Шахцёр Петрыкаў
| Шахцёр | |
 | |
| Заснаваны | 2020 |
|---|---|
| Горад | Петрыкаў, Беларусь |
| Стадыён |
Прыпяць Умяшчальнасьць: 800 |
| Чэмпіянат | Першая ліга |
| · 2022 | 3 месца |
«Шахцёр» — беларускі футбольны клюб зь Петрыкава, які ладзіць свае хатнія матчы на стадыёне Прыпяць. Закладзены ў 2020 годзе як фарм-клюб салігорскага «Шахцёру».
Гісторыя[рэдагаваць | рэдагаваць крыніцу]
У сьнежні 2019 году стала вядома, што салігорскі «Шахцёр» плянуе заявіць даччыную каманду ў другую лігу[1]. У студзені 2020 году галоўным трэнэрам новай каманды стаў Сяргей Нікіфарэнка, які раней працаваў у структуры салігорскага клюбу[2]. Склад фарм-клюбу ўтварылі ў асноўным былыя рэзэрвісты салігорскага «Шахцёра», таксама былі запрошаныя і іншыя дасьведчаныя футбалісты. Некаторы час каманда рыхтавалася да новага сэзону ў Салігорску, а ў сакавіку 2020 году быў адкрыты новы стадыён «Прыпяць» у Петрыкаве[3], які і стаў хатнім.
«Шахцёр» адразу стаў адным з фаварытаў другой лігі. Скончыўшы першую частку першынства 2020 году на другім месцы пасьля магілёўскага «Дняпра», «Шахцёр» упэўнена правёў фінальную частку і заняў другое выніковае месца, якое дазволіла выйсьці ў першую лігу. У сэзоне 2021 году ў першай лізе петрыкаўскі «Шахцёр» заставаўся фарм-клюбам салігорскага, аднак камплектаваўся ня толькі салігорскімі, але і іншымі, пераважна маладымі гульцамі. Каманда нестабільна правяла сэзон, чаргуючы пасьпяховыя адрэзкі з правальнымі, у выніку фінішавала ў сярэдзіне, на 7 месцы пры 12 удзельніках.
У сэзоне 2022 году «Шахцёр» хутка апынуўся сярод лідэраў турніру, значны час рухаўся на першым месцы. Каманда ўпэўнена змагалася з аўтсайдэрамі, дзе нярэдка перамагала з вынішчальным лікам, аднак матчы з асноўнымі канкурэнтамі атрымоўваліся горш. У верасьні 2022 году АБФФ афіцыйна паведаміла, што «Шахцёр» як фарм-клюб ня мае права ўзьняцца ў найвышэйшую лігу[4], пасьля чаго петрыкаўская каманда прапусьціла наперад асноўных канкурэнтаў і фінішавала на трэцім месцы.
Склад[рэдагаваць | рэдагаваць крыніцу]
- Актуальны на 26 жніўня 2023 году
|
|
.svg){kind=small}
Статыстыка[рэдагаваць | рэдагаваць крыніцу]
| Сэзон | Ліга | Месца | Г | В | Н | П | РМ | Пкт |
|---|---|---|---|---|---|---|---|---|
| 2020 | Другая — група Б | 2 | 20 | 16 | 1 | 3 | 80–16 | 49 |
| Другая — фінальны этап | 2 | 10 | 6 | 1 | 3 | 24–10 | 19 | |
| 2021 | Першая | 7 | 33 | 13 | 7 | 13 | 50–56 | 46 |
| 2022 | Першая | 3 | 24 | 13 | 6 | 5 | 69–20 | 45 |
Крыніцы[рэдагаваць | рэдагаваць крыніцу]
- ^ "Шахтер" делегирует во вторую лигу дочернюю команду из Петрикова(рас.) Football.by.
- ^ Никифоренко возглавил петриковский "Шахтер"(рас.) Football.by.
- ^ В Петрикове открыли стадион для "Шахтера-2" (ФОТО)(рас.) Football.by.
- ^ Ротация между высшей и первой лигами пройдет без "Шахтера" из Петрикова(рас.) Football.by.