тут 211 жыхароў (194 каталікоў ды 17 правасалаўных, 200 палякаў і 11 беларусаў)^[4]. Пасьля Другай сусьветнай вайны Лубін Касьцелны быў далучаны да гміны Бельск-Падляскі.

Зноскі

^ https://bdl.stat.gov.pl/api/v1/data/localities/by-unit/062013803032-0023610?var-id=1639616&format=jsonapi
^ Лубін Касьцельны - Парафія Ўнебаўзяцьця Найсьвяцейшай Марыі Панны (пол.) Diecezja Drohiczyńska Праверана 22 красавіка 2015 г.
^ Лубін Касьцельны (пол.) Gmina Bielsk Podlaski. Historia miejscowości Праверана 22 красавіка 2015 г.
^ Skorowidz miejscowości Rzeczypospolitej Polskiej : opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 5. Województwo białostockie, с. 22 (пол.) Праверана 22 красавіка 2015 г.

[_eec2ab476daf95c3-1] ttps://bdl.stat.gov.pl/api/v1/data/localities/by-unit/062013803032-0023610?var-id=1639616&format=jsonapi

[katparłubin-2] Лубін Касьцельны - Парафія Ўнебаўзяцьця Найсьвяцейшай Марыі Панны (пол.) Diecezja Drohiczyńska Праверана 22 красавіка 2015 г.

[gmbielsklubkas-3] Лубін Касьцельны (пол.) Gmina Bielsk Podlaski. Historia miejscowości Праверана 22 красавіка 2015 г.

[autonazwa2-4] Skorowidz miejscowości Rzeczypospolitej Polskiej : opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 5. Województwo białostockie, с. 22 (пол.) Праверана 22 красавіка 2015 г.

[1]

[2]

[3]

[4]