Перайсьці да зьместу

Дзьмітры Молаш

Зьвесткі зь Вікіпэдыі — вольнай энцыкляпэдыі
Дзьмітры Молаш
Пэрсанальная інфармацыя
Нарадзіўся 10 сьнежня 1981(1981-12-10)[1][2][3] (43 гады)
Рост 172 см[5]
Вага 73 кг[5]
Пазыцыя абаронца
Клюбы
Гады Клюб Гульні (галы)¹
1999 Маладэчна-2018 8 (0)
2000 Менск-2 22 (2)
2001—2006 БАТЭ 118 (10)
2007—2008 Носта Наватроіцк[d] 52 (3)
2009—2010 Сібір Новасібірск 50 (11)
2011—2012 Крылы Саветаў 15 (0)
2012—2014 Дынама Менск 18 (0)
Зборныя
2001—2004 Беларусь (да 21) 16 (0)
2006—2011 Беларусь 14 (0)
Трэнэрскія клюбы
2016—2017 Смалявічы
2020—2021 Ліепая
2021—4 Тарпэда-БелАЗ

Дзьмітры Молаш (нар. 10 сьнежня 1981 году, Міханавічы, Менскі раён, Менская вобласьць, БССР) — беларускі футбаліст і футбольны трэнэр. Гуляў на пазыцыі абаронцы. У 2005—2011 гадах правёў 14 матчаў у складзе нацыянальнай зборнай Беларусі. На сёньня працуе галоўным трэнэрам клюбу «Тарпэда»-БелАЗ.

Гульнёвая кар’ера

[рэдагаваць | рэдагаваць крыніцу]

БАТЭ

[рэдагаваць | рэдагаваць крыніцу]

Выхаванец менскай школы «Алімпія». Першы свой прафэсійны кантракт падпісаў з барысаўскім БАТЭ, калі яшчэ вучыўся ў школе, у 11 клясе. Але спачатку адыграў два гады ў дублюючых і фарм-клюбах барысаўскага клюбу — «Маладэчна» і «Зьмена-БАТЭ». У БАТЭ ж Зьміцер правёў 6 сэзонаў і толькі ў адзін сэзон клюб нічога не выйграваў. У 2006 годзе Молаш быў прызнаны найлепшым абаронцам чэмпіянату Беларусі, і вырашыў зьмяніць абстаноўку.

У Расеі

[рэдагаваць | рэдагаваць крыніцу]

У 2007 годзе перайшоў у «Носту». За «Носту» Молаш забіў 3 мячы, адзін зь якіх зь сярэдзіны поля. Увосень 2008 году футбаліст абвесьціў, што ў Наватроіцку не застанецца, па прычынах, пра якія ня хоча гаварыць. Агент стаў прапрацоўваць варыянты, была магчымасьць перайсьці ва «Ўрал».

«Сібір» абраў таму, што Крывушэнка, зь якім ён працаваў у Беларусі, патэлефанаваў, і ўсё вырашылася хутка. Кантракт з новасібірскай камандай быў разьлічаны на два гады. Молаш валодае моцным ударам зь левай нагі, практычна ўсе свае галы Молаш забіў ўдарамі з-за межаў штрафной. Паводле вынікаў сэзону 2010 году Молаш стаў найлепшым гульцом «Сібір» паводле галасаваньня заўзятараў клюбу[6].

12 сьнежня 2010 году было абвешчана аб падпісаньні кантракту з клюбам «Крылы Саветаў», куды Молаш перайшоў на правах вольнага агента па заканчэньні кантракту з клюбам «Сібір». У пачатку жніўня 2012 году кантракт быў скасаваны[7].

«Дынама» Менск

[рэдагаваць | рэдагаваць крыніцу]

У канцы жніўня 2012 году падпісаў кантракт да канца сэзону зь менскім «Дынама»[8], але хутка атрымаў траўму і выбыў да канца сэзону.

Першую палову сэзону 2013 году прапусьціў праз траўму. У чэрвені 2013 году зноў зьявіўся на полі, пры гэтым новы трэнэр Робэрт Мааскант зрабіў Молаша капітанам каманды. Хутка футбаліст зноў атрымаў пашкоджаньне. У верасьні 2013 году вярнуўся і трывала гуляў на пазыцыі левага абаронцы. У кастрычніку 2013 году за інцыдэнт у матчы з БАТЭ, калі Молаш груба выказаўся супраць рашэньня арбітра, атрымаў дыскваліфікацыю на два месяцы. У лютым 2014 году быў абраны капітанам «Дынама» на сэзон 2014 году[9]. У пачатку сэзону чаргаваўся на пазыцыі левага абаронцы з Андрэем Залескім, але ў красавіку 2014 году атрымаў чарговую траўму. Вярнуўшыся на поле ў жніўні, пачаў чаргаваць выступы ў стартавым складзе і знаходжаньне на лаўцы запасных. 27 кастрычніка 2014 году забіў першы гол за «Дынама», чым дапамог перамагчы салігорскі «Шахцёр» зь лікам 2:1. У канцы сьнежня 2014 году пакінуў «Дынама» па сканчэньні кантракту[10].

Міжнародная кар’ера

[рэдагаваць | рэдагаваць крыніцу]

Молаш ўдзельнічаў у фінальнай частцы чэмпіянату Эўропы з моладзевай камандай, дзе беларуская каманда абыграла будучых чэмпіёнаў зборную Італіі зь лікам 2:1. У нацыянальнай зборнай Беларусі з 2005 па 2008 гады Молаш адыграў 5 гульняў. Перад першым турам у першым дывізіёне яго выклікалі ў зборную, але кіраўніцтва «Сібіры» папрасіла Фэдэрацыю футболу Беларусі не прыцягваць гульца, бо ў сібіракоў была важная гульня супраць «Уралу».

27 траўня 2010 году Зьміцер правёў 90 хвілінаў на полі ў складзе зборнай Беларусі ў таварыскім матчы супраць зборнай Гандурасу, які скончыўся зь лікам 2:2.

Трэнэрская кар’ера

[рэдагаваць | рэдагаваць крыніцу]

Завяршыў кар’еру ўлетку 2015 гаду і перайшоў на працу ў дзіцяча-юнацкую школу барысаўскага БАТЭ[11]. У пачатку 2016 году ўвайшоў у трэнэрскі штаб клюбу «Смалявічы-СТІ»[12], які на той час быў фарм-клюбаў барысаўскай каманды. У чэрвені, пасьля звальненьня з клюбу Віталя Рагожкіна, быў прызначаны выканаўцам абавязкаў галоўнага трэнэра смалявіцкага клюбу[13]. У лютым 2017 году быў зацьверджаны ў якасьці галоўнага трэнэра каманды[14]. Паводле вынікаў сэзону смалявіцкі клюб атрымаў месца ў Найвышэйшай лізе. Тым ня менш, Молаш пакінуў «Смалявічы» ў сьнежні.

У студзені 2018 году ўвайшоў у трэнэрскі штаб Алега Дулуба ў барысаўскім БАТЭ[15][16]. Застаўся ў камандзе і пазьней, калі галоўным трэнэрам стаў Аляксей Бага. У сьнежні 2019 году ўсьлед за Багам пакінуў БАТЭ[17].

У студзені 2020 году стаў памочнікам галоўнага трэнэра ў латвійскім клюбе «Ліепая»[18], а ў чэрвені таго ж году ўзначаліў каманду[19]. У сьнежні 2020 году падоўжыў кантракт зь «Ліепаяй»[20]. Пакінуў латвійскі клюб паводле пагадненьня бакоў у чэрвені 2021 году[21]. У сьнежні таго ж году быў прызначаны галоўным трэнэрам жодзінскага «Тарпэда»-БелАЗ[22].

Дасягненьні

[рэдагаваць | рэдагаваць крыніцу]

У якасьці гульца

[рэдагаваць | рэдагаваць крыніцу]

БАТЭ:

У якасці трэнэра

[рэдагаваць | рэдагаваць крыніцу]

Крыніцы

[рэдагаваць | рэдагаваць крыніцу]
  1. ^ а б в Dmitri Molosh // Transfermarkt (мн.) — 2000.
  2. ^ а б в Dmitry Molosh // FBref (мн.)
  3. ^ а б в Dmitri Molosh // As (гішп.) — (untranslated): PRISA, 1967. — ISSN 1888-6671
  4. ^ а б https://footballfacts.ru/person/11517
  5. ^ а б в г https://www.teams.by/-/player-73/
  6. ^ Молош: о предложении от «Динамо» узнал из Сети. championat.ru
  7. ^ Молош остался без «Крыльев» (рас.)
  8. ^ Дмитрий Молош оформил отношения с минским «Динамо» (рас.)
  9. ^ Дмитрия Молоша выбрали капитаном минского "Динамо"
  10. ^ Молош покидает минское «Динамо» (рас.)
  11. ^ Дмитрий Молош будет работать в детско-юношеской школе БАТЭ (рас.)
  12. ^ Экс-наставник дубля БАТЭ возглавил «Смолевичи-СТИ» (рас.)
  13. ^ «Смолевичи-СТИ» расторгли контракт с Виталием Рогожкиным. И. о. главного тренера назначен Дмитрий Молош (рас.)
  14. ^ Игорь Воронков, Шкабара, Ковалюк и Степанов перешли в «Смолевичи-СТИ», Молош утвержден главным тренером, Гомелько стал тренером вратарей
  15. ^ В тренерский штаб Олега Дулуба войдут четыре специалиста (рас.)
  16. ^ Олег Дулуб: "Нужно пройти с командой предсезонку, чтобы я смог ответить на вопрос, являюсь ли частичкой БАТЭ" Архіўная копія ад 10 студзеня 2018 г.
  17. ^ Молош и Тарасенко покинули БАТЭ
  18. ^ Молош продолжит тренерскую карьеру в Латвии
  19. ^ Дмитрий Молош возглавил "Лиепаю"
  20. ^ Дмитрий Молош продлил контракт с "Лиепаей"
  21. ^ "Лиепая" уволила Молоша
  22. ^ Дмитрий Молош стал главным тренером жодинского "Торпедо-БелАЗ"

Вонкавыя спасылкі

[рэдагаваць | рэдагаваць крыніцу]
Атрымана з «https://be-tarask.wikipedia.org/w/index.php?title=Дзьмітры_Молаш&oldid=2594723»