Белшына Бабруйск

Зьвесткі зь Вікіпэдыі — вольнай энцыкляпэдыі
(Перанакіравана з «Шыньнік Бабруйск»)
Перайсьці да навігацыі Перайсьці да пошуку
Белшына Бабруйск
FK Bielšyna.png
Поўная назва Бабруйскі футбольны клюб «Белшына»
Заснаваны 1976
Горад Бабруйск, Беларусь
Стадыён Спартак
Умяшчальнасьць: 3709
Генэральны дырэктар Віталь Былінін[1]
Галоўны трэнэр Юры Пунтус
Чэмпіянат Першая ліга
 · 2018 3 месца
Афіцыйны сайт

«Белшына» — беларускі футбольны клюб з гораду Бабруйску, заснаваны ў 1976 годзе. З 2017 году выступае ў першай лізе чэмпіянату Беларусі. У 1993—2016 гадах удзельнічаў у найвышэйшай лізе чэмпіянату Беларусі (акрамя 2005 і 2007—2009 гадоў). Да 1995 году называўся «Шыньнік». Чэмпіён Беларусі (2001), трохразовы ўладальнік Кубка Беларусі (1997, 1999, 2001). Хатні стадыён — «Спартак».

Гісторыя[рэдагаваць | рэдагаваць крыніцу]

Першая футбольная каманда ў Бабруйску была заснавана ў 1922 годзе. У 1976 годзе Беларускі шынны камбінат стаўся заснавальнікам каманды «Шыньнік», ператворанай у 1996 годзе ў «Белшыну». Двойчы, у 1978 і 1987 гадох, «Шыньнік» станавіўся чэмпіёнам БССР па футболе. У 1976, 1980 і 1986 гадох клюб станавіўся срэбраным прызэрам рэспубліканскага першынства. У 1979 годзе «Шыньнік» стаў уладальнікам Кубка БССР, а ў 1977, 1980 і 1991 гадох выходзіў у фінал турніру. У 1988 годзе клюб стаў уладальнікам Кубка сэзону БССР, а ў 1992 годзе быў фіналістам гэтага спаборніцтва. У 1977 і 1979 гадох «Шыньнік» браў удзел у розыгрышы Кубка СССР сярод камандаў калектываў фізкультуры.

У сувэрэнных турнірах чэмпіянату й Кубка краіны другой паловы 1990-х гадоў і пачатку трэцяга тысячагодзьдзя «Белшына» была ў ліку несумнеўных лідэраў беларускага футболу. Найвышэйшым дасягненьнем клюбу ў нацыянальным чэмпіянаце Беларусі зьяўляецца званьне чэмпіёна, якое было здабыта ў 2001 годзе. А да гэтага клюб у 1997 годзе станавіўся срэбраным, а ў 1996 і 1998 гадох — бронзавым прызэрам чэмпіянату краіны.

У складзе «Белшыны» гуляў шэраг футбалістаў, якія прадстаўлялі свой клюб у нацыянальнай зборнай Беларусі: Андрэй Хлебасолаў, Уладзімер Путраш, Дзьмітры Балашоў, Андрэй Хрыпач, Аляксандар Сяднёў і Валер Шанталосаў. Найбольшую колькасьць матчаў у найвышэйшай лізе чэмпіянатаў Беларусі за клюб правёў Эдуард Градабоеў, маючы на сваім рахунку 249 матчы за клюб. На працягу пяці сэзонаў на межы стагодзьдзяў клюб атрымліваў права прадстаўляць краіну на міжнароднай арэне, аднак за чатырнаццаць гульняў у эўрапейскіх турнірах, толькі двойчы атрымаўшы перамогі.

Паводле вынікаў сэзону 2006 году бабруйская каманда выбыла ў першую лігу. У першынстве 2007 году адразу тры каманды выходзілі ў найвышэйшую лігу, аднак «Белшына» заняла толькі чацьвертае месца й ня здолела прабіцца ў наймацнейшы дывізіён краіны. Наступны сэзон клюб скончыў на трэцяй пазыцыі, якая таксама не давала магчымасьці атрымаць пуцёўку ў найвышэйшы дывізіён. Толькі ў сэзоне 2009 году «Белшына» здолела выйсьці ў дывізіён вышэй, стаўшы пераможцам розыгрышу першай лігі.

Дасягненьні[рэдагаваць | рэдагаваць крыніцу]

Склад[рэдагаваць | рэдагаваць крыніцу]

Актуальны на красавік 2019 году[2]
Пазыцыя Імя Год нараджэньня
Дзяржаўны сьцяг Беларусі Бр Уладзімер Пяцігорац 1990
Дзяржаўны сьцяг Беларусі Бр Сяргей Туранок 1986
Дзяржаўны сьцяг Беларусі Аб Антон Бубноў 1988
Дзяржаўны сьцяг Беларусі Аб Арцём Дылеўскі 1997
Дзяржаўны сьцяг Беларусі Аб Канстанцін Кучынскі 1998
Дзяржаўны сьцяг Беларусі Аб Аляксандар Новік 1995
Дзяржаўны сьцяг Беларусі Аб Ільля Руцкі 1999
Сьцяг Нігерыі ПА Самюэль Адэаіба 1993
Дзяржаўны сьцяг Беларусі ПА Павал Бардукоў 1993
Дзяржаўны сьцяг Беларусі ПА Дзяніс Галенка 1996
Дзяржаўны сьцяг Беларусі ПА Дзьмітры Градабоеў 1991
Дзяржаўны сьцяг Беларусі ПА Ільля Кухарчык 1997
Пазыцыя Імя Год нараджэньня
Дзяржаўны сьцяг Беларусі ПА Юры Паўлюкавец 1994
Дзяржаўны сьцяг Беларусі ПА Максім Рыбакоў 1993
Дзяржаўны сьцяг Беларусі ПА Уладзіслаў Салановіч 1999
Дзяржаўны сьцяг Беларусі ПА Дзьмітры Турлін 1985
Сьцяг Украіны ПА Яраслаў Шкурко 1991
Сьцяг Расеі ПА Аляксандар Юшын 1995
Дзяржаўны сьцяг Беларусі Нап Кірыл Ермаковіч 1999
Дзяржаўны сьцяг Беларусі Нап Мухамаджон Лоікаў 1998
Дзяржаўны сьцяг Беларусі Нап Андрэй Лясюк 1983
Дзяржаўны сьцяг Беларусі Нап Кірыл Сідарэнка 1995
Дзяржаўны сьцяг Беларусі Нап Кірыл Шакураў 1994

Статыстыка[рэдагаваць | рэдагаваць крыніцу]

Чэмпіянат[рэдагаваць | рэдагаваць крыніцу]

Сэзон Ліга Месца Г В Н П РМ Пкт
2012 Найвышэйшая 7 30 7 9 14 26–40 30
2013 Найвышэйшая 7 32 15 8 9 42–38 47[a]
2014 Найвышэйшая 10 32 8 8 16 42–56 32
2015 Найвышэйшая 4 26 12 7 7 39–19 43
2016 Найвышэйшая 15 Red Arrow Down.svg 30 5 10 15 34–45 25
2017 Першая 5 30 14 7 9 56–30 47[b]
2018 Першая 3 28 18 5 5 59–23 59

Кубак[рэдагаваць | рэдагаваць крыніцу]

Сэзон Раўнд Г В Н П РМ
2012—2013 1/4 3 2 0 1 4–4
2013—2014 1/4 3 2 0 1 6–4
2014—2015 1/4 4 2 1 1 6–3
2015—2016 1/4 6 2 3 1 10–8
2016—2017 1/16 1 0 0 1 2–3
2017—2018 1/16 2 1 0 1 3–5
2018—2019 1/4 5 2 1 2 11–7

Удзел у эўракубках[рэдагаваць | рэдагаваць крыніцу]

Сэзон Кубак Раўнд Клюб Дома У гасьцях
1997—1998 Кубак кубкаў к/р Сьцяг Эстоніі Садам Талін 4:1 1:1
1 раўнд Сьцяг Расеі Лякаматыў Масква 1:2 0:3
1998—1999 Кубак УЭФА 1 к/р Сьцяг Баўгарыі ЦСКА Сафія 1:3 0:0
1999—2000 Кубак УЭФА к/р Сьцяг Кіпру Амонія Нікасія 1:5 0:3
2001—2002 Кубак УЭФА к/р Сьцяг Славаччыны Ружамбэрак 0:0 1:3
2002—2003 Ліга чэмпіёнаў 1 к/р Сьцяг Паўночнай Ірляндыі Портадаўн 3:2 0:0
2 к/р Сьцяг Ізраілю Макабі Хайфа 0:1 0:4

Галоўныя трэнэры[рэдагаваць | рэдагаваць крыніцу]

Заўвагі[рэдагаваць | рэдагаваць крыніцу]

  1. ^ «Белшына» пазбаўленая 6 пунктаў за сыстэматычнае невыкананьне рашэньняў камітэту па статусе і пераходах гульцоў
  2. ^ «Белшына» пазбаўленая 2 пунктаў

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]