Ільля Васілевіч (футбаліст)
| Ільля Васілевіч | ||
| Пэрсанальная інфармацыя | ||
|---|---|---|
| Нарадзіўся | 14 красавіка 2000[1] (24 гады) | |
| Рост | 179 см | |
| Вага | 71 кг[2] | |
| Пазыцыя | нападнік | |
| Клюбная інфармацыя | ||
| Клюб | Тарпэда-БелАЗ | |
| Нумар | 23 | |
| Клюбы | ||
| Гады | Клюб | Гульні (галы)¹ |
| 2017 | Баранавічы | 9 (1) |
| 2018—2019 | Шахтар Данецк | 0 (0) |
| 2019—2023 | БАТЭ | 46 (4) |
| 2020 | → Славія Мазыр | 10 (0) |
| 2024— | Тарпэда-БелАЗ | 22 (5) |
| Зборныя | ||
| 2017—2018 | Беларусь (да 19)[d] | 5 (0) |
| 2022 | Беларусь (да 21) | 4 (2) |
|
¹ Колькасьць гульняў і галоў за прафэсійны клюб лічыцца толькі | ||
Ільля́ Васіле́віч (нар. 14 красавіка 2000 году) — беларускі футбаліст, нападнік жодзінскага «Тарпэда-БелАЗ».
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Пачынаў займацца футболам у родных Івацэвічах. У веку 12 гадоў паступіў у пастаўскую акадэмію ПМЦ, а пасьля далучыўся да менскай футбольнай школы «Фартуна». Навучаўся ў Акадэміі АБФФ, а ў другой палове 2017 году выступаў у Першай лізе за «Баранавічы». У студзені 2018 году падпісаў трохгадовы кантракт з данецкім «Шахтарам», які пачаў дзеіць з красавіка[3]. Выступаў за моладзевую каманду «Шахтара», да асноўнага складу не прыцягваўся.
У жніўні 2019 году, пакінуўшы ўкраінскі клюб, далучыўся да барысаўскага БАТЭ[4]. У другой палове 2019 году выступаў за дубль барысаўчанаў, а да сэзону 2020 году рыхтаваўся поруч з асноўнай камандай. У сакавіку 2020 году быў аддадзены ў арэнду ў мазырскую «Славію»[5], дзе пераважна выходзіў на замену або заставаўся на лаўцы запасных, аднак, прыцягваўся да матчаў дублю. Зь верасня 2020 году не гуляў праз траўмы. У сьнежні 2020 году па заканчэньні арэнды пакінуў мазырскі клюб. У красавіку 2021 году быў заяўлены за БАТЭ і пачаў гуляць за дубль, а пазьней замацаваўся ў асноўнай камандзе. У сьнежні 2023 году пакінуў барысаўскі клюб[6]. У студзені 2024 году падпісаў кантракт з жодзінскім «Тарпэда-БелАЗ»[7].
Міжнародная
[рэдагаваць | рэдагаваць крыніцу]У 2016—2017 гадах гуляў за зборную Беларусі (да 17 гадоў) у кваліфікацыі чэмпіянату Эўропы. У кастрычніку 2017 і кастрычніку 2018 гадоў гуляў за зборную Беларусі (да 19 гадоў) у кваліфікацыйных раўндах чэмпіянату Эўропы. 26 лютага 2022 году дэбютаваў у зборнай Беларусі (да 21 году), выйшаўшы на замену ў другім тайме адборачнага матчу чэмпіянату Эўропы 2023 году супраць зборнай Кіпру (1:0).
Дасягненні
[рэдагаваць | рэдагаваць крыніцу]- Срэбраны прызэр чэмпіянату Беларусі: 2021
- Бронзавы прызэр чэмпіянату Беларусі: 2022
- Уладальнік Супэркубка Беларусі: 2022
Крыніцы
[рэдагаваць | рэдагаваць крыніцу]- ^ а б в Ilia Vasilevich // Transfermarkt (мн.) — 2000.
- ^ а б https://fcbate.by/team/base/48
- ^ 17-летний белорусский нападающий Василевич подписал контракт с донецким «Шахтером» (рас.)
- ^ Белорусский нападающий Василевич перешел из донецкого "Шахтера" в БАТЭ (рас.)
- ^ "Славия" арендовала у БАТЭ трех игроков (рас.)
- ^ БАТЭ объявил об уходе пятерых игроков (рас.)
- ^ Илья Василевич перешел в "Торпедо-БелАЗ" (рас.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway