Ягор Зубовіч
| Ягор Зубовіч | ||
| Пэрсанальная інфармацыя | ||
|---|---|---|
| Нарадзіўся | 1 чэрвеня 1989[1] (37 гадоў) | |
| Рост | 185 см[2] | |
| Вага | 74 кг[2] | |
| Пазыцыя | нападнік | |
| Клюбная інфармацыя | ||
| Клюб | Менск | |
| Нумар | 17 | |
| Клюбы | ||
| Гады | Клюб | Гульні (галы)¹ |
| 2005 | Тарпэда Менск | 1 (0) |
| 2006 | ПМЦ[d] | 28 (4) |
| 2007 | Партызан Менск | 12 (2) |
| 2008 | Дынама Менск | 5 (0) |
| 2009 | → Тарпэда-БелАЗ | 22 (2) |
| 2010 | Партызан Менск | 29 (8) |
| 2011 | Белшына | 32 (11) |
| 2012—2015 | Ягелёнія | 0 (0) |
| 2012—2013 | → Нафтан | 43 (5) |
| 2013—2014 | → Нёман Горадня | 45 (16) |
| 2015 | → Слуцак | 26 (8) |
| 2016 | Дынама Менск | 21 (5) |
| 2017 | Тарпэда-БелАЗ | 30 (11) |
| 2018 | Малака Юнайтэд[d] | 22 (12) |
| 2019 | Дынама Менск | 27 (8) |
| 2020 | Жэтысу | 19 (1) |
| 2021—2025 | Нёман Горадня | 126 (32) |
| 2026— | Менск | |
| Зборныя | ||
| 2007—2008 | Беларусь (да 19)[d] | 6 (0) |
| 2008—2009 | Беларусь (да 21) | 5 (0) |
Ягор Зубовіч (нар. 1 чэрвеня 1989 году) — беларускі футбаліст, нападнік «Менску». Удзельнік летніх Алімпійскіх гульняў 2012 году.
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]Пачаў займацца футболам ва Ўзьдзе, пасьля трапіў у Менск. Гуляў за розныя клюбы. Выдатна правёў сэзон 2011 году, стаўшы найлепшым бамбардзірам бабруйскай «Белшыны» і адным з найлепшых у чэмпіянаце. У сьнежні 2011 году перайшоў у беластоцкую «Ягелёнію». Але праз два тыдні быў звольнены галоўны трэнэр польскай каманды Чэслаў Міхневіч, а новы трэнэр ня бачыў Зубовіча ў складзе. У выніку Ягор вярнуўся ў Беларусь, трапіўшы ў арэнду ў наваполацкі «Нафтан». Пазьней арэнда падаўжалася, у студзені 2013 году чарговы раз было падпісана арэнднае пагадненьне[3].
У ліпені 2013 году з «Нафтанам» перайшоў на правах арэнды ў гарадзенскі «Нёман»[4]. У гарадзенскім клюбе здолеў замацавацца ў якасьці асноўнага нападніка. Па заканчэньні сэзону вярнуўся ў «Ягелёнію», але ня здолеў прыглянуцца трэнэрскаму штабу і ў лютым 2014 году зноў выправіўся ў Горадня[5]. Першую палову сэзону 2014 году правёў у якасьці цэнтральнага нападніка, пасьля апусьціўся на месца атакуючага паўабаронцы. З 12 галамі стаў найлепшым бамбардзірам клюбу ў сэзоне.
У студзені 2015 году, пакінуўшы «Нёман» па заканчэньні арэнды, далучыўся да стану «Ягелёніі»[6]. Аднак, у выніку ня трапіў на збор беластоцкага клюбу ў Турэччыне[7]. У выніку выправіўся на прагляд у «Слуцак», зь якім у сакавіку 2015 году падпісаў арэнднае пагадненьне[8]. З 8 галамі стаў найлепшым бамбардзірам «Слуцка» ў сэзоне 2015 году. Па заканчэьнні сэзону вярнуўся з арэнды ў «Ягелёнію»[9]. У сакавіку 2016 году ў аднабаковым парадку скасаваў пагадненьне з польскім клюбам праз сыстэматычную нясплату заробку[10]. Неўзабаве прыбыў на прагляд у менскае «Дынама» і падпісаў кантракт[11]. У складзе дынамаўцаў стаў перадусім выходзіць на замену. У сьнежні 2016 году па заканчэньні кантракта пакінуў сталічны клюб[12].
У лютым 2017 году праходзіў прагляд у карагандзінскім «Шахтары»[13], але пазьней далучыўся да «Тарпэда-БелАЗ» і неўзабаве падпісаў кантракт з гэтым клюбам[14]. У складзе жодзінцаў быў адным з асноўных нападнікаў, правёў усе 30 матчаў чэмпіянату. З 11 галамі стаў найлепшым бамбардзірам каманды. Па заканчэньні сэзону ў лістападзе 2017 году пакінуў «Тарпэда-БелАЗ»[15]. У сьнежні 2017 году стаў гульцом малайзійскага клюбу «Малака Юнайтэду»[16]. Быў асноўным нападнікам каманды, у сэзоне 2018 году з 12 галамі стаў чацьвертым бамбардзірам чэмпіянату Малайзіі. У сьнежні 2018 году пакінуў клюб[17].
У студзені 2019 году ў чарговы раз стаў гульцом менскага «Дынама»[18]. У пачатку сэзону 2019 году часьцей выходзіў на замену, пасьля пачаў звычайна зьяўляцца ў стартавым складзе. У пачатку 2020 году трэнаваўся з дынамаўцамі, аднак у лютым па пагадненьні бакоў пакінуў сталічны клюб[19]. У хуткім часе далучыўся да казаскага клюбу «Жэтысу» і неўзабаве падпісаў зь ім кантракт[20]. У складзе «Жэтысу» пераважна выходзіў на замену. У студзені 2021 году стала вядома, што Зубовіч разам зь іншымі беларускімі футбалістамі пакінуў «Жэтысу»[21].
У лютым 2021 году трэнаваўся з гарадзенскім «Нёманам» і неўзабаве падпісаў кантракт[22]. Паводле вынікаў сэзону 2023 году з 14 галамі стаў другім бамбардзірам чэмпіянату Беларусі і дапамог «Нёману» заваяваць срэбраныя мэдалі. У студзені 2024 году на два гады падоўжыў кантракт з гарадзенскім клюбам[23]. 24 траўня 2025 году выйшаў на замену на 63-й хвіліне фінальнага матчу Кубка Беларусі супраць «Тарпэда-БелАЗ», а на 80-й хвіліне аформіў трэці гол, усталяваўшы канчатковы лік 3:0 на карысьць гарадзенцаў. Такім чынам, ён стаў уладальнікам кубка краіны другі сэзон запар і трэці раз у кар’еры. Адкладзены матч 3-га туру, які быў згуляны 18 чэрвеня 2025 году, стаў для нападніка 400-м у Найвышэйшай лізе[24]. На пачатку 2026 году Зубовіч стаў футбалістам «Менску»[25].
Міжнародная
[рэдагаваць | рэдагаваць код]Гуляў за моладзевыя зборныя розных узростаў. У 2011—2012 гадах выступаў у алімпійскай зборнай Беларусі.
Дасягненьні
[рэдагаваць | рэдагаваць код]- Срэбраны прызэр чэмпіянату Беларусі: 2023, 2024
- Бронзавы прызэр чэмпіянату Беларусі: 2016
- Уладальнік Кубка Беларусі: 2012, 2024, 2025
- У сьпісе 22 найлепшых футбалістаў чэмпіянату Беларусі: 2011, 2023
Статыстыка
[рэдагаваць | рэдагаваць код]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Слуцак | 2015 | Найвышэйшая ліга | 26 | 8 |
| Дынама Менск | 2016 | Найвышэйшая ліга | 21 | 5 |
| Тарпэда-БелАЗ | 2017 | Найвышэйшая ліга | 30 | 11 |
Крыніцы
[рэдагаваць | рэдагаваць код]- ↑ Egor Zubovich // Transfermarkt (мн.) — 2000.
- 1 2 3 https://www.fcneman.by/by/komanda/main/160.html
- ↑ Егор Зубович остается в "Нафтане" (рас.)
- ↑ "Неман" взял в аренду Егора Зубовича (рас.)
- ↑ Зубович перешел в «Неман» на правах аренды (рас.) Архіўная копія ад 2016-03-04 г.
- ↑ Егор Зубович вернулся в "Ягеллонию" (рас.)
- ↑ Зубович не отправится на сбор в Турцию в составе «Ягеллонии» (рас.)
- ↑ Егор Зубович будет играть за "Слуцк" (рас.)
- ↑ Зубович и Залеский расстались со "Слуцком" (рас.)
- ↑ Зубович расторг контракт с «Ягеллонией» в одностороннем порядке (рас.)
- ↑ Минское "Динамо" заключило контракт с Егором Зубовичем (рас.)
- ↑ Минское "Динамо" покинуло пятеро футболистов (рас.)
- ↑ Егор Зубович проходит просмотр в карагандинском "Шахтере" (рас.)
- ↑ Егор Зубович подписал контракт с "Торпедо-БелАЗ" (рас.)
- ↑ Девять футболистов покинули "Торпедо-БелАЗ" (рас.)
- ↑ Егор Зубович стал игроком малазийского клуба "Малакка Юнайтед" (ФОТО) (рас.)
- ↑ Зубович покинул "Малакку Юнайтед" (рас.)
- ↑ Зубович стал игроком минского "Динамо" (рас.)
- ↑ Минское "Динамо" объявило о расторжении контракта с Зубовичем (рас.)
- ↑ Источник: Зубович подписал контракт с "Жетысу". Это пятый белорус в талдыкорганском клубе (рас.)
- ↑ Все белорусы покинули "Жетысу" (рас.)
- ↑ Егор Зубович подписал соглашение с "Неманом" (рас.)
- ↑ Егор Зубович продлил контракт с "Неманом" (рас.)
- ↑ Егор Зубович достиг отметки 400 матчей в высшей лиге (рас.). Football.by (2025-06-18). Праверана 2025-06-22 г.
- ↑ Егор Зубович стал игроком "Минска" (рас.). Football.by (2026-01-17). Праверана 2026-01-24 г.
Вонкавыя спасылкі
[рэдагаваць | рэдагаваць код]- Статыстка «ПБ-Инфо» (рас.)
- Профіль на soccerway.com (анг.)
- Нарадзіліся 1 чэрвеня
- Нарадзіліся ў 1989 годзе
- Нарадзіліся ва Ўзьдзе
- Футбалісты клюбу «Менск»
- Футбалісты клюбу «Тарпэда» Менск
- Футбалісты клюбу «Партызан» Менск
- Футбалісты клюбу «Дынама» Менск
- Футбалісты клюбу «Тарпэда-БелАЗ» Жодзін
- Футбалісты клюбу «Белшына» Бабруйск
- Футбалісты клюбу «Ягелёнія» Беласток
- Футбалісты клюбу «Нафтан» Наваполацак
- Футбалісты клюбу «Нёман» Горадня
- Футбалісты клюбу «Слуцак»
- Футбалісты клюбу «Жэтысу» Талдыкарган
- Футбалісты моладзевай зборнай Беларусі
- Беларускія футбалісты
- Беларускія футбалісты і футбалісткі на Алімпійскіх гульнях
- Футбалісты і футбалісткі на летніх Алімпійскіх гульнях 2012 году
- Футбалісты клюбу ПМЦ Паставы
- Футбалісты клюбу «Малака Юнайтэд»