Сяргей Яромка
| Сяргей Яромка | ||
| ||
| Пэрсанальная інфармацыя | ||
|---|---|---|
| Нарадзіўся | 7 красавіка 1967[1] (58 гадоў) | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 1989—1990 | Ардабасы | 70 (24) |
| 1991 | Алга Бішкек[d] | 24 (5) |
| 1993 | Белшына | 10 (5) |
| 1993—1994 | Бабруйск | 29 (24) |
| 1995—1996 | Славія Мазыр | 43 (30) |
| 1997—2000 | Тарпэда Менск | 103 (39) |
| Зборныя | ||
| 1994 | Беларусь | 1 (0) |
| Трэнэрскія клюбы | ||
| 2005—2009 | Менск | |
| 2011 | СКВІЧ | |
| 2012 | Белшына | |
| 2014—2019 | Гарадзея | |
| 2019—2020 | Беларусь (да 21) | |
| 2022—2023 | Менск | |
| 2024 | Беларусь (да 21) | |
| 2025— | Дынама-2[d] | |
Сяргей Яромка (нарадзіўся 7 красавіка 1967 году) — беларускі футбаліст і футбольны трэнэр. Нападнік. У цяперашні час займае пасаду галоўнага трэнэрам сталічнага «Дынама-2». Уваходзіць у Клюб беларускіх бамбардзіраў для футбалістаў, якія забілі 100 і болей галоў на найвышэйшым узроўні[2].
Кар’ера
[рэдагаваць | рэдагаваць]Гульнявая
[рэдагаваць | рэдагаваць]Пачынаў кар’еру ў менскім «Буравесьніку», пазьней гуляў у Сярэдняй Азіі і Польшчы. У 1993 годзе вярнуўся ў Беларусь і стаў адным з самых выніковых нападнікаў Найвышэйшай лігі. Двойчы станавіўся найлепшым бамбардзірам чэмпіянату. За нацыянальную зборную Беларусі згуляў у адным таварыскім матчы. У 2001 годзе завяршыў кар’еру ў клюбе Другой лігі СКАФ.
Трэнэрская
[рэдагаваць | рэдагаваць]У 2001 годзе пачаў трэнэрскую кар’еру ў СКАФе. Пазьней працаваў трэнэрам у менскіх «Лякаматыве» і «Дынама». У 2005 годзе ачоліў менскую «Зьмену» (пазьней «Менск»). Вывеў гэты клюб у Найвышэйшую лігу беларускага чэмпіянату. Пакінуў «Менск» у 2009 годзе, пасьля працаваў у менскім «Дынама» ды быў галоўным трэнэрам клюбу СКВІЧ.
У пачатку 2012 году стаў галоўным трэнэрам бабруйскай «Белшыны». Быў звольнены з пасады ў ліпені 2012 году. У сьнежні 2012 году папоўніў трэнэрскі штаб казаскага «Іртышу»[3]. Пакінуў паўладарскі клюб улетку 2013 году.
У траўні 2014 году быў прызначаны галоўным трэнэрам «Гарадзеі»[4]. Пасьля няўдалага сэзону 2014 году, у якім «Гарадзея» заняла толькі шостае месца ў Першай лізе, на наступны год каманда зь Нясьвіскага раёну забясьпечыла сабе выхад у Найвышэйшую лігу. У сэзонах 2016 і 2017 гадоў «Гарадзея» была адным з пасярэдніх клюбаў Найвышэйшай лігі. У лістападзе 2017 году кантракт клюбу зь Яромкам быў падоўжаны да 2019 году[5]. У чэрвені 2019 году пакінуў пасаду галоўнага трэнэра.
У чэрвені 2019 году прызначаны галоўным трэнэрам моладзевай зборнай Беларусі[6]. Заставаўся трэнэрам зборнай да сьнежня 2020 году[7]. У сьнежні 2022 году быў прызначаны галоўным трэнэрам «Менску»[8]. У сьнежні 2023 году па заканчэньні кантракту пакінуў клюб[9]. У лютым 2024 году зноў стаў галоўным трэнэрам моладзевай зборнай Беларусі[10], але па сканчэньні тэрміну дзеі ўгоду пакінуў пасаду ў сьнежні. Як пазьней паведамляў сам Яромка, ягоны кантракт ня быў падоўжаны праз паразу моладзевай зборнай аднагодкам з Фарэрскіх астравоў[11]. У верасьні 2025 году ачоліў дублюючы склад сталічнага «Дынама» зь Першай лігі. Пры гэтым трэнэр меў прапановы ад клюбаў Найвышэйшай лігі, але не пагадзіўся зь імі працаваць[12].
Дасягненьні
[рэдагаваць | рэдагаваць]- Чэмпіён Беларусі: 1996
- Срэбраны прызэр чэмпіянату Беларусі: 1995
- Уладальнік Кубка Беларусі: 1996
- Найлепшы бамбардзір чэмпіянату Беларусі: 1995, 1998
Крыніцы
[рэдагаваць | рэдагаваць]- ^ а б в Sergey Yaromko // Transfermarkt (мн.) — 2000.
- ^ Клуб бомбардиров. Олег Страханович. Чем дольше играешь, тем больше стимулов (рас.)
- ^ Футбол. Сергей Яромко пополнил тренерский штаб казахстанского "Иртыша" (рас.) Архіўная копія ад 2014-07-14 г.
- ^ Яромко стал главным тренером "Городеи" (рас.)
- ^ "Городея" продлила контракт с Сергеем Яромко (рас.)
- ^ Официально: Сергей Яромко возглавил молодежную сборную Беларуси (рас.)
- ^ Яромко покинет пост главного тренера молодежной сборной Беларуси (рас.)
- ^ Сергей Яромко возглавил "Минск" (рас.)
- ^ Яромко с тренерским штабом покинули "Минск" (рас.)
- ^ Официально: Сергей Яромко назначен на пост главного тренера молодежной сборной Беларуси (рас.)
- ^ Сергей Яромко: "АБФФ не продлила со мной контракт после поражения от Фарер. Хотя задача была совсем другая" (рас.). Football.by (2025-02-07). Праверана 2025-10-04 г.
- ^ Сергей Яромко: звали из высшей лиги, но эти варианты были неприемлемыми (рас.). Bet News (2025-09-12). Праверана 2025-10-04 г.
| |||||
- Нарадзіліся 7 красавіка
- Нарадзіліся ў 1967 годзе
- Нарадзіліся ў Менску
- Футбалісты клюбу «Ардабасы» Шымкент
- Футбалісты клюбу «Белшына» Бабруйск
- Футбалісты клюбу «Бабруйск»
- Футбалісты клюбу «Славія» Мазыр
- Футбалісты клюбу «Тарпэда» Менск
- Футбалісты зборнай Беларусі
- Футбалісты клюбу «Менск»
- Футбалісты клюбу СКВІЧ Менск
- Футбалісты клюбу «Гарадзея»
- Футбалісты моладзевай зборнай Беларусі
- Беларускія футбалісты
- Беларускія футбольныя трэнэры