Пасынкі (Бельскі павет)

Пасынкі
польск. Pasynki
Першыя згадкі:	16 ст.
Мясцовая назва:	Pásynki
ваяводзтва:	Падляскае
павет:	Бельскі
гміна:	Бельск-Падляскі
Насельніцтва:	112 (2009)
Геаграфічныя каардынаты:	52°48′04″ пн. ш. 23°18′23″ у. д.
Пасынкі на мапе Польшчы Пасынкі

Пасынкі (па-польску: Pasynki, па-падляску: Pásynki) — вёска ў Польшчы.

Да 1934 году і ў 1952—1954 гадах цэнтар самастойнае гміны Пасынкі. У 1975—1998 вёска належала да Беластоцкага ваяводзтва.

Гісторыя

Упершыню Пасынкі згадваюцца ў Рэестры валочнае памеры для гораду Бельску ў 1561 годзе — у вёсцы існавала ўжо праваслаўная царква і мінімум адна карчма. Як каралеўская вёска, Пасынкі належалі фальварку з цэнтрам у суседніх Ужыках. Фальварак і Пасынкі значна пацярпелі ў час вайны са Швэцыяй і Масковіяй у 50-х гадах 17 ст. У 1826 парахам уніяцкага пасынкаўскага прыходу стаў а. Адам Кастыцэвіч (родам з-пад Ліды), які стаў благачынным бельскага дэканату. Запачаткаваў ён род пасынкаўскіх сьвятароў — да 1906 г. пасынкаўская парафія знаходзілася ў руках яго сям’і.

У 1848 годзе ў Пасынках заснаваная была першая школа (Сельское Училище, па-беларуску: сельская вучэльня). Амаль усе жыхары Пасынкаў былі эвакуяваныя царскім урадам у 1915 г. на ўсход, што давяло да руйнаваньня вёскі. У міжваенны пэрыяд польскія ўлады забаранілі адраджэньне праваслаўнае парафіі. Пасьля 1945 г. Пасынкі былі ўключаныя ў склад Польшчы.

Гістарычныя каштоўнасьці

• 

  Царква Нараджэньня сьв. Яна Хрысьціцеля (1891 г.)

• 

  Капліца сьв. Ганны (1852 г.)

Ураджэнцы

Яраслаў Кастыцэвіч(1896-1971) — беларускі пэдагог, грамадзкі і царкоўны дзеяч.

Вонкавыя спасылкі

• Sosna Grzegorz, Fionik Doroteusz: Pasynki i okolice, Bielsk Podlaski — Ryboły — Białystok, 2001 ^(пол.)
• Сайт праваслаўнае парафіі ў Пасынках ^(пол.)