АЕК Лярнака

АЕК Лярнака
Поўная назва	Αθλητική Ένωση Κίτιον
Заснаваны	1994
Горад	Лярнака, Кіпр
Стадыён	Нэо ГСЗ Умяшчальнасьць: 13 032
Прэзыдэнт	Андрэас Карапатакіс[d]
Галоўны трэнэр	Гэнінг Бэрг[d]
Чэмпіянат	Першы дывізіён
· 2024—2025	4 месца
Галерэя здымкаў у Вікісховішчы Афіцыйны сайт

АЕК (па-грэцку: ΑΈΚ) — кіпрскі футбольны клюб з гораду Лярнакі. Заснаваны ў 1994 годзе па зьліцьці двух клюбаў ЭПА і «Пэзапарыкос». Трохразовы ўладальнік Кубка Кіпру (2004, 2018, 2025). Акрамя футбольнай каманды клюб мае філія ў баскетболе, валейболе і футзале. Імя клюба ўзыходзіць да колішняга старажытнагрэцкага гораду Кітыён, які некалі месьціўся на месцы сёньняшняй Лярнакі. Колеры клюбу — жоўтыя і зялёныя, а іхняя эмблема зьмяшчае выяву вайскавода Кімана, які памёр абараняючы горад Кітыён каля 450 году да н. э. у бітве з пэрсамі. Значныя посьпехі клюб дасягняў у другой дэкадзе 2010-х гадоў, калі пяць разоў фінішаваў на 2 месцы, а таксама праходзіў у групавыя этапы эўракубкаў. У розыгрышы Лігі канфэрэнцыяў 2022—2023 гадоў АЕК прасунуўся ў плэй-оф гэтага турніру пасьля таго як дружына заняла 3 месца ў групе Лігі Эўропы, змагаючыся супраць кіеўскага «Дынама», «Рэна» і «Фэнэрбахчэ».

Гісторыя

AEK паўстаў 18 ліпеня 1994 году, калі прайшла аб’яднаньне лярнаскіх клюбаў ЭПА і «Пэзапарыкос».

«Пэзапарыкос» і ЭПА

«Пэзапарыкос» быў створаны ў 1924 годзе. У 1926 годзе колішнія гульцы «Пэзапарыкос» заснавалі ўласны клюб АМОЛ, што з грэцкае абрэвіятуры перакладаецца як Атлетычны адукацыйны лярнаскі клюб. У 1932 годзе два клюбы аб’ядналіся ў адзін, які атрымаў назву ЭПА. Аднак, у 1937 годзе група сябраў клюбу сышлі з ЭПА і аднавілі клюб «Пэзапарыкос».

ЭПА 50 разоў брала ўдзел у Першым дывізіёне і тройчы станавіўся чэмпіёнам Кіпру ў 1945, 1946 і 1970 гадах. Пяць разоў клюбу скарыўся Кубак Кіпру. Адзін сэзон клюб браў удзел у розыгрышу чэмпіянату Грэцыі, але хутка вярнуўся да ўдзел у айчынных спаборніцтвах. «Пэзапарыкос» правёў 49 сэзонаў у Першым дывізіёне. Двойчы ён станавіўся чэмпіёнам краіны ў 1954 і 1988 гадах, а таксама аднойчы здабываў Кубак Кіпру. Акрамя футболу, абодва клюбы мелі атлетычныя сэкцыі, якія таксама аб’ядналіся.

Па аб’яднаньні

Па аб’яднаньні клюб адразу ўзяў удзел у розыгрышу Першага дывізіёну, але адразу посьпехаў ня меў. У 1996 годзе АЕК дасягнуў фіналу кубка краіны, але пацярпеў паразу ад АПОЭЛа.

Склад

Актуальны на 15 лютага 2025 году

№ Пазыцыя Імя Год нараджэньня 1 Бр Златан Алямэравіч 1991 6 ПА Джымі Суарэс 1996 7 ПА Густаву Ледыш 1992 8 ПА Маркус Радэн 1991 9 Нап Фран Соль 1992 11 Нап Імад Фараж 1999 14 Аб Анхэль Гарсія (капітан) 1993 15 Аб Хрвое Мілічавіч 1993 16 Нап Бруну Гама 1987 17 ПА Пэрэ Понс 1993 18 Нап Ерсан Чакон (ар. Тачыра) 2003 19 Нап Караль Ангельскі 1996 20 ПА Айтор Канталяп’едра 1996 22 Аб Гадсўіл Экпола 1995 23 Аб Марыяс Дымітрыю 1992

№ Пазыцыя Імя Год нараджэньня 24 Аб Дані Энрыкеш 1997 27 Аб Валентэн Рабэрж 1987 29 ПА Ёргас Наум 2001 30 Нап Энса Кабрэра 1999 31 Бр Ёргас Атанасіядыс 1993 34 Аб Андрэас Капсіс 2005 38 Бр Ёакім Тумпас 1999 41 Нап Матыяс Гансалес 2005 42 Аб Максімас Пэтусіс 2007 44 ПА Канстантынас Эўрыпіду 2005 51 Бр Андрэас Параскевас 1998 89 Аб Хорхэ Мірамон 1989 91 Аб Фанас Катэлярыс 1996 93 Аб Жэрэмі Гналі 2002

Вонкавыя спасылкі

• Афіцыйны сайт