Дэбрэцэн (футбольны клюб)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Дэбрэцэн
Debreceni VSC.svg
Заснаваны 1902
Горад Дэбрэцэн, Вугоршчына
Стадыён Надзьердэі
Умяшчальнасьць: 20 340
Галоўны трэнэр Элемэр Кондаш
Чэмпіянат Нацыянальны чэмпіянат
 · 2018—2019 3 месца
Афіцыйны сайт

«Дэбрэцэн» (па-вугорску: Debrecen) — вугорскі футбольны клюб з гораду Дэбрэцэну. Заснаваны ў 1902 годзе. Сяміразовы чэмпіён Вугоршчыны, шасьціразовы ўладальнік Кубка Вугоршчыны, уладальнік Кубка вугорскай лігі і пяціразовы ўладальнік Супэркубка краіны. «Дэбрэцэн» зьяўляецца самым пасьпяховым клюбам Вугоршчыны з 2000 году, выйграўшы нацыянальную лігу за гэтыя часы сем разоў[1].

Гісторыя[рэдагаваць | рэдагаваць крыніцу]

Футбольны клюб «Дэбрэцэн» быў заснаваны 12 сакавіка 1902 году. Тады дружына з другога па велічыні гораду Вугоршчыны называлася «Эг’етэртэш». Аднак улетку 1912 году ў клюбе адбыўся раскол. Аддзялілася група энтузіястаў і заснавала Дэбрэцэнскі спартовы клюб чыгуначнікаў. Гэта найменьне па гэты дзень зьяўляецца афіцыйным.

«Дэбрэцэн» упершыню дасягнуў першага вугорскага дывізіёну ў сэзоне 1942—1943 гадоў, але затым клюб на працягу 50 гадоў вылятаў і вяртаўся ў найвышэйшы дывізіён некалькі разоў. Сэзон 1967 году клюб пачаў нават у трэцім дывізіёне. На працягу гэтага часу клюб зьмяняў свае назовы, нават аб’яднаўшыся зь яшчэ адным клюбам, аднак празь некаторы час зноўку раскалоўшыся.

Самы пасьпяховы пэрыяд гісторыі «Дэбрэцэну» пачаўся з 1993 году, калі каманда прасунулася ў першы дывізіён. У 1999 і 2011 гадох клюб стаў уладальнікам Кубка Вугоршчыны, а ў 2005 годзе каманда ўпершыню стала чэмпіёнам краіны. Першы міжнародны матч пад эгідай УЭФА клюб правёў у 1998 годзе ў рамках Кубка Інтэртота ў супрацьстаяньні з магілёўскім «Дняпром». Клюб прайшоў беларускі бар’ер, атрымаўшы перамогу ў дзьвюх сустрэчах з агульным лікам 10:2. Далей супернікамі вугорцаў былі чэскі «Градэц-Кралавэ» і нямецкая «Ганза», якія таксама былі пераадолены. Вылецеў клюб з эўрапейскага турніру ў паўфінале, трываўшы паразу ад польскага «Руху». У 1999 годзе клюб дэбютаваў у Кубку УЭФА матчамі супраць нямецкага «Вольфсбургу». А ў сэзоне 2009—2010 гадоў «Дэбрэцэн» стаў першым вугорскім клюбам, які здолеў выйсьці ў групавы этап Лігі чэмпіёнаў, які аднак скончыўся няўдала, бо футбалісты прайгралі ўсе шэсьць матчаў групы.

Склад[рэдагаваць | рэдагаваць крыніцу]

Па стане на 4 красавіка 2020 году
Пазыцыя Імя Год нараджэньня
1 Сьцяг Украіны Бр Аляксандар Надзь 1985
2 Сьцяг Вугоршчыны Аб Акаш Кінік 1993
3 Сьцяг Вугоршчыны Аб Чаба Сатмары 1994
4 Сьцяг Вугоршчыны Аб Балаж Бэньеі 1990
5 Сьцяг Вугоршчыны Аб Бэнцэ Паўкавіч 1997
8 Сьцяг Вугоршчыны ПА Даніел Тэжэр (капітан) 1985
10 Сьцяг Сэрбіі ПА Лука Мілунавіч 1992
11 Сьцяг Вугоршчыны ПА Янаш Фэрэнці 1991
15 Сьцяг Вугоршчыны Аб Сабальч Барна 1996
16 Сьцяг Вугоршчыны ПА Бэнцэ Саба 1998
18 Сьцяг Вугоршчыны ПА Атыла Харыс 1997
19 Сьцяг Украіны Аб Юры Габоўда 1989
21 Сьцяг Вугоршчыны Нап Кевін Варга 1996
23 Сьцяг Вугоршчыны Нап Даніел Бэрэцкі 1995
Пазыцыя Імя Год нараджэньня
25 Сьцяг Нігерыі Нап Тундэ Адэніджы 1995
26 Сьцяг Вугоршчыны Нап Алекс Дамашдзі 1997
27 Сьцяг Вугоршчыны ПА Адам Бодзі 1990
29 Сьцяг Вугоршчыны ПА Эрык Кушнір 2000
33 Сьцяг Вугоршчыны ПА Рыхард Чэс 1997
42 Сьцяг Вугоршчыны Бр Алекс Грабіна 1995
65 Сьцяг Вугоршчыны Нап Норбэрт Кундрак 1999
71 Сьцяг Вугоршчыны Аб Чаба Бэленьесі 1994
77 Сьцяг Вугоршчыны ПА Пэтэр Барат 2002
86 Сьцяг Славаччыны Бр Томаш Кошыцкі 1986
88 Сьцяг Вугоршчыны Нап Марк Сэчы 1994
92 Сьцяг Сэрбіі Нап Нікала Труіч 1992
99 Сьцяг Нігерыі Нап Гаруна Гарба 1994

Крыніцы[рэдагаваць | рэдагаваць крыніцу]

  1. ^ Hungarian League winners. The Rec Sport Soccer Statistics Foundation

Вонкавыя спасылкі[рэдагаваць | рэдагаваць крыніцу]

Commons-logo.svg Дэбрэцэн (футбольны клюб)сховішча мультымэдыйных матэрыялаў