Жанна Некрашэвіч-Кароткая

Зьвесткі зь Вікіпэдыі — вольнай энцыкляпэдыі
Жанна Некрашэвіч-Кароткая
Дата нараджэньня 14 красавіка 1972(1972-04-14) (50 гадоў)
Месца нараджэньня
Месца вучобы
Занятак літаратуразнаўца, мовазнаўца
Навуковая сфэра мовазнаўства[1] і літаратуразнаўства[1]
Месца працы
Навуковая ступень кандыдат філялягічных навук[d]
Вікіпэдыя мае артыкулы пра іншых асобаў з прозьвішчам Некрашэвіч.

Жа́нна Вацлаваўна Некрашэ́віч-Каро́ткая (нар. 14 красавіка 1972, Менск) — беларуская лінгвістка. Кандыдатка філялягічных навук (1999).

Жыцьцяпіс[рэдагаваць | рэдагаваць крыніцу]

Скончыла філялягічны факультэт БДУ. Працавала старэйшай выкладніцай катэдры гісторыі беларускай літаратуры БДУ (19952001), загадніцай катэдры клясычнай і славянскай філялёгіі Эўрапейскага гуманітарнага ўнівэрсытэту і дацэнткай катэдры раманскай і клясычнай філялёгіі (20012004). З 2005 — у БДУ.

Дасьледуе творы старажытнай беларускай літаратуры, пераважна помнікі лацінскай паэзіі эпохі Рэнэсансу і раньняга Барока. Перакладае з лацінскай, польскай, царкоўнаславянскай і старабеларускай моваў. Аўтарка часопіса «Наша Вера»[2].

Мае больш за 140[3] публікацыяў па гісторыі беларускай літаратуры ХІ—ХІХ стст., у тым ліку — 41[4] публікацыя па гісторыі лацінамоўнай паэзіі Вялікага Княства Літоўскага ХVІ—ХVІІ стст. Аўтарка кнігі «Нясвіжская Мельпамена: Драматургія Францішкі Уршулі Радзівіл» (2002), укладальніца кнігі «Ян Вісліцкі. Пруская вайна» (2005), суаўтарка акадэмічнай «Гісторыі беларускай літаратуры XI—XIX стагоддзяў» (т. 1, 2006).

Крыніцы[рэдагаваць | рэдагаваць крыніцу]

  1. ^ а б Nekrašèvìč-Karotkaja, Žanna Vaclavaŭna // Нацыянальная служба Чэскай рэспублікі
  2. ^ Жанна НЕКРАШЭВІЧ-КАРОТКАЯ. «Наша Вера». Праверана 17 кастрычніка 2010 г.
  3. ^ Жана Некрашэвіч-Кароткая. Часопіс «Прайдзісвет»Праверана 17 кастрычніка 2010 г.
  4. ^ Некрашэвіч-Кароткая Жанна Вацлаваўна. Настаўнік.infoПраверана 17 кастрычніка 2010 г.