Вадзім Пабудзей
| Вадзім Пабудзей | ||
| Пэрсанальная інфармацыя | ||
|---|---|---|
| Нарадзіўся | 17 сьнежня 1994[1] (29 гадоў) | |
| Рост | 181 см | |
| Вага | 80 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Тарпэда-БелАЗ | |
| Нумар | 30 | |
| Клюбы | ||
| Гады | Клюб | Гульні (галы)¹ |
| 2013—2015 | Баранавічы | 65 (6) |
| 2016 | Дынама Берасьце | 21 (2) |
| 2017—2018 | Іслач | 37 (3) |
| 2019 | Дняпро Магілёў[d] | 30 (4) |
| 2020 | Жэтысу | 14 (1) |
| 2021 | Гомель | 29 (7) |
| 2022— | Тарпэда-БелАЗ | 58 (6) |
| Зборныя | ||
| 2014—2015 | Беларусь (да 21) | 5 (0) |
| 2021 | Беларусь | 1 (0) |
|
¹ Колькасьць гульняў і галоў за прафэсійны клюб лічыцца толькі | ||
Вадзі́м Пабудзе́й (нарадзіўся 17 сьнежня 1994 году) — беларускі футбаліст, паўабаронца жодзінскага клюбу «Тарпэда-БелАЗ».
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Выхаванец ДЮСШ СПК Агарэвічы Ганцавіцкага раёну. Гуляў за мясцовы клюб «Ганцавічы» ў чэмпіянаце Берасьцейскай вобласьці. У 2013 годзе дапамог сваёй камандзе стаць чэмпіёнам, забіўшы гол у фінальным матчы супраць «Берасьцежылбуда». У жніўні 2013 году далучыўся таксама да клюбу Другой лігі чэмпіянату Беларусі «Баранавічы». Неўзабаве замацаваўся ў асноўным складзе клюбу, а на наступны год разам зь ім выйграў Другую лігу. У сэзоне 2015 году быў адным зь лідэраў «Баранавічаў» у Першай лізе.
У сакавіку 2016 году быў запрошаны на прагляд у берасьцейскае «Дынама» і неўзабаве падпісаў кантракт. 16 красавіка 2016 году дэбютаваў у Найвышэйшай лізе, правёўшы ўсё 90 хвілінаў у матчы супраць «Белшыны» (2:4). У першай палове сэзону 2016 году трывала гуляў у стартавым складзе дынамаўцаў на розных флянгах паўабароны, пасьля пачаз пераважна выходзіць на замену. У красавіку 2017 году перайшоў у «Іслач»[4]. Пачынаў сэзон у асноўным складзе каманды, аднак пазьней пачаў радзей зьяўляцца на полі. У канцы сэзону вярнуў месца ў першай адзінаццатцы і трыма сваімі галамі дапамог камандзе захаваць месца ў Найвышэйшай лізе. У сэзоне 2018 году зьяўляўся на полі нерэгулярна. У студзені 2019 году пакінуў «Іслач»[5]. Неўзабаве пасьля зыходу зь «Іслачы» выправіўся на прагляд у менскі «Прамень» і склаў з клюбам працоўную дамову[6]. У сакавіку 2019 году «Прамень» пераехаў у Магілёў і аб’яднаўся зь мясцовым «Дняпром», і паўабаронца стаў гульцом аб’яднанай каманды, якая атрымала назву «Дняпро». Трывала гуляў у асноўным складзе, але ня здолеў выратаваць магілёўскую каманду ад вылету з Найвышэйшай лігі.
У студзені 2020 году далучыўся да казаскага клюбу «Жэтысу» і ў выніку падпісаў зь ім кантракт[7]. У «Жэтысу» чаргаваў выхады ў пачатковым складзе і на замену. У студзені 2021 году стала вядома, што Пабудзей поруч зь іншымі беларускімі гульцамі пакінуў «Жэтысу»[8].
У студзені 2021 году пачаў трэнавацца з «Гомлем» і неўзабаве падпісаў кантракт[9]. Хутка замацаваўся ў складзе і стаў адным з асноўных футбалістаў каманды, дапамогшы ёй заняць чацьвертае месца ў чэмпіянаце Беларусі 2021 году. У студзені 2022 году перайшоў у жодзінскае «Тарпэда-БелАЗ»[10], дзе таксама пачаў гуляць у першай адзінаццатцы. У лістападзе 2023 году падоўжыў кантракт з клюбам да сканчэньня 2024 году[11]
Міжнародная[рэдагаваць | рэдагаваць крыніцу]
У канцы 2014 году, яшчэ калі абараняў колеры другалігавых «Баранавічаў», быў заўважаны галоўным трэнэрам моладзевай зборнай Беларусі Ігарам Кавалевічам і запрошаны ў каманду. Дэбютаваў у моладзевай зборнай 14 лістапада 2014 году, выйшаўшы на замену ў канцы таварыскага матча супраць зборнай Летувы. У студзені 2015 году ў складзе беларускай каманды браў удзел у Кубку Садружнасьці ў Санкт-Пецярбургу, пасьля чаго перастаў выклікацца ў зборную.
8 кастрычніка 2021 году дэбютаваў у нацыянальнай зборнай Беларусі, выйшаўшы на замену ў другім тайме адборачнага матча чэмпіянату сьвету 2022 году супраць зборнай Эстоніі (0:2).
Дасягненьні[рэдагаваць | рэдагаваць крыніцу]
- Бронзавы прызэр чэмпіянату Беларусі: 2023
- Уладальнік Кубка Беларусі: 2023
- У сьпісе 22 найлепшых футбалістаў чэмпіянату Беларусі: 2021
Статыстыка[рэдагаваць | рэдагаваць крыніцу]
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Берасьце | 2016 | Найвышэйшая ліга | 21 | 2 |
| Іслач | 2017 | Найвышэйшая ліга | 19 | 3 |
| 2018 | Найвышэйшая ліга | 18 | 0 | |
Крыніцы[рэдагаваць | рэдагаваць крыніцу]
- ^ а б в Vadim Pobudej // Transfermarkt (мн.) — 2000.
- ^ а б http://torpedo-belaz.by/player/pobudej-vadim/
- ^ а б https://www.pressball.by/footballstat/vadim_pobudei/
- ^ Вадим Побудей перешел из брестского "Динамо" в "Ислочь" (рас.)
- ^ "Ислочь" рассталась с Побудеем (рас.)
- ^ Побудей стал игроком "Луча" (рас.)
- ^ Источник: Побудей подписал контракт с "Жетысу" (рас.)
- ^ Все белорусы покинули "Жетысу" (рас.)
- ^ "Гомель" подписал контракт с Побудеем (рас.)
- ^ Вадим Побудей стал игроком "Торпедо-БелАЗ" (рас.)
- ^ Побудей продлил контракт с "Торпедо-БелАЗом" (рас.)
Вонкавыя спасылкі[рэдагаваць | рэдагаваць крыніцу]
- Статыстыка «ПБ-Инфо» (рас.)
- Нарадзіліся 17 сьнежня
- Нарадзіліся ў 1994 годзе
- Нарадзіліся ў Ганцавіцкім раёне
- Футбалісты клюбу «Тарпэда-БелАЗ» Жодзін
- Футбалісты клюбу «Баранавічы»
- Футбалісты клюбу «Дынама» Берасьце
- Футбалісты клюбу «Іслач» Менскі раён
- Футбалісты клюбу «Жэтысу» Талдыкарган
- Футбалісты клюбу «Гомель»
- Футбалісты моладзевай зборнай Беларусі
- Футбалісты зборнай Беларусі
- Беларускія футбалісты
- Футбалісты клюбу «Дняпро» Магілёў (2019)