Лаварышкі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Лаварышкі
лет. Lavoriškės
Лаварышкі
Краіна: Летува
Павет: Віленскі
Раён: Віленскі
Староства: Лаварышкаўскае
Насельніцтва: 621 чал. (2011)
Часавы пас: UTC+2
летні час: UTC+3
Паштовыя індэксы: 15032, 15232
Геаграфічныя каардынаты: 54°42′41″ пн. ш. 25°38′18″ у. д. / 54.71139° пн. ш. 25.63833° у. д. / 54.71139; 25.63833Каардынаты: 54°42′41″ пн. ш. 25°38′18″ у. д. / 54.71139° пн. ш. 25.63833° у. д. / 54.71139; 25.63833
Лаварышкі на мапе Летувы
Лаварышкі
Лаварышкі
Лаварышкі
Commons-logo.svg Галерэя здымкаў у Вікісховішчы

Лава́рышкі (па-летувіску: Lavoriškės) — вёска ў Віленскім раёне Віленскага павету, цэнтар Лаварышкаўскага староства. Насельніцтва — 621 чалавек (2011). На ўсход ад вёскі знаходзіцца пагранічны пераход зь Беларусяй Лаварышкі — Катлоўка.

Мінуўшчына[рэдагаваць | рэдагаваць крыніцу]

У III—IV стагодзьдзі на гэтым месцы зьявілася першае паселішча, зьвязанае са шляхам з Полацку да Русі. Першыя згадкі пра Лаварышкі датаваныя 1443 рокам: у Літоўскай мэтрыцы запісана, што вёска была нададзеная віленскаму ваяводу Яну Даўгерду. Пазьней з вакольных вёсак склалася каралеўскае Лаварыскае староства, якое аддавалі ў карыстаньне асобам, набліжаным да каралеўскага двара. У XVII стагодзьдзі гэтыя землі належалі Пацам, пазьней іх дзяржавіў Даніель Выгоўскі. Зь сярэдзіны XVIII стагодзьдзя землямі валодалі Зыбэргі, па іх — ваявода брацлаўскі Міхал Касакоўскі.

Пасьля падзелаў Рэчы Паспалітай цар Павал I Раманаў надаў староства з 93 гаспадарак і насельніцтвам 800 асобаў кобрынскаму мастаўнічаму(pl) Адаму Бельскаму. Да 1842 року дзяржаўцам быў тытулярны саветнік Падгурскі, пазьней на царскі загад уся зямля перайшла ў дзяржаўнае ўладаньне, кіраваньне Лаварышкамі перададзенае адміністратару.

28 жніўня 1863 ля Лаварышак адбылося сутыкненьне паўстанцкага аддзелу з расейскімі войскамі, аднак правадыр паўстанцаў Караль Ясевіч загінуў. У 1869 у мястэчку налічвалася 17 дымоў, з 1905 дзейнічала народная школа.

У часе I сусьветнай вайны тут адбыліся сутычкі царскіх войскаў з надыходзячымі немцамі, палеглыя пахаваныя ля касьцёлу[1].

За польскім часам Лаварышкі ўваходзілі ў склад вясковай гміны Міцкуны Віленска-Троцкага павету Віленскага ваяводзтва. У 1931 року — 202 жыхары, 39 дамоў[2], пошта, паліцэйскі пастарунак, пажарная станцыя, агульная школа. У часе II сусьветнай вайны дзейнічалі партызанскія аддзелы Арміі Краёвай[1].

Крыніцы[рэдагаваць | рэдагаваць крыніцу]

  1. ^ а б Michał Gajewski "Nasze podwileńskie ojczyzny" Wileńskie Wydawnictwo "Czas" ISBN 9955-9423-1-2 archiwum2000.tripod.com Праверана 2016-11-28 г.
  2. ^ Wykaz miejscowości Rzeczypospolitej Polskiej. Tom I. Województwo wileńskie. — Warszawa: Główny Urząd Statystyczny Rzeczypospolitej Polskiej, 1938. — С. 67.

Вонкавыя спасылкі[рэдагаваць | рэдагаваць крыніцу]

Commons-logo.svg Лаварышкісховішча мультымэдыйных матэрыялаў