Гацькі

Гацькі
польск. Haćki
Першыя згадкі:	1536
Мясцовая назва:	Haćkí
Краіна:	Польшча
Ваяводзтва:	Падляскае
Павет:	Бельскі
Гміна:	Бельск-Падляскі
Насельніцтва:	182 чал. (2009)
Часавы пас:	UTC+1
летні час:	UTC+2
Тэлефонны код:	(+48) 85
Нумарны знак:	BBI
Геаграфічныя каардынаты:	52°50′06″ пн. ш. 23°11′35″ у. д.
Гацькі на мапе Польшчы Гацькі
Галерэя здымкаў у Вікісховішчы

Гацькі́ (па-польску: Haćki, па-падляску: Haćkí) — вёска ў Бельскім павеце Падляскага ваяводзтва Польшчы. Знаходзіцца ў гміне Бельск-Падляскі.

Жыхары вёскі — этнічныя беларусы, якія карыстаюцца падляскім дыялектам, праваслаўныя (прыход — Райск).

У Гацьках існуе Таварыства Гай, якое займаецца аховай культурна-прыроднай спадчыны вёскі.

Гісторыя

Раён Гацькоў быў населеным ужо ў VI—VII стст., пра што сьведчыць гарадзішча, разьмешчанае побач зь вёскай. На аснове археалягічных раскопак вядома, што тутэйшыя жыхары займаліся ў раньнім сярэднявеччы ткацтвам ды апрацоўкай жалеза. Першыя пісьмовыя згадкі пра Гацькі датаваныя толькі XVI стагодзьдзем — вёска стаяла на 30 валоках, тут быў каваль і цэнтар воласьці. Ведаем таксама некаторыя імёны тадышніх жыхароў: Іван, Ульян, Артыш, Анач ды Сач. З канца XVII стагодзьдзя ў Гацьках сталі пасяляцца вольныя мужыкі-вайскоўцы, якія не былі абавязаныя паншчынай. З 1721 г. захаваліся дакуманты пра судовую справу гацькоўскіх выбранцаў, братоў Федаровічаў, якіх аконам фальварку ў Сталовачы прымушаў да працы ў фальварку. На працягу XIX стагодзьдзя Гацькі хутка разьвіваліся — у 1816 г. тут былі 17 хатаў, у 1896 г. — 56.