Аляксандар Глеб

Зьвесткі зь Вікіпэдыі — вольнай энцыкляпэдыі
Аляксандар Глеб
Аляксандар Глеб
Пэрсанальная інфармацыя
Нарадзіўся 1 траўня 1981 (42 гады)
Менск, Беларусь
Рост 185 см
Вага 72 кг
Пазыцыя паўабаронца
Моладзевыя клюбы
1987—1998
1998—1999
Дынама Менск
БАТЭ
Клюбы
Гады Клюб Гульні (галы)¹
1999—2000
2000—2005
2005—2008
2008—2012
2009—2010
2010—2011
2011
2012
2012—2013
2014—2015
2015
2015
2016
2016
2017
2018—2019
2019
БАТЭ
Штутгарт
Арсэнал
Барсэлёна
Штутгарт (арэнда)
Бірмінггэм Сіці (арэнда)
Вольфсбург (арэнда)
Крылы Саветаў
БАТЭ
Коньяспор
Генчлербірлігі
БАТЭ
Генчлербірлігі
БАТЭ
Крылы Саветаў
БАТЭ
Іслач
25 (4)
137 (13)
89 (7)
19 (0)
27 (0)
19 (1)
4 (1)
8 (0)
29 (3)
30 (2)
15 (2)
4 (0)
11 (0)
6 (0)
7 (0)
16 (0)
13 (0)
Зборныя
2001—2019 Беларусь 80 (6)

Алякса́ндар Па́ўлавіч Глеб (нарадзіўся 1 траўня 1981 году ў Менску) — колішні беларускі футбаліст, паўабаронца. Раней выступаў у складзе нацыянальнай зборнай Беларусі. Уваходзіць у Клюб Сяргея Алейнікава для беларускіх футбалістаў, якія згулялі 500 і болей афіцыйных матчаў.

Дзяцінства[рэдагаваць | рэдагаваць крыніцу]

Глеб падрастаў у Менску, яго маці была будаўніком, а ягоны бацька кіраваў танкерамі. Ягоны бацька ўдзельнічаў у дэмантажы жылых дамоў ва Ўкраіне пасьля Чарнобыльскай катастрофы. Аляксандар думае, што гэта паўплывала на здароўе бацькі ў далейшым. Перад тым, як пачаць займацца футболам, Глеб займаўся гімнастыкай і скокамі ў ваду. У футбольную сэкцыю клюбу «Дынама» Глеба прывёў бацька — адданы футбольны заўзятар. У 15 гадоў Глеба запрасілі ў юнацкую зборную Беларусі па футболе.

Клюбная кар’ера[рэдагаваць | рэдагаваць крыніцу]

БАТЭ[рэдагаваць | рэдагаваць крыніцу]

Пасьля заканчэньня школы «Дынама», Аляксандар перайшоў у барысаўскі БАТЭ. З БАТЭ Глеб выйграў чэмпіянат Беларусі.

«Штутгарт»[рэдагаваць | рэдагаваць крыніцу]

Заўважаны скаўтамі, Аляксандар, разам са сваім малодшым братам Вячаславам, пераходзіць у нямецкі клюб «Штутгарт» за 150 000 эўра. Глеб дэбютаваў за клюб 5 верасьня 2000 году ў матчы супраць «Кайзэрсьляўтэрну», выйшаўшы на замену на апошнія 20 хвілін гульні. Нягледзячы толькі на 6 зьяўленьняў Глеба ў складзе «Штутгарту» ў ягоны першы сэзон, Глеб ня толькі зрабіўся гульцом асноўнага складу, але таксама адным з ключавых гульцоў каманды ў сваім другім сэзоне. У сэзоне 2002—2003 гадоў «Штутгарт» фінішаваў другімі ў Бундэслізе і ў наступным сэзоне ўдзельнічаў у Лізе Чэмпіёнаў. Аднак пасьля таго, як галоўны трэнер Фэлікс Магат пакінуў клюб, «Штутгарт» ужо ня быў такім пасьпяховым і скончыў сэзон 2004—2005 гадоў толькі на пятым месцы. Глеб, аднак, у тым сэзоне быў лідэрам Чэмпіянату Нямеччыны па галявых перадачах.

«Арсэнал»[рэдагаваць | рэдагаваць крыніцу]

Аляксандар у табары «Арсэналу»

2005—2006[рэдагаваць | рэдагаваць крыніцу]

28 чэрвеня 2005 году Глеб перайшоў у клюб ангельскай прэм’ер-лігі «Арсэнал», пагадзіўшыся на чатырохгадовы кантракт. Трэнэр Арсэн Вэнгер выкарыстоўваў беларуса на амаль усіх пазыцыях у паўабароне, але звычайна Глеб гуляў справа. Свой першы гол за «Арсэнал» Глеб забіў у міжсэзоннай таварыскай гульні супраць «Барнэт» на другой хвіліне пасьля свайго выхаду на поле. 21 жніўня 2005 году Глеб дэбютаваў у афіцыйнай гульні за «Арсэнал» супраць лёнданскага «Чэлсі». Неўзабаве ён атрымаў траўму калена і вярнуўся на поле толькі ў сьнежні. У студзені 2006 году Глеб замацаваў за сабой месца ў асноўным складзе каманды і забіў свой першы гол у афіцыйнай гульні за «Арсэнал» супраць «Мідлзбра». 17 траўня 2006 году Глеб стаў першым беларусам, які гуляў у фінале Лігі чэмпіёнаў УЭФА.

2006—2007[рэдагаваць | рэдагаваць крыніцу]

Сэзон 2006—2007 гадоў пачаўся добра для Аляксандра. У кваліфікацыйным матчы Лігі чэмпіёнаў супраць «Дынама» (Загрэб), беларус зрабіў дзьве рэзультатыўныя перадачы. Глеб хутка зрабіўся адным з ключавых гульцоў у «Арсэнале» і заваяваў павагу фанатаў. Узімку Глеб атрымаў траўму, але ўжо праз тры тыдні зноў пачаў гуляць. У тым сэзоне Глеб згуляў 48 гульняў, зь іх у 40 зьяўляўся ў асноўным складзе.

2007—2008[рэдагаваць | рэдагаваць крыніцу]

У час перадсэзоннай падрыхтоўкі галоўны трэнер «кананіраў» Арсэн Вэнгер перадвінуў Глеба з правага флангу паўабароны на пазыцыю «пад нападнікам». Такі крок апраўдаў сябе і Глеб стаў глядзецца больш упэўнена і небясьпечна для апанэнтаў на новай пазыцыі. 12 жніўня, у матчы супраць «Фулгэму», у першай гульні «Арсэналу» ў Прэм’ер-лізе ў сэзоне Глеб забіў пераможны гол, а сам матч скончыўся зь лікам 2—1. Неўзабаве Глеб зноўку забіў, на гэты раз — у Лізе чэмпіёнаў супраць праскай «Спарты». Калі ж у склад «Арсэналу» вярнуліся Эдуарду да Сілва і Эмануэль Адэбаёр, Глеб зноў пачаў гуляць на правым быку паўабароны. Але нават тут Глеб заставаўся адным з найлепшых гульцоў у складзе каманды, дзякуючы выдатнай гульні ў пас і кантролю за мячом. 23 кастрычніка Аляксандар правёў адну з найлепшых сваіх гульняў за «Арсэнал», у якой дапамог сваёй камандзе зноўку перайграць праскую «Спарту» зь лікам 7—0. Глеб узяў удзел у шасьці галах сваёй каманды, забіўшы два і аддаўшы рэзультатыўныя перадачы ў астатніх чатырох. Глеб быў прызнаны гульцом матчу, а канал Sky Sports паставіў яму адзнаку 9,5 за гульню. Нягледзячы на невялікую траўму ў лістападзе, Аляксандар здолеў выйсьці на свой найлепшы ўзровень у гульнях супраць «Міляну» ў Лізе чэмпіёнаў. Выступы Глеба ў гэтым сэзоне заставілі шматлікія клюбы зьвярнуць на яго ўвагу.

«Барсэлёна»[рэдагаваць | рэдагаваць крыніцу]

16 ліпеня 2008 году Глеб прайшоў мэдыцынскі агляд у «Барсэлёне», а пазьней гэтым днём пераход гульца, кошт якога склаў 11,8 млн фунтаў стэрлінгаў, быў канчаткова аформлены. Глеб падпісаў кантракт на чатыры гады з суммай адступных 71 мільёнаў фунтаў стэрлінгаў, стаўшы першым гульцом-беларусам у гісторыі «Барсы». Дастаткова добра правёўшы перадсэзонную падрыхтоўку, у якой ён забіў адзін мяч супраць «Чывасу» з Гуадалахары, футбаліст дэбютаваў у першым матчы «Барсы» ў Ля Лізе ў новым сэзоне, выйшаўшы на замену замест Яя Турэ. У наступнай гульні чэмпіянату супраць «Расінгу» Глеб быў найлепшым на пляцоўцы ўсю першую палову гульні, пакуль не атрымаў траўму, якая выбіла яго з гульні на тры тыдні. Пасьля гэтай траўмы Глеб зьяўляўся на полі ў асноўным на замену. У адной з такіх гульняў, супраць мадрыдзкага «Рэалу» 13 сьнежня 2008 году, Глеб, выйшаўшы на замену пры ліку 1—0 распачаў галевую атаку, якая дапамагла каталёнцам аформіць перамогу над сваімі галоўнымі супернікамі. У другой палове сэзону Глеб стаў зьяўляцца на пляцоўцы яшчэ менш, не забіўшы ніводнага гала і нават не трапіўшы ў заяўку каманды на фінал Лігі чэмпіёнаў. Нягледзячы на гэта, 27 траўня Глеб стаў першым беларусам, выйграўшым Лігу чэмпіёнаў, мэдалі якой ён дадаў да Чэмпіянату Гішпаніі і Кубка Караля. У канцы студзеня 2012 году кантракт з «Барсэлёнай» быў датэрмінова скасаваны[1].

Вяртаньне ў «Штутгарт»[рэдагаваць | рэдагаваць крыніцу]

Пасьля непасьпяховага сэзону ў «Барсэлёне» Глеб зноў перайшоў у «Штутгарт». Швабская каманда атрымала Глеба на правах арэнды, Аляксандар падпісаў кантракт на 10 месяцаў, бяз права выкупа. Сума трансфэра склала каля 10 млн эўра.

«Бірмінггэм Сіці»[рэдагаваць | рэдагаваць крыніцу]

Глеб у футболцы «Бірмінггэм Сіці»

31 жніўня 2010 году Глеб на правах арэнды перайшоў у клюб «Бірмінггэм Сіці»[2].

«Вольфсбург»[рэдагаваць | рэдагаваць крыніцу]

31 жніўня 2011 году на правах арэнды перайшоў у нямецкі «Вольфсбург»[3].

«Крылы Саветаў»[рэдагаваць | рэдагаваць крыніцу]

17 лютага 2012 году падпісаў кантракт з расейскім клюбам «Крылы Саветаў з Самары да канца сэзону 2011—2012 гадоў[4].

Зноўку БАТЭ[рэдагаваць | рэдагаваць крыніцу]

26 ліпеня 2012 году было аб’яўленьне аб вяртаньні Глеба ў барысаўскі БАТЭ[5]. У студзені 2013 году падпісаў з БАТЭ новы кантракт да 31 сьнежня 2013 году[6].

«Коньяспор»[рэдагаваць | рэдагаваць крыніцу]

Па заканчэньні кантракту з БАТЭ ў студзені 2014 году перайшоў у турэцкі клюб «Коньяспор», зь якім заключыў пагадненьне на паўгоду з магчымасьцю падаўжэньня яшчэ на год[7].

«Генчлербірлігі», БАТЭ, «Крылы Саветаў»[рэдагаваць | рэдагаваць крыніцу]

2 лютага 2015 году падпісаў кантракт з клюбам «Генчлербірлігі» да канца сэзону[8]. 7 жніўня 2015 году трэці раз за сваю кар’еру падпісаў кантракт з барысаўскім БАТЭ[9]. У студзені 2016 году вярнуўся ў «Генчлербірлігі», зь якім падпісаў кантракт на паўгоду[10]. А ўжо ў ліпені 2016 году чарговы раз падпісаў кантракт з БАТЭ[11]. У лютым 2017 году падпісаў кантракт з «Крыламі Саветаў»[12], якія пакінуў у траўні таго ж году[13]. У сакавіку 2018 году падпісаў кантракт з БАТЭ[14]. У чэрвені 2019 году пакінуў БАТЭ[15]. У жніўні 2019 году падпісаў кантракт з клюбам «Іслач»[16].

У сакавіку 2020 году афіцыйна абвясьціў аб завершаньні кар'еры[17].

Узнагароды[рэдагаваць | рэдагаваць крыніцу]

БАТЭ

«Барсэлёна»»

«Бірмінггэм Сіці»

Асабістыя[рэдагаваць | рэдагаваць крыніцу]

Статыстыка[рэдагаваць | рэдагаваць крыніцу]

Клюб Сэзон Чэмпіянат
Дывізіён Матчы Галы
БАТЭ 2015 Найвышэйшая ліга 4 0
БАТЭ 2016 Найвышэйшая ліга 6 0
БАТЭ 2018 Найвышэйшая ліга 15 0

Крыніцы[рэдагаваць | рэдагаваць крыніцу]

  1. ^ В Греции есть все, кроме Александра Глеба. История несостоявшегося трансфера (рас.) «Прессбол», 1 лютага 2012
  2. ^ Футбол. Александр Глеб подписал контракт с «Бирмингемом» (рас.) «Прессбол», 31 жніўня 2010
  3. ^ Александр Глеб перешел в «Вольфсбург» (рас.) «Прессбол», 31 жніўня 2011
  4. ^ Александр Глеб подписал контракт с «Крыльями Советов» (рас.) «Прессбол», 17 лютага 2012
  5. ^ Александр Глеб — игрок БАТЭ
  6. ^ Александр Глеб продолжит карьеру в БАТЭ (рас.)
  7. ^ Александр Глеб подписал контракт с турецким «Коньяспором» (рас.)
  8. ^ Александр Глеб перешел в «Генчлербирлиги» (рас.)
  9. ^ Александр Глеб стал игроком БАТЭ (рас.)
  10. ^ Александр Глеб подписал полугодовой контракт с «Генчлербирлиги» (рас.)
  11. ^ БАТЭ объявил о подписании контракта с Александром Глебом (рас.)
  12. ^ «Крылья Советов» объявили о подписании контракта с Александром Глебом (рас.)
  13. ^ Александр Глеб покидает «Крылья Советов» (рас.)
  14. ^ Александр Глеб вернулся в БАТЭ (рас.)
  15. ^ Глеб и БАТЭ расторгли контракт (рас.)
  16. ^ Александр Глеб подписал контракт с «Ислочью» (рас.)
  17. ^ https://by.tribuna.com/football/1084174168/

Вонкавыя спасылкі[рэдагаваць | рэдагаваць крыніцу]