Нацыянальны алімпійскі камітэт Рэспублікі Беларусь

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Нацыянальны алімпійскі камітэт Рэспублікі Беларусь
Абрэвіятура НАК РБ
Дата ўтварэньня 22 сакавіка 1991 (27 гадоў таму)
Тып Спартовае
Юрыдычны статус Грамадзкае аб’яднаньне
Штаб-кватэра Менск, вул. Якуба Коласа, д. 2
Сяброўства 74 зацікаўленыя згуртаваньні
Генэральны сакратар Георгі Катулін
Старшыня Аляксандар Лукашэнка
1-ы намесьнік Ігар Заічкаў
Кіроўны орган Выканаўчы камітэт
Матчына кампанія Міжнародны алімпійскі камітэт
Сайт www.noc.by

Нацыянальны алімпійскі камітэт Рэспублікі Беларусь — самастойнае, незалежнае грамадзкае аб’яднаньне, статус і роля якога вызначаюцца Алімпійскай хартыяй і Законам Рэспублікі Беларусь «Аб фізычнай культуры і спорце»[1]. Заснаваны ў 1991 годзе.

Гісторыя[рэдагаваць | рэдагаваць крыніцу]

22 сакавіка 1991 году — створаны НАК (зацьверджаны Статут, абраны прэзыдэнт НАК У. Н. Рыжанкоў).

9 сакавіка 1992 году — НАК прызнаны Міжнародным алімпійскім камітэтам у якасьці часавага чальца.

21 верасьня 1993 году — НАК афіцыйна прызнаны Міжнародным алімпійскім камітэтам (рашэньне 101-й сэсіі МАК у Манака).

12 — 27 лютага 1994 году — удзел у XVII зімовых Алімпійскіх гульнях у Лілегамэры (Нарвэгія) (упершыню самастойнай камандай). У 7 выглядах спорту выступіла 33 беларускіх спартоўца.

Заваяваныя 2 срэбныя мэдалі:

1996 год — у Атланце (ЗША) на Гульнях XXVI Алімпіяды беларуская каманда заняла па залатых узнагародах 37-е месца ў сьвеце, а па колькасьці заваяваных мэдаляў — 23-е з 176 краінаў-удзельніц.

15 траўня 1997 году А. Г. Лукашэнка быў абраны прэзыдэнтам НАК Рэспублікі Беларусь.

На Алімпіядзе 1998 у японскім горадзе Нагана, каманда заваявала дзьве бронзавыя ўзнагароды.

На Алімпіядзе 2000 у Сыднэі (Аўстралія) беларуская зборная заняла 23-е месца ў неафіцыйным камандным заліку і 15-е — па колькасьці заваяваных мэдаляў з 184 краінаў-удзельніц Гульняў.

27 сакавіка 2001 году А. Г. Лукашэнка быў паўторна абраны прэзыдэнтам Нацыянальнага алімпійскага камітэта Рэспублікі Беларусь.

У 2002 годзе ў Солт-Лэйк-Сіці (ЗША) алімпійцы Беларусі заваявалі бронзавую ўзнагароду ва фрыстайлу.

На Алімпіядзе 2004 году ў Афінах каманда заваявала 15 мэдаляў (2 залатыя, 6 срэбных і 7 бронзавых) і заняла ў неафіцыйным камандным заліку 26-е месца, а па агульнай колькасьці мэдаляў — 18-е.

25 лістапада 2004 году — на справаздачна-выбарным Алімпійскім зборы Аляксандар Лукашэнка ў трэці раз абраны прэзыдэнтам НАК Беларусі.

На XX зімовых Алімпійскіх гульнях у Турыне (Італія) Беларусь дэлегавала 28 спартоўцаў. Срэбны мэдаль заваяваў фрыстайліст Зьміцер Дашчынскі. Гэта яго другі мэдаль на Алімпійскіх гульнях.

Структура[рэдагаваць | рэдагаваць крыніцу]

  • Выканаўчы камітэт НАК у складзе 13 чалавек.
  • Бюро выканаўчага камітэта НАК
  • Сталыя камісіі:
  1. Камісія па арганізацыйнай працы.
  2. Камісія па фінансава-эканамічнай дзейнасьці і разьвіцьцю матэрыяльнай базы.
  3. Камісія па міжнароднай дзейнасьці.
  4. Камісія па спорце вышэйшых дасягненьняў, падрыхтоўцы і ўдзелу ў Алімпійскіх гульнях, спаборніцтвах, зьмешчаных пад патранатам МАК.
  5. Камісія па алімпійскай адукацыі і культуры.
  6. Камісія па працы з фэдэрацыямі па відах спорту.
  7. Камісія «Спорт для ўсіх».
  8. Камісія «Жанчыны і спорт».
  9. Камісія па працы са сродкамі масавай інфармацыі.
  10. Мэдыцынская камісія.

Чальцамі НАК зьяўляюцца 74 арганізацыі:

  • 30 фэдэрацыяў па летніх алімпійскіх відах спорту,
  • 5 фэдэрацыяў па зімовых алімпійскіх відах спорту,
  • 21 фэдэрацыя па ві спорту, не ўваходным у праграму Алімпійскіх гульняў,
  • 18 тэрытарыяльных і ведамасных фізкультурна-спартовых арганізацыяў.

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]