Перайсьці да зьместу

Слонім-2017 (футбольны клюб)

Зьвесткі зь Вікіпэдыі — вольнай энцыкляпэдыі
Слонім-2017
Заснаваны 2009
Горад Слонім, Беларусь
Стадыён Юнацтва
Умяшчальнасьць: 2220
ДырэктарСяргей Салдаценка
Чэмпіянат Першая ліга
 · 2024 16 месца
Афіцыйны сайт

«Слонім-2017» — беларускі футбольны клюб з гораду Слоніму. Заснаваны ў 2009 годзе. З 2013 году выступае ў Першай лізе чэмпіянату Беларусі.

У 2012 годзе «Белтрансгаз» заняў другое месца ў Другой лізе і атрымаў права выступаць у 2013 годзе ў Першай лізе. Пад назвай «Слонім» каманда пачала выступаць з 2013 году, калі да слонімскага «Белтрансгазу» быў далучаны слонімскі «Камунальнік». Амаль увесь сэзон 2013 году дружына правяла ўнізе табліцы. «Слонім» 13 разоў згуляў унічыю — болей за ўсіх у чэмпіянаце. Толькі пад сканчэньне турніру дружына стала трывала набіраць пункты, але ўзьняцца вышэй за канкурэнтаў ня здолела. У выніку — 13 месца. Перад сэзонам 2014 году з каманды сышлі амаль усе асноўныя гульцы. Замест іх склад «Слоніма» папоўнілі мясцовыя футбалісты, а таксама гульцы, якія апынуліся незапатрабаванымі ў сваіх клюбах. У выніку «Слонім» амаль адразу апынуўся ў канцы табліцы, дзе доўгі час змагаўся зь пінскай «Хваляй» за захаваньне месца ў Першай лізе. Увосень 2014 году «Слонім» выступаў пасьпяхова, што дазволіла камандзе за некалькі тураў да фінішу выратавацца ад вылету ў Другую лігу, але вышэй 15 месца ўзьняцца яна гэтак і ня здолела. У сэзоне 2015 году «Слонім» здолеў умацавацца шэрагам дасьведчаных гульцоў, дзякуючы чаму скончыў сэзон на 9 месцы, аднак у наступным сэзоне апусьціўся на 11 радок.

Перад сэзонам 2017 году назва клюбу зьмененая на «Слонім-2017»[1]. Пад кіраўніцтвам новага трэнэра слонімскі клюб пасьпяхова пачаў сэзон 2017 году. Атрымаўшы некалькі перамог над фаварытамі, каманда скончыла першую палову сэзону на трэцім месцы. Аднак, у жніўні 2017 году Вячаслаў Царук пакінуў пасаду галоўнага трэнэра «Слоніма-2017», і другую палову чэмпіянату клюб правёў значна горш, апусьціўшыся на выніковае 11 месца. Сэзон 2018 году каманда правяла роўна, знаходзячыся ў сярэдзіне табліцы, і ў выніку скончыла сэзон на сёмым месцы. Першая палова сэзона 2019 году атрымалася для слонімскай каманды няўдалай, добра была распачатая другая палова чэмпіянату, аднак хутка вынікі зноў пагоршыліся. У выніку «Слонім-2017» стаў трынаццатым. У 2020 годзе слонімская каманда амаль увесь час ішла ў сярэдзіне табліцы і скончыла сэзон восьмай. У 2021 годзе ў камандзе гулялі пераважна маладыя футбалісты, многія зь якіх былі ўзятыя ў арэнду ў іншых клюбах. Няблага пачаўшы сэзон, каманда неўзабаве апусьцілася ўніз, а пасьля апынулася на апошнім 12 радку, дзе засталася да заканчэньня турніру. Праз плянаванае пашырэньне лігі, аднак, апошняя каманда не выбывала ў Другую лігу, і «Слонім-2017» застаўся ў Першай лізе.

У пачатку 2022 году новым галоўным трэнэрам стаў Ігар Латаш. Каманда дрэнна пачала чэмпіянат і доўгі час ішла на апошнім радку, аднак у другой палове сэзону вынікі палепшыліся, і ў выніку «Слонім-2017» фінішаваў 11 месцы пры 13 удзельніках. У верасьні 2023 году быў звольнены галоўны трэнэр Ігар Латаш, каманду ў якасьці выканаўцы абавязкаў галоўнага трэнэра прыняў ягоны памочнік Георгі Татарашвілі[2], аднак гэта толькі часова дапамагло выправіць вынікі. Каманда скончыла сэзон на 15-м месцы пры 17 удзельніках.

Актуальны на 6 красавіка 2025 году
Пазыцыя Імя Год нараджэньня
4 Сьцяг Беларусі Аб Віталь Пара 2004
5 Сьцяг Беларусі Аб Дзьмітры Вячорка 2001
6 Сьцяг Беларусі Нап Ягор Пятроў 2004
7 Сьцяг Расеі ПА Іван Сёмін 2002
8 Сьцяг Расеі ПА Раман Мушулаў 2005
9 Сьцяг Беларусі Аб Дзяніс Куцко 1983
10 Сьцяг Беларусі Аб Яўген Машагін 2000
11 Сьцяг Беларусі ПА Іван Фурманаў 2006
13 Сьцяг Расеі Аб Ягор Кудзінаў Edit this on Wikidata 2000
15 Сьцяг Беларусі ПА Максім Клунок 2000
16 Сьцяг Беларусі Бр Яўген Юрын 2004
Пазыцыя Імя Год нараджэньня
17 Сьцяг Расеі Аб Уладзімер Дзіёў 2004
21 Сьцяг Беларусі ПА Вільгельм Берг 2001
22 Сьцяг Расеі Нап Саслан Дзарасаў 2004
28 Сьцяг Беларусі Аб Аляксандар Чыж Edit this on Wikidata 2002
29 Сьцяг Беларусі Нап Віктар Берг 1994
33 Сьцяг Беларусі Аб Кірыл Крутарожкін 2000
37 Сьцяг Беларусі Аб Аляксандар Турук 1996
44 Сьцяг Беларусі Бр Андрэй Агапаў (капітан) 1998
77 Сьцяг Беларусі Нап Вячаслаў Папава 2003
91 Сьцяг Расеі Аб Віталь Шалычаў 2001
Сьцяг Нігерыі Аб Эбука Нэджы 2003
Сэзон Ліга Месца Г В Н П РМ Пкт Кубак
2012 Другая 2 36 24 6 6 95–35 78 1/8
2013 Першая 13 30 7 13 10 38–45 34 1/16
2014 Першая 15 30 6 12 12 32–50 30 1/32
2015 Першая 9 30 13 2 15 41–55 41 1/16
2016 Першая 11 26 6 6 14 36–49 24 1/16
2017 Першая 11 30 10 7 13 33–46 37 1/16
2018 Першая 7 28 9 9 10 37–37 36 1/16
2019 Першая 13 28 4 9 15 18–47 21 1/16
2020 Першая 8 26 8 6 12 22–32 30 1/16
2021 Першая 12 33 3 7 23 27–62 16 1/32
2022 Першая 11 24 5 3 16 24–53 18 1/32
2023 Першая 15 32 5 7 20 26–63 22 1/16

Вонкавыя спасылкі

[рэдагаваць | рэдагаваць крыніцу]