Бакаларава

Бакаларава
лац. Bakałarava
	Бакаларава; лац. Bakałarava
	Населены пункт
	Касьцёл Сьвятога Якуба
	Герб
Краіна	Польшча
Ваяводзтва	Падляскае
Павет	Сувальскі
Гміна	Бакаларава
Геаграфія
Вышыня НУМ	173 м і 174 м
Часавы пас	UTC+1; UTC+2 (летні час);
Каардынаты	54°05′37″ пн. ш. 22°39′07″ у. д.HGЯO
Насельніцтва
Колькасьць	872 чал. (2019)
Лічбавыя ідэнтыфікатары
Тэлефонны код	+48 87
Паштовы індэкс	16-423
Нумарны знак	BSU
Сайт	bakalarzewo.pl
	Бакаларава на мапе Польшчы Бакаларава

Бакаларава (польск. Bakałarzewo) — вёска ў Польшчы, на рацэ Распудзе. Цэнтар сельскай гміны Сувальскага павету Падляскага ваяводзтва. Знаходзіцца за 19 км на захад ад Сувалак, за 114 км на поўнач ад Беластоку.

Бакаларава — даўняе магдэбурскае мястэчка гістарычнай Гарадзеншчыны (частка Троччыны), каля граніцы з Прусіяй.

Назва

Назва Бакаларава паходзіць ад мянушкі Мікалая Рачковіча «Бакалаўра», аднаго з заснавальнікаў паселішча.

Гісторыя

Вялікае Княства Літоўскае

Мястэчка заснавалі ў пачатку XVI ст. пад назвай Даўспруда Бакаралаўская або Бакалараўшчына. Яно ўваходзіла ў склад Гарадзенскага павету Троцкага ваяводзтва. У 2-й палове XVI ст. мястэчка ўжо ўпамінаецца пад назвай Бакаларава.

Да 1558 году Бакаларава атрымала Магдэбурскае права. У 1609 годзе Мікалай Вольскі фундаваў стварэньне касьцельнага алтара (захоўваецца ў касьцёле Сьвятога Якуба).

У 2-й палове XVII ст. Бакаларава перайшло ў валоданьне Хлявінскіх^[1], у XVIII ст. — да Цемналонскіх.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Бакаларава апынулася ў складзе Прусіі, у 1807 годзе згодна з Тыльзіцкай мірнай дамовай — у складзе Расейскай імпэрыі, у Сейненскім павеце Аўгустоўскай губэрні. У 1870 годзе расейскія ўлады пазбавілі мястэчка Магдэбурскага права. Да 1880 колькасьць будынкаў дасягнула 103.

За часамі Першай сусьветнай вайны ў 1915 годзе Бакаларава занялі войскі Нямецкай імпэрыі.

Найноўшы час

Згодна з Рыскай мірнай дамовай 1921 году Бакаларава апынулася ў складзе міжваеннай Польскай Рэспублікі.

За часамі Другой сусьветнай вайны з 4 верасьня 1939 да 1945 году Бакаларава знаходзілася пад акупацыяй Трэцяга Райху. У 1973 годзе вёска стала цэнтрам сельскай гміны. У 1975—1998 гадох Бакаларава ўваходзіла ў склад Сувальскага ваяводзтва.

Насельніцтва

Дэмаграфія

XIX стагодзьдзе: ~1880 год — 1554 чал.^[2]
XX стагодзьдзе: 1929 год — 705 чал.
XXI стагодзьдзе: 2019 год — 872 чал.

Турыстычная інфармацыя

Славутасьці

Касьцёл Сьвятога Якуба (1936)
Млын (XIX ст.)
Могілкі: старыя каталіцкія, юдэйскія

Крыніцы

↑ Naruszewicz T. Miejscowości ziemi bakałarzewskiej. — Bakałarzewo, 2014. S. 20—24.
↑ Chlebowski B. Bakałarzewo // Słownik geograficzny... T. I. — Warszawa, 1880. S. 84.

[1] Naruszewicz T. Miejscowości ziemi bakałarzewskiej. — Bakałarzewo, 2014. S. 20—24.

[2] Chlebowski B. Bakałarzewo // Słownik geograficzny... T. I. — Warszawa, 1880. S. 84.

[1]

[2]