Ужыкі

Ужыкі
Населены пункт
Мясцовая назва: Užyki Былая назва: Гужыкі
Краіна	Польшча
Ваяводзтва	Падляскае
Павет	Бельскі
Гміна	Бельск-Падляскі
Першыя згадкі	1576
Часавы пас	UTC+1 UTC+2 (летні час)
Каардынаты	52°46′51″ пн. ш. 23°18′03″ у. д.
Насельніцтва
Лічбавыя ідэнтыфікатары
Тэлефонны код	(+48) 85
Паштовы індэкс	17-100
Нумарны знак	BBI
Ужыкі на мапе Польшчы Ужыкі

У́жыкі (па-польску: Użyki, па-падляску: Úžyki) — прысёлак вёскі Агароднікі ў Бельскім павеце Падляскага ваяводзтва Польшчы. Знаходзіцца ў гміне Бельск-Падляскі.

Ля вёскі працякае рака Арлянка.

Насельніцтва

Жыхары Ужыкаў ў большасьці этнічныя беларусы, якія карыстаюцца падляскім дыялектам, праваслаўныя (прыход сьв. Нараджэньня Яна Хрысьціцеля ў Пасынках). Каталіцкая частка насельніцтва (парафія Промыслу Божага ў Бельску-Падляскім) па этнічных ідэнтыфікацыях — польская.

Гісторыя

Назва вёскі паходзіць ад старацаркоўнаславянскага слова оужик, якое абазначае сваяка. У Ўжыках у 16 ст. існаваў фальварак бельскага стараства, пры якім пражывалі мужыкі-агароднікі (атрымвалі яны невялікія ўчасткі зямлі і былі абавязаны да працы ў фальварку). Дзякуючы гэтым мужыкам была заснаваная вёска Агароднікі (узгадваецца як самастойная вёска толькі ў 18 ст.). Фальварак быў даволі вялікім, так як працавалі ў ім жыхары войтастваў з цэнтрамі ў Зыгмунтове (7 вёсак), Галадах (3 вёскі), Крывятычах (3 вёскі) ды Зубаве (3 вёскі). У 19 ст. Ужыкі ўпершыню перайшлі ў прыватныя рукі — расейскай сямі Фядоравых. У міжваенны пэрыяд Ужыкі прыналежалі да гміны Пасынкі Бельскага павету Беластоцкага ваяводзтва. Пасьля Другай сусьветнай вайны былі далучаныя да гміны Бельск-Падляскі.