ЦСКА Сафія

ЦСКА Сафія
Поўная назва	Професионален футболен клуб ЦСКА София
Заснаваны	5 траўня 1948
Горад	Сафія, Баўгарыя
Стадыён	Баўгарская армія Умяшчальнасьць: 22 995
Кіраўнік	Грыша Ганчаў[d]
Галоўны трэнэр	Хрыста Янеў[d]
Чэмпіянат	Першая прафэсійная ліга
· 2025—2026	4 месца
Галерэя здымкаў у Вікісховішчы cska.bg (баўг.)

ЦСКА (па-баўгарску: ЦСКА) — баўгарскі футбольны клюб з гораду Сафіі. Заснаваны ў 1948 годзе. 31-разовы чэмпіён Баўгарыі, 22-разовы ўладальнік Кубка Баўгарыі, 4-разовы ўладальнік Супэркубка Баўгарыі. Традыцыйнымі хатнімі колерамі ЦСКА ёсьць чырвона-белыя. Свае матчы каманда ладзіць на стадыёне Баўгарская армія. Галоўным супернікам клюбу зважаецца сафійскі «Леўскі», а матчы паміж дзьвюма камандамі вядомыя як Вечнае дэрбі.

Гісторыя

У лістападзе 1923 году сталічныя футбольныя клюбы «Атлетык» і «Слава» аб’ядналіся ў адзіны клюб, які атрымаў назву АС-23. За гэтым назовам стаяла скарачэньне ад Афіцэрскага спартовага клюбу Атлетык Слава 1923. Патранаж над камандай узяло на сябе міністэрства абароны, якое забясьпечыла каманду абсталяваньнем. У 1931 годзе АС-23 здабыў перамогу ў чэмпіянаце Баўгарыі, а таксама стаў уладальнікам Кубка цара. Наступны Кубка цара быў здабыты ў 1941 годзе. Стадыён клюбу, які быў пабудаваны ў 1938 годзе, меў назву Атлетык Парк і разьмяшчаўся там, дзе сёньня стаіць стадыён Баўгарскай арміі.

9 лістапада 1944 году пры падтрымцы Міхаіла Міхайлава, бухгальтара міністэрства абароны і апекуна сафійскага клюбу «Шыпка», было падпісанае аб’яднальнае пагадненьне паміж клюбамі АС-23, «Шыпкай», «Спартаком» і «Чаўдарам». Старшынём новага клюбу тэлеграмай быў прызначаны генэрал Уладзімер Стойчаў з АС-23, які ў той час ваяваў на фронце Другой сусьветнай вайны. Праўнік Іван Башаў, будучы міністар замежных справаў Баўгарыі, быў прызначаны сакратаром клюбу і адказным за футбол. Нарэшце ў траўні 1948 году аб’яднаньне з сталічным «Сэптэмвры» стварыла сучасны футбольны клюб. Пагадненьні было ўкладзенае 5 траўня, таму менавіта гэтая дата зважаецца днём нараджэньня ЦСКА. Свой першы афіцыйны матч клюб згуляў 19 траўня 1948 году супраць сафійскай «Славіі» на стадыёне Юнак, скончыўшы гульню ўнічыю 1:1.

Спачатку клюб меў назву «Сэптэмвры пры ЦДВ», дзе абрэвіятура ЦДВ азначала «Цэнтральны дом войска». У 1950 годзе да назвы дадалося слова Народная, у выніку чаго поўны назоў стаў ЦДНВ.

Склад

Актуальны на 1 жніўня 2026 году

№ Пазыцыя Імя Год нараджэньня 2 Аб Пастур  2000 3 Аб Таміму Ўару  (ар. Боцеў Ур.) 2003 4 Аб Адрыян Ляпэньня  1996 5 Аб Жан-Філіп Гбамэн  1995 6 ПА Бруну Жардан  (капітан) 1998 7 ПА Макс Эбонг 1999 8 ПА Стэфана Сэнсі  1995 9 Нап Сант’яга Гадой  2001 10 Нап Ёэль Звартс  1999 11 Нап Маамэд Браімі  1998 14 Аб Тэадор Іванаў  2004 17 Аб Анхэлё Мартына  1998 19 Аб Андрэй Ярданаў  2001

№ Пазыцыя Імя Год нараджэньня 21 Бр Фёдар Лапавухаў 2003 22 Нап Кевін Додай  2005 25 Бр Дзімітар Эўтымаў  1993 28 Нап Яаніс Пітас  1996 30 ПА Петка Панаётаў  2005 32 Аб Факунда Радрыгес  (ар. Эстудыянтэс) 2000 34 ПА Васіл Каймаканаў  2007 38 Нап Леў Пэрэйра  2000 77 Нап Алехандра П’едраіта  2002 80 ПА Георгі Чарбаджыйскі  2004 94 ПА Ісаак Сале  2001 99 ПА Джэймз Это’о  2000

Вонкавыя спасылкі

• Афіцыйны сайт