Перайсьці да зьместу

Аляксандар Сяднёў

Зьвесткі зь Вікіпэдыі — вольнай энцыкляпэдыі
Аляксандар Сяднёў
Пэрсанальная інфармацыя
Нарадзіўся 16 жніўня 1973(1973-08-16)[1] (53 гады)
Рост 187 см[2]
Вага 80 кг[2]
Пазыцыя абаронца
Клюбы
Гады Клюб Гульні (галы)¹
1991 Дняпро Магілёў 9 (0)
1992—1995 Тарпэда Магілёў 91 (1)
1995 Чарнаморац Новарасейск 5 (0)
1996—1997 Славія Мазыр 34 (3)
1997 Трансмаш[d] 13 (0)
1998—1999 Балтыка 33 (3)
1999—2000 Тарпэда Менск 45 (9)
2001—2002 Белшына 39 (10)
2003 БАТЭ 6 (0)
2004—2005 Нафтан 67 (2)
Зборныя
1992—1995 Беларусь (да 21) 8 (0)
Трэнэрскія клюбы
2006—2008 Савіт Магілёў
2009—2011 Белшына
2011—2012 Дынама Менск
2012—2015 Белшына
2016—2017 Дняпро Магілёў
2019 Актабе
2019—2020 Рух Берасьце
2021—2024 Ардабасы
2025—4 Дынама Берасьце

Аляксандар Сяргеевіч Сяднёў (нар. 16 жніўня 1973 году, Магілёў) — беларускі трэнэр і колішні футбаліст. Падчас кар’еры займаў пазыцыю абаронцы. У цяперашні час працуе галоўным трэнэрам берасьцейскага «Дынама». Мае ліцэнзію УЭФА катэгорыі Про.

Кар’ера

[рэдагаваць | рэдагаваць код]

Гульнявая

[рэдагаваць | рэдагаваць код]

Выхаванец магілёўскага футболу, гуляў у розных беларускіх клюбах, а таксама ў Расеі. Двойчы быў чэмпіёнам Беларусі і пераможцам Кубка Беларусі ў складзе мазырскага МВКЦ і бабруйскай «Белшыны». Апошнія гады кар’еры правёў у складзе наваполацкага «Нафтану».

Трэнэрская

[рэдагаваць | рэдагаваць код]

У 2005 годзе завяршыў кар’еру футбаліста і ўзначаліў наваствораны магілёўскі «Савіт». Вывеў гэты клюб спачатку ў Першую, а потым і ў Найвышэйшую лігу. Пасьля таго як «Савіт» спыніў існаваньне, у 2009 годзе быў запрошаны ў «Белшыну», якая намагалася павярнуцца ў Найвышэйшую лігу. Узначаліўшы бабруйскі клюб, Сяднёў выканаў усталяваную мэту, атрымаўшы ўпэўненую перамогу ў Першай лізе.

У Найвышэйшай лізе «Белшына» разглядалася як адзін з аўтсайдэраў, але клюб здолеў заняць 6 месца ў сэзоне 2010 году і 5 месца ў сэзоне 2011 годзу, у чым была вялікая заслуга галоўнага трэнэра. У 2011 годзе быў запрошаны ў менскае «Дынама» і з 1 сьнежня афіцыйна ўзначаліў гэты клюб. У ліпені 2012 году быў адпраўлены ў адстаўку празь незадавальняючыя вынікі. Цікава, што аб адстаўцы было абвешчана дыктарам стадыёну адразу пасьля матчу супраць «Нёману»[3]. Хутка пасьля гэтага, 23 ліпеня, вярнуўся на пасаду галоўнага трэнэра «Белшыны».

Выдатна правёў зь «Белшынай» сэзон 2015 году, калі, не зважаючы на фінансавыя цяжкасьці і не самы моцны склад, каманда здолела заняць высокае 4 месца ў чэмпіянаце. Па заканчэньні сэзону Сяднёў абвесьціў, што пакідае бабруйскую дружыну[4]. У студзені 2016 году ачоліў магілёўскі «Дняпро»[5], які паводле вынікаў сэзону 2016 году здолеў прасунуць каманду да Найвышэйшай лігі. Па заканчэньні сэзону 2017 году пакінуў магілёўскі клюб[6].

У лютым 2018 году ўвайшоў у трэнэрскі штаб казаскага клюбу «Актабе»[7], дзе стаў трэнэрам па фызычнае падрыхтоўцы, а ў студзені 2019 году заняў пасаду галоўнага трэнэра[8]. Празь фінансавыя чыньнікі «Актабе» ў сэзоне 2019 году выступаў моладзевым складам, таксама ў каманды былі скасаваныя 12 пунктаў, у выніку чаго «Актабе» заняў апошні 12 радок і выбыў у Першую лігу.

У сьнежні 2019 году ўзначаліў берасьцейскі «Рух», які выйшаў у Найвышэйшую лігу[9]. Пакінуў каманду ў сьнежні 2020 году[10]. У студзені 2021 году стаў галоўным трэнэрам казаскага «Ардабасы»[11]. У сэзоне 2021 году прывёў каманду да пятага месца ў Прэм’ер-лізе. У лютым 2022 году, не зважаючы на інфармацыю пра фінансавыя праблемы клюбу, падоўжыў кантракт з «Ардабасы»[12]. У сэзоне 2023 году стаў з клюбам чэмпіёнам краіны. Перад сэзонам 2025 году ачоліў берасьцейскае «Дынама», якое прывёў да чацьвертага месца. Тым ня менш, кіраўніцтва клюбу мела сумневы наконт працягу супрацы, а сам трэнэр мог ачоліць зборную Беларусі ці вярнуцца на працу ў Казахстан[13]. У самым пачатку 2026 году Сяднёў усё ж такі афіцыйна застаўся ў клюбе і на наступны сэзон[14].

Дасягненьні

[рэдагаваць | рэдагаваць код]

Гульнявыя

[рэдагаваць | рэдагаваць код]

Трэнэрскія

[рэдагаваць | рэдагаваць код]

Крыніцы

[рэдагаваць | рэдагаваць код]
  1. ↑ Aleksandr Sednev // Transfermarkt (мн.) — 2000.
  2. 1 2 https://footballfacts.ru/person/15037
  3. ↑ Александр Седнев уволен с поста главного тренера минского «Динамо».
  4. ↑ Александр Седнев покинет пост главного тренера «Белшины».
  5. ↑ Александр Седнев сегодня официально возглавит могилевский «Днепр».
  6. ↑ Александр Седнев покинул пост главного тренера «Днепра».
  7. ↑ Седнев войдет в тренерский штаб «Актобе».
  8. ↑ Александр Седнев возглавил «Актобе».
  9. ↑ Официально: Седнев возглавил «Рух».
  10. ↑ Седнев покинул «Рух». Тренером интересуются команды из Казахстана.
  11. ↑ Александр Седнев возглавил казахстанский «Ордабасы».
  12. ↑ Александр Седнев подписал новый контракт с "Ордабасы".
  13. ↑ Александр Седнев может вернуться в Казахстан (рас.). Football.by (2025-12-16). Праверана 2026-01-23 г.
  14. ↑ Александр Седнев продлил контракт с брестским "Динамо" (рас.). Football.by (2026-01-05). Праверана 2026-01-23 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Аляксандар_Сяднёў&oldid=2653911»