Санкт-Паўлі Гамбург

	Санкт-Паўлі
Поўная назва	Fußball-Club St. Pauli von 1910 e.V.
Заснаваны	15 траўня 1910
Горад	Гамбург, Нямеччына
Стадыён	Мілернтор; Умяшчальнасьць: 29 063
Прэзыдэнт	Оке Гётліх[d]
Галоўны трэнэр	Аляксандар Блесін[d];
Чэмпіянат	Бундэсьліга 2
· 2025—2026	Бундэсьліга, 18 месца (паніжэньне)
Хатнія колеры	Выязныя колеры
	Галерэя здымкаў у Вікісховішчы; fcstpauli.com (ням.) (анг.)

«Санкт-Паўлі» (па-нямецку: St. Pauli) — нямецкі футбольны клюб з гораду Гамбургу. Заснаваны ў 1910 годзе. Нягледзячы на тое, што ў клюбу пакуль вельмі сьціплыя дасягненьні, разьмяшчае шматлікай фанацкай падтрымкай — пераважна левых палітычных поглядаў, як на радзіме, так і ва ўсім сьвеце. Футбольны клюб уваходзіць у склад аднайменнага спортклюбу. Апроч футбольнай каманды, у складзе клюбу ёсьць сэкцыі: рэгбі, боўлінгу, боксу, вэляспорту, настольнага тэнісу, амэрыканскага футболу, шахмат і іншых. Такім чынам, спартовае грамадзтва налічвае 8000 удзельнікаў.

Гісторыя

Клюб быў заснаваны 15 траўня 1910 году, аднак сапраўды самастойнай каманда стала ў 1924 годзе, калі адкалолася ад спартовага таварыства «Hamburg-St. Pauli Turnverein 1862» («Гімнастычнае таварыства Гамбург-Санкт-Паўлі 1862»). Непасрэдна да 1945 году «Піраты» ўяўлялі «каманду-ліфт», якая са зьменным посьпехам выступала, то ў першай, то ў другой лігах. Чыньнікам такой нестабільнасьці была адсутнасьць трэнэра. Першыя два сэзоны пасьля канчатка вайны (1945—1946 і 1946—1947) клюб правёў у Гарадзкой лізе Гамбургу. Наступныя 16 сэзонаў — па 1963 год выступалі ў дывізіёне «Обэрліга Норд». З 1963 па 1974 год — у Рэгіянальлізе Норд, з 1974 па 1977 год — у новаўтворанай Другой Бундэсьлізе Норд. У сэзоне 1977—1978 гадоў каманда выйшла ў Першую Бундэсьлігу, але заняла 18 месца, і зноў панізілася ў клясе. Пасьля дэбютнага сэзону, каманда яшчэ 6 разоў выступала ў эліце, самы працяглы пэрыяд — з 1988 па 1991 год. Самае «важкае» дасягненьне — 10 месца ў сэзоне 1988—1989 гадоў.

У пачатку 1990-х гадоў нямецкія СМІ выбудавалі культавае аблічча клюбу, засяродзіўшыся на панк-частцы заўзятараў. Да гэтага часу СМІ таксама пачалі ўкараняць такія мянушкі, як то «Піраты лігі» ды «Дом радасьці». Сам клюб усьвядоміў патэнцыял і ў верасьні 1999 году набыў правы на графіку Стэфа Браўна з чэрапам і скрыжаванымі косткамі, зрабіўшы яе адным зь лягатыпаў клюбу^[2]^[3].

У 2006 годзе Санкт-Паўлі ў Кубку Нямеччыны дашлі да паўфіналу. У тым розыгрышы каманда выбіла на сваім шляху каманды Бундэсьлігі «Гэрту» і «Вэрдэр». Прасоўваньне ў паўфінал дало клюбу блізу 1 мільёна эўра ў выглядзе выплатаў з тэлевізійных трансьляцыяў і спонсарскіх грошай, што значна выратавала клюб ад фінансавага краху. У 2007 годзе вярнуліся ў другі дывізіён, дзе правялі два сэзоны, і, па выніках сэзону 2009—2010 гадоў ізноў забясьпечылі сабе пуцёўку ў эліту нямецкага футболу. 16 лютага 2011 году ўпершыню з 1977 году, «Санкт-Паўлі» выгуляў сваіх галоўных супернікаў з «Гамбургу», дзякуючы голу Джэральда Азамоа. Аднак каманда скончыла сэзон на апошнім месцы, што прывяло да страты месца ў эліце. З таго часу клюб заставаўся ў 2-й Бундэсьлізе, заняўшы чацьверты радок у сэзоне 2011—2012 гадоў, але ў наступныя гады вынікі пагоршыліся. Тым ня менш, паводле вынікаў сэзону 2023—2024 гадоў гамбурскі клюб вярнуўся ў Бундэсьлігу^[4].

Склад

Актуальны на 21 лютага 2026 году

№	Пазыцыя	Імя	Год нараджэньня
1	Бр	Бэн Фоль	2000
2	Аб	Маноліс Саліякас	1996
3	Аб	Караль Мэтс	1993
4	Аб	Давід Нэмэт	2001
5	Аб	Гаўке Валь	1994
6	ПА	Джэймз Сэндс (ар. Нью-Ёрк Сіці)	2000
7	ПА	Джэксан Ірвін (капітан)	1993
8	Аб	Эрык Сьміт	1997
9	Нап	Абдулі Кісэй	2004
10	ПА	Данэль Сынані	1997
11	Аб	Аркадыюш Пырка	2002
14	Аб	Фін Стывэнз	2003
15	Аб	Тамоя Анда	1999
16	ПА	Дзёэру Ціма Фудзіта	2002
18	Нап	Таіці Хара	1999

№	Пазыцыя	Імя	Год нараджэньня
19	Нап	Мартэйн Каарс	1999
20	ПА	Матыяс Расмусэн	1997
21	Аб	Лярс Рыцка	1998
22	Бр	Нікала Васіль	1995
23	Аб	Люіс Апі	2002
24	ПА	Конар Мэткалф	1999
25	Аб	Адам Дзьвігала	1995
26	Нап	Рыкі-Джэйд Джонз	2002
27	Нап	Андрэас Унтанджы (ар. Бэрнлі)	2002
28	Нап	Матыяш Пэрэйра Лажы	1996
30	Бр	Сыман Шпары	2002
34	Аб	Янік Робач	2004
42	ПА	Марвін Шміц	2007
44	ПА	Нік Шміт	2007
47	Бр	Эміл Газдаў (ар. Манрэаль)	2003