Перайсьці да зьместу

Дзяніс Лапцеў

Зьвесткі зь Вікіпэдыі — вольнай энцыкляпэдыі
Дзяніс Лапцеў
Пэрсанальная інфармацыя
Нарадзіўся 1 жніўня 1991(1991-08-01)[1][2][3] (34 гады)
Рост 194 см[4]
Вага 91 кг[5]
Пазыцыя нападнік
Клюбная інфармацыя
Клюб Гомель
Нумар 10
Клюбы
Гады Клюб Гульні (галы)¹
2010—2015 Славія Мазыр 92 (36)
2015—2016 Тосна 14 (1)
2016 → Славія Мазыр 15 (3)
2016 → Шахцёр Салігорск 14 (6)
2017—2018 Шахцёр Салігорск 55 (22)
2019—2020 Дынама Берасьце 55 (23)
2021 Рух Берасьце 28 (9)
2022 Тарпэда Масква 17 (5)
2023 БАТЭ 24 (8)
2024 Тарпэда-БелАЗ 13 (1)
2025 Дынама Берасьце 8 (0)
2025—4 Гомель
Зборныя
2015—2024 Беларусь 33 (1)

Дзяні́с Ла́пцеў (нар. 1 жніўня 1991 году) — беларускі футбаліст, нападнік «Гомля» і нацыянальнай зборнай Беларусі.

Кар’ера

[рэдагаваць | рэдагаваць крыніцу]

Клюбная

[рэдагаваць | рэдагаваць крыніцу]

У першай палове 2010 году гуляў за каленкавіцкую «Вэртыкаль», а з 2010 году пачаў выступы за «Славію». У 2011 годзе трывала выходзіў на замену, а ў 2012 годзе страціў месца ў аснове.

Сэзон 2013 году, як і папярэдні, пачынаў на лаўцы запасных і звычайна толькі выходзіў на замену ў канцы матча. Але пазьней, пасьля таго як у чэрвені каманду пакінуў асноўны нападнік Андрэй Шаракоў, стаў выступаць у стартавым складзе. Выдатна правёў летні пэрыяд чэмпіянату — «Славія» стала набіраць пункты, а Дзяніс стаў галоўнай сілай мазыранаў, забіваючы ў кожным другім матчы. Пасьля вяртаньня ў клюб Рамана Воўкава стаў чаргавацца зь ім на пазыцыі нападніка, і канчатак сэзону правёў ужо ня гэтак упэўнена, а «Славія» выбыла ў першую лігу. Тым ня менш, Дзяніс з паказчыкам у 9 галоў стаў найлепшым бамбардзірам клюбу і адным з найлепшых у чэмпіянаце.

У студзені 2014 году спрабаваў працаўладкавацца ў Казахстане, праходзіў прагляд у карагандзінскім «Шахтары»[6] і кызылардзінскім «Кайсары»[7]. Аднак у выніку ў лютым 2014 году вярнуўся ў «Славію»[8], у складзе якой распачаў сэзон 2014 году ў першай лізе. У складзе мазыранаў стаў асноўнай ударнай сілай у сэзоне 2014 году. Дапамог «Славіі» вырнуцца ў найвышэйшую лігу, забіўшы за сэзон 23 мячы і стаўшы найлепшым бамбрадзірам першае лігі. У канцы сэзону цікавасьць да нападніка сталі праяўляць менскае «Дынама» і салігорскі «Шахцёр»[9].

У студзені 2015 году прыбыў на прагляд у менскае «Дынама», разам з асноўнай камандай якога адправіўся на збор у Турэччыну[10]. Паводле вынікаў збору «Дынама» вырашыла не прапаноўваць кантракт нападніку, аддаўшы перавагу запрашэньню замежных выканаўцаў. У выніку ў лютым 2015 году Дзяніс далучыўся да «Славіі» на зборы ў Пінску[11] і застаўся ў Мазыры на сэзон 2015 году. У ліпені 2015 году падпісаў кантракт з клюбам «Тосна» тэрмінам на адзін год[12]. У лютым 2016 году аддадзены ў арэнду мазырскай «Славіі» да сярэдзіны 2016 году[13]. У ліпені 2016 году на правах арэнды перайшоў у салігорскі «Шахцёр»[14]. У сьнежні 2016 году «Шахцёр» выкупіў правы на Лапцева ў «Тосна», пасьля чаго з нападнікам быў падпісаны кантракт на два гады[15]. У студзені 2019 году падпісаў кантракт на 3 гады зь берасьцейскім «Дынама»[16].

Быў асноўным нападнікам берасьцейскага клуба. Гэтак Лапцеў з 12 галамі ў сэзоне 2019 году стаў адным з найлепшых бамбардзіраў каманды і падамог ёй стаць чэмпіёнам Беларусі. Заставаўся асноўным гульцом і ў сэзоне 2020 году, у якім нападнік адзначыўся 11 галамі ў чэмпіянаце Беларусі. У студзені 2021 году перайшоў у іншы берасьцейскі клюб — «Рух»[17]. Замацаваўся ў асноўным каманды, гуляў пераважна ў стартавым складзе, часам выходзіў на замену. З 9 галамі стаў найлепшым бамбардзірам «Руха» ў сэзоне. У студзені 2022 году паводле пагадненьня бакоў скасаваў кантракт зь берасьцейскім клюбам[18] і неўзабаве быў прадстаўлены ў якасьці гульца маскавіцкага «Тарпэда»[19].

Паводле вынікаў сэзону 2021—2022 гадоў дапамог маскавітам прасунуцца ў Прэм’ер-лігу, адзначыўшыся 5 галамі ў чэмпіянаце. У Прэм’ер-лізе стаў радзей зьяўляцца на полі, часьцей заставаўся на лаве запасных. У лютым 2023 году быд адзаяўлены тарпэдаўцамі і стаў шукаць новы клюб, хутка афіцыйна далучыўшыся да складу барысаўскага БАТЭ[20]. У студзені 2024 году склаў працоўную ўгоду з жодзінскім «Тарпэда-БелАЗ»[21]. Сэзон 2024 году для гульца быў няўдалым, бо першую палову сэзону ён амаль не гуляў. Агулам жа у чэмпіянаце Беларусі ў той год не згуляў аніводнага поўнага матчу. На пачатку лютага 2025 году стала вядома, што нападнік прыяднаўся да берасьцейскага «Дынама»[22]. У сярэдзіне жніўня разьвітаўся з клюбам[23], пасьля чаго склаў працоўную ўгоду з «Гомлем»[24].

Міжнародная

[рэдагаваць | рэдагаваць крыніцу]

7 чэрвеня 2015 году дэбютаваў у нацыянальнай зборнай Беларусі ў таварыскім матчы супраць зборнай Расеі. У верасьні 2017 году за парушэньне дысцыпліны быў адхілены ад зборнай Беларусі, але ўжо ў лістападзе таго ж года вернуты ў ейны склад.

Дасягненьні

[рэдагаваць | рэдагаваць крыніцу]

Статыстыка

[рэдагаваць | рэдагаваць крыніцу]
Клюб Сэзон Чэмпіянат
Дывізіён Матчы Галы
Славія Мазыр 2015 Найвышэйшая ліга 13 9
Славія Мазыр 2016 Найвышэйшая ліга 15 3
Шахцёр Салігорск 14 6
2017 Найвышэйшая ліга 29 10
2018 Найвышэйшая ліга 26 12

Крыніцы

[рэдагаваць | рэдагаваць крыніцу]
  1. ^ а б в Denis Laptev // Transfermarkt (мн.) — 2000.
  2. ^ а б в Dzyanis Laptsew // FBref (анг.)
  3. ^ а б в Denis Laptev // As (гішп.) — Madrid: PRISA, 1967. — ISSN 1888-6671
  4. ^ а б в г https://dynamo-brest.by/by/player/38-vysshaya-liga-2025/24-denis-laptev
  5. ^ а б https://fcbate.by/team/base/95
  6. ^ Денис Лаптев прибыл в расположение «Шахтера» из Караганды. Football.by (рас.)
  7. ^ Денис Лаптев отправился на просмотр в «Кайсар». Football.by (рас.)
  8. ^ Денис Лаптев вернулся в «Славию». Football.by (рас.)
  9. ^ Юрий Пунтус: «Лаптева пригласили на просмотр в „Шахтер“». Football.by (рас.)
  10. ^ Витус и Лаптев отправились с минским «Динамо» на сбор в Турцию. By.Tribuna.com
  11. ^ Денис Лаптев присоединится к «Славии» на сборе в Пинске. Football.by (рас.)
  12. ^ «Тосно» официально объявил о подписании контракта с Денисом Лаптевым (рас.)
  13. ^ Денис Лаптев вернулся в «Славию» (рас.)
  14. ^ «Шахтер» подтвердил аренду Лаптева (рас.)
  15. ^ «Шахтер» выкупил у «Тосно» права на Лаптева (рас.)
  16. ^ Лаптев стал игроком брестского «Динамо» (рас.)
  17. ^ Денис Лаптев подписал контракт с "Рухом"
  18. ^ Савицкий и Лаптев покинули "Рух"
  19. ^ Московское "Торпедо" объявило о подписании контракта с Денисом Лаптевым
  20. ^ https://football.by/news/172113 (рас.) Праверана 2023-02-17 г.
  21. ^ Встречаем Дениса Лаптева! (рас.) Афіцыйны сайт Тарпеда-БелАЗ Праверана 2024-01-09 г.
  22. ^ Денис Лаптев вернулся в брестское «Динамо» (рас.). Прессбол.
  23. ^ Денис Лаптев покинул брестское "Динамо" (рас.). Football.by (2025-08-15). Праверана 2025-08-16 г.
  24. ^ Официально: Денис Лаптев — игрок "Гомеля" (рас.). Football.by (2025-08-29). Праверана 2025-09-03 г.

Вонкавыя спасылкі

[рэдагаваць | рэдагаваць крыніцу]
Атрымана з «https://be-tarask.wikipedia.org/w/index.php?title=Дзяніс_Лапцеў&oldid=2633628»