Аляксандар Ксенафонтаў
| Аляксандар Ксенафонтаў | ||
| Пэрсанальная інфармацыя | ||
|---|---|---|
| Нарадзіўся | 5 траўня 1999[1] (25 гадоў) | |
| Рост | 180 см | |
| Вага | 79 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Тарпэда-БелАЗ | |
| Нумар | 55 | |
| Клюбы | ||
| Гады | Клюб | Гульні (галы)¹ |
| 2018—2020 | Дынама Менск | 4 (0) |
| 2018 | → Андэрдог | 12 (4) |
| 2020 | → Віцебск | 10 (1) |
| 2021—2022 | Віцебск | 43 (8) |
| 2022—2024 | Родзіна[d] | 7 (0) |
| 2023—2024 | → Тарпэда-БелАЗ | 26 (4) |
| 2024— | Тарпэда-БелАЗ | 20 (1) |
| Зборныя | ||
| 2019—2020 | Беларусь (да 21) | 5 (0) |
|
¹ Колькасьць гульняў і галоў за прафэсійны клюб лічыцца толькі | ||
Аляксандар Ксенафонтаў (нарадзіўся 5 траўня 1999 году) — беларускі футбаліст, паўабаронца жодзінскага «Тарпэда-БелАЗ».
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец футбольнага клюбу «Менск». З 2015 году пачаў выступаць за дубль менскага «Дынама». У другой палове 2017 году замацаваўся ў рэзэрвовай камандзе дынамаўцаў. У першай палове 2018 году з 7 галамі быў адным з найлепшых бамбардзіраў турніру дублёраў. У жніўні 2018 году поруч зь іншымі маладымі дынамаўцамі быў аддадзены ў арэнду клюбу Першай лігі «Чысьць»[4]. У складзе «Чысьці» забіў чатыры галы, але ня здолеў выратаваць каманду ад вылету ў Другую лігу. У студзені 2019 году некаторы час трэнаваўся з «Энэргетыкам-БДУ», аднак пазьней вярнуўся ў «Дынама», пачаўшы сэзон 2019 году ў дублі.
26 чэрвеня 2019 году ўпершыню зьявіўся на полі ў складзе асноўнай каманды «Дынама», выйшаўшы ў пачатковым складзе ў матчы Кубка Беларусі супраць мікашэвіцкага «Граніту» (2:0). Дэбютаваў у Найвышэйшай лізе 14 ліпеня 2019 году ў матчы супраць берасьцейскага «Дынама» (2:1), калі выйшаў у стартавым складзе і быў заменены ў другім тайме. У сьнежні 2019 году падоўжыў кантракт з дынамаўцамі[5]. У студзені 2020 году праходзіў беспасьпяховы прагляд у бабруйскай «Белшыне», а пазьней далучыўся да «Віцебску», які ў лютым 2020 году арандаваў паўабаронцу[6]. У сэзоне 2020 году гуляў няшмат, а значную частку сэзону прапусьціў праз пашкоджаньні. У сьнежні 2020 году «Віцебск» набыў паўабаронцу на трывалай аснове[7]. У сэзоне 2021 году замацаваўся ў першай адзінаццатцы віцебскай каманды. У студзені 2022 году падоўжыў пагадненьне з клюбам[8].
У жніўні 2022 году паводле пагадненьня бакоў скасаваў кантракт зь «Віцебскам»[9] і неўзабаве далучыўся да маскавіцкай «Родзіны»[10]. У студзені 2023 году быў арандаваны жодзінскім «Тарпэда-БелАЗ» з правам выкупу[11]. У сакавіку 2024 году быў выкуплены жодзінскім клюбам, зь якім узгадніў паўнавартасную дамову[12].
Міжнародная
[рэдагаваць | рэдагаваць крыніцу]У верасьні і кастрычніку 2015 году выступаў за зборную Беларусі (да 17 гадоў) у адборачным раўндзе чэмпіянату Эўропы. У студзені 2016 году ў складзе юнацкай зборнай Беларусі браў удзел у Кубку Разьвіцьця ў Менску. 26 сакавіка 2019 году дэбютаваў у матчы за зборную Беларусі (да 21 году), калі выйшаў на замену ў таварыскім матчы супраць зборнай Летувы (1:0).
Дасягненьні
[рэдагаваць | рэдагаваць крыніцу]- Бронзавы прызэр чэмпіянату Беларусі: 2023
- Уладальнік Кубка Беларусі: 2023
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Чысьць | 2018 | Першая ліга | 12 | 4 |
Крыніцы
[рэдагаваць | рэдагаваць крыніцу]- ^ а б в Aleksandr Ksenofontov // Transfermarkt (мн.) — 2000.
- ^ а б https://footballfacts.ru/person/569736
- ^ а б https://teams.by/aleksandr-ksenafontov/player-149576/
- ^ «Чисть» арендовала у минского «Динамо» Капова, Мироевского и Ксенофонтова (рас.)
- ^ Минское "Динамо" продлило контракт с Ксенофонтовым (рас.)
- ^ Хавбек Ксенофонтов из минского "Динамо" перешел в "Витебск" (рас.)
- ^ "Витебск" выкупил Александра Ксенофонтова (рас.)
- ^ "Витебск" продлил контракты с Красновым и Ксенофонтовым (рас.)
- ^ "Витебск" объявил о расставании с Ксенофонтовым (рас.)
- ^ Александр Ксенофонтов стал одноклюбником Рэймонда Адеолы в "Родине" (рас.)
- ^ Платная аренда с правом выкупа — стало известно, на каких условиях Александр Ксенофонтов перешел в "Торпедо-БелАЗ" (рас.)
- ^ "Торпедо-БелАЗ" выкупил все права у "Родины" на Александра Ксенофонтова (рас.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)