Храбалы

Храбалы польск. Chraboły
Населены пункт
Мясцовая назва: Chrabołý
Краіна	Польшча
Ваяводзтва	Падляскае
Павет	Бельскі
Гміна	Бельск-Падляскі
Першыя згадкі	1536
Часавы пас	UTC+1 UTC+2 (летні час)
Каардынаты	52°51′31″ пн. ш. 23°11′43″ у. д.
Насельніцтва
Колькасьць	114 чал. (2009)
Лічбавыя ідэнтыфікатары
Тэлефонны код	(+48) 85
Паштовы індэкс	17-100
Нумарны знак	BBI
Храбалы на мапе Польшчы Храбалы

Храбалы́ (па-польску: Chraboły, па-падляску: Chrabołý) — вёска ў Бельскім павеце Падляскага ваяводзтва Польшчы. Знаходзіцца ў гміне Бельск-Падляскі.

Жыхары вёскі — этнічныя беларусы, якія карыстаюцца падляскім дыялектам, праваслаўныя (прыход — Райск).

Гісторыя

Упершыню вёска згадваецца ў 1563 годзе. Паводле люстрацыі 1574 г. часткова была зьнішчаная пажарам. Перапіс 1576 г. пасьведчае, што Храбалы разьмешчаныя на 15 валоках кепскае зямлі, а тутэйшыя мужыкі працавалі ў фальварку Сталовач. Як каралеўская вёска Храбалы ажно да 1861 г. прыналежалі казьне. Паводле польскага перапісу насельніцтва, у 1921 г. тут было толькі 7 хатаў з 54 жыхарамі (усе праваслаўныя беларусы). 21 верасьня 1939 г. ўва ўрочышчы Клетнае пад Храбаламі мясцовымі камуністамі былі застрэленыя 3 польскія афіцэры. У час нямецкае акупацыі ў вёсцы находзіўся пост нямецкае жандармэрыі. У кароткія пэрыяды 1952 — 1954 ды 1973 — 1976 гг. існавала самастойная гміна Храбалы.

Культавыя пабудовы

Непадалёк ад Храбалоў ува ўрочышчы Галоўкава знаходзіцца капліца сьв. Яна Багаслова з ў 1984 г. Была пабудаваная на месцы старой капліцы (згарэла ў 1939 г.) на Туровай крыніцы — месцы яўленьня Божае Маці. Вада з крыніцы лічылася цудоўнай ужо ў 16 ст.