Кнаразы

Кнаразы
Населены пункт
Мясцовая назва: Knorozý
Краіна	Польшча
Ваяводзтва	Падляскае
Павет	Бельскі
Гміна	Бельск-Падляскі
Першыя згадкі	1573
Часавы пас	UTC+1 UTC+2 (летні час)
Каардынаты	52°51′22″ пн. ш. 23°14′56″ у. д.
Насельніцтва
Колькасьць	215 чал. (2009)
Лічбавыя ідэнтыфікатары
Тэлефонны код	(+48) 85
Паштовы індэкс	17-100
Нумарны знак	BBI
Кнаразы на мапе Польшчы Кнаразы

Кнаразы (па-польску: Knorozy, па-падляску: Knorozý) — вёска ў Бельскім павеце Падляскага ваяводзтва Польшчы. Знаходзіцца ў гміне Бельск-Падляскі.

Жыхары вёскі — этнічныя беларусы, якія карыстаюцца падляскім дыялектам, праваслаўныя (прыход — Плёскі).

Гісторыя

Першапачаткова вёска прыналежала да зубоўскае воласьці каралеўскага фальварка ў Галадах. Вядома, што да канца 16 ст. тут дзейнічаў млын. У 1721 г. распачаўся судовы спор паміж мужыкамі вёскі ды яе арандатарам Мацьвеям Гусеўскім, стольнікам Ноўгарада-Северскага, які закончыўся карысным для Кнаразоў прыгаворам рэфэрэндарскага суду. Пасьля падзелу Рэчы Паспалітае Кнаразы прайшлі ў казну Расейскае імпэрыі (да 1861 г.). Паводле перапісу насельніцтва 1921 г. пражывала тут 315 жыхароў, у тым ліку 302 беларусы. На вясковых могілках з канца 19 ст. ў 1986 годзе была пабудаваная капліца ў гонар Казанскае іконы Божае Маці.

Выбітныя землякі

Нэстар Перавой (1887 — 1974) — палітычны дзяяч, сакратар маскоўскай Беларускае народнае грамады ў час Першае сусьветне вайны, аўтар Залатой Кнігі пра вёску Кнаразы

Вонкавыя спасылкі

Кнаразы — сховішча мультымэдыйных матэрыялаў