Гановэр-96 (футбольны клюб)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Гановэр-96
Hannover 96.png
Поўная назва Hannoverscher Sportverein von 1896
Заснаваны 12 красавіка 1896
Горад Гановэр, Нямеччына
Стадыён АВД-Арэна
Умяшчальнасьць: 49 000
Прэзыдэнт Мартын Кінд
Галоўны трэнэр Андрэ Брайтэнрайтэр
Чэмпіянат Бундэсьліга
 · 2017—2018 13 месца
Хатнія колеры
Выязныя колеры
Афіцыйны сайт

«Гановэр-96» (па-нямецку: Hannover 96) — нямецкі футбольны клюб з гораду Гановэру, які знаходзіцца ў зямлі Ніжняй Саксоніі. Заснаваны ў 1896 годзе. Двухразовы чэмпіён Нямеччыны (1938, 1954), уладальнік Кубка Нямеччыны (1992).

Гісторыя[рэдагаваць | рэдагаваць крыніцу]

Футбольны клюб «Гановэр-96» быў заснаваны 12 красавіка 1896 году на базе спартовага клюбу для школьнікаў, першымі спартовымі сэкцыямі якога былі рэгбі й атлетыка. Фармаваньне футбольнай сэкцыі скончылася нашмат пазьней, а менавіта 25 чэрвеня 1899 году. У 1913 годзе быў утвораны «спартовы клюб Гановэр-96», у які ўвайшлі ўсе буйныя спартовыя аб’яднаньні Гановэру. Клюб быў вельмі буйной арганізацыяй, адным зь першых ягоных старшыняў быў будучы прэзыдэнт Нямеччыны Паўль фон Гіндэнбург.

Першых посьпехаў клюб дасягнуў у пачатку 1930-х гадоў. Яны зьвязаны з імёнамі трэнэра Робэрта Фухса й гульцоў нацыянальнай зборнай Нямеччыны Фрыца Дайке, Людвіга Пёлера й Эдмунда Малецкага. У гэтыя гады клюб заваяваў першае чэмпіёнства ў 1938 годзе. Усяго ж у ягоным актыве дзьве перамогі ў чэмпіянаце Нямеччыны й абедзьве яшчэ да стварэньня Бундэсьлігі ў 1938 і 1954 гадох, а таксама перамога ў Кубку Нямеччыны 1992 году, які каманда выйграла як удзельнік другой лігі — першы падобны выпадак у гісторыі нямецкага футболу.

Пасьля таго, як 1964 годзе клюб упершыню прабіўся ў Бундэсьлігу, ён пераходзіў у розныя лігі ад першай да трэцяй, шмат гадоў выступаўчы ў рэгіянальнай (трэцяй) лізе. Апошні раз клюб дамогся выхаду ў Бундэсьлігу ў 2002 годзе й з тых часоў выступае менавіта там. Падчас сэзона 2009—2010 гадоў 10 лістапада 2009 году скончыў жыцьцё самагубствам тагачасны капітан каманды брамнік Робэрт Энке[1].

Галоўным спонсарам клюбу зьяўляецца нямецкае акцыянэрнае таварыства ў індустрыі турызму — TUI.

Стадыён[рэдагаваць | рэдагаваць крыніцу]

«Гановэр-96» гуляе на стадыне AWD-Арэна, які быў пабудаваны ў 1954 годзе як «Нідэрзахзэнштадыён», які цяпер мае ўмяшчальнасьць у 49 тысячаў гледачоў. Падчас чэмпіянату сьвету 2006 году стадыён быў месцам чатырох матчах першага раўнда й аднаго матчу стадыі 1/8 фіналу. Стадыён таксама служыў у якасьці пляцоўкі для правядзеньня матчаў чэмпіянату сьвету 1974 году й чэмпіянату Эўропы 1988 году.

Заўзятары[рэдагаваць | рэдагаваць крыніцу]

Асноўным канкурэнтам «Гановэру» зьяўляецца клюб «Айнтрахт» з Браўншвайгу ў той час як маюцца іншыя суперніцтвы, менш старажытныя, як то з «Вэрдэрам» і «Вольфсбургам». У апошнія гады прыхільнікі «Гановэру» маюцца некаторую непрыязнасьць да клюбу «Энэргі» з Котбусу, якая заснавана на інцыдэнце ў 1997 годзе ў матчы Рэгіянальнай лізе. Пражэктар на стадыёне ў Котбусе зламаўся падчас гульні, і многія прыхільнікі «Гановэру» лічыць, што гэта было зроблена наўмысна й высілкі на выпраўленьне асьвятленьня былі толькі палавіністым. Котбус пазьней перамог у перанесеным матчы зь лікам 3:1.

«Гамбург» лічыцца сяброўскім клюбам, прыхільнікі якой падзяляюць суперніцтва з «Вэрдэрам». Абодва клюбу часьцяком называюць HSV. Прыхільнікі «Гановэру» таксама маюць добрыя адносіны з заўзятарамі дацкага клюбу «Одэнсэ Больклюб». Прыхільнікі клюбаў часьцяком прыязджаюць адзін да аднаго на стадыён, каб падтрымаць сяброў падчас матчу. Існуе таксама сяброўства з «Армініяй» зь Білефэльду.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Гановэр-96 (футбольны клюб)сховішча мультымэдыйных матэрыялаў