Дынама Заграб

Дынама Заграб
Поўная назва	Građanski nogometni klub Dinamo Zagreb
Заснаваны	9 чэрвеня 1945
Горад	Заграб, Харватыя
Стадыён	Максымір Умяшчальнасьць: 35 123
Галоўны трэнэр	Марыё Ковачавіч[d]
Чэмпіянат	Футбольная ліга
· 2024—2025	2 месца
Галерэя здымкаў у Вікісховішчы Афіцыйны сайт

«Дынама» (па-харвацку: Dinamo) — харвацкі футбольны клюб з гораду Заграбу. Заснаваны ў 1945 годзе. 25-разовы чэмпіён Харватыі, 17-разовы ўладальнік Кубка Харватыі. Чатырохразовы чэмпіён Югаславіі, сяміразовы ўладальнік Кубка Югаславіі.

Гісторыя

Футбольны клюб у Заграбе быў створаны ў 1911 годзе, калі яшчэ горад быў часткай Аўстра-Вугоршчыны. Клюб атрымаў назву «Граджанскі». У дадатак, клюб меў шматспартовую скіраванасьць з выразна харвацкай ідэнтычнасьцю. Акрамя футболу клюб меў каманды па гандболе і роварным спорце. Спачатку футбалісты выступалі на розных пляцоўках у заграбскіх раёнах Тушканац, Марцінаўцы, Канале і Максыміры, пакуль каманда не прыдбала свой уласны стадыён на вуліцы Котурашка, які быў афіцыйна адкрыты ў 1924 годзе Сьцепанам Радычам, вядомым харвацкім палітыкам таго часу. Па Другой сусьветнай вайне «Граджанскі» быў забаронены, як і вялікая колькасьць іншых харвацкіх клюбаў. Наўзамен у чэрвені 1945 году ўжо пасьля трох дзён пасьля ліквідацыі «Граджанскага» быў утвораны клюб «Дынама». У кіраўніцтва клюбу ўвайшлі некаторыя дзеячы «Граджанскага».

У 1991—1993 гадах меў назву «ХАШК Граджанскі», а ў 1993—2000 гадах — «Краацыя». У канцы 1990-х клюб двойчы запар дасягаў групавога этапу Лігі чэмпіёнаў УЭФА. У сэзоне 1998—1999 гадоў яны спаборнічалі ў адной групе з «Аяксам», «Алімпіякосам» і «Порту». Пасьля несуцяшальных першых трох матчаў, дзе пасьля хатняй нічыі з «Аяксам» клюб двойчы атрымаў паразы з «Алімпіякосам» і «Порту», паказьнікі харватаў палепшыліся. У наступным хатнім матчы яны перамаглі «Порту», а потым у Амстэрдаме былі мацней за «Аякс». У апошнім матчы групы заграбцы згулялі ўнічыю з «Алімпіякосам». У сэзоне 1999–2000 гадоў «Краацыя» скончыла групавы этап на апошнім чацьвертым месцы, здабыўшы толькі адну перамогу і дзьве нічыю. Супернікамі клюбу ў тым розыгрышы былі «Манчэстэр Юнайтэд», «Марсэль» і «Штурм».

Склад

Актуальны на 22 лютага 2026 году

№ Пазыцыя Імя Год нараджэньня 1 Бр Даніел Загарац  1987 3 Аб Бруна Года  1998 4 ПА Ісмаэль Бэнасэр  (ар. Мілян) 1997 7 ПА Лука Стойкавіч  2003 8 ПА Міха Зайц  1994 9 Нап Дыян Бэлё  2002 10 Нап Габрыель Відавіч  2003 11 Нап Арбэр Ходжа  1998 13 Аб Паўль Табінас  2002 14 ПА Марка Сольда  2003 15 Аб Ніка Галешыч  2001 16 Аб Рауль Тарэнтэ  2001 18 Аб Ранаэль П’ер-Габрыель  1998 21 Нап Матэо Лісіца  2003 22 Аб Матэо Пэрэс Вінляф  2005 23 Нап Кардозу Варэла  2008

№ Пазыцыя Імя Год нараджэньня 25 Аб Морыс Валінчыч  2002 26 Аб Скот Макена  1996 27 ПА Ёсіп Мішыч  1994 28 Аб Кевін Тэафіль-Катрын  1989 30 Нап Фран Топіч  2004 33 Бр Іван Нэвістыч  1998 35 Аб Ноа Мікіч  2007 36 Аб Сэржы Дамінгес  2005 40 Бр Домінік Лівакавіч (ар. Фэнэрбахчэ) 1995 44 Бр Іван Філіпавіч  1994 55 Аб Дына Пэрыч  1994 70 Нап Хуан Кордаба  2003 71 Нап Мансэф Бакрар  2001 88 Бр Антоніё Раіч 2007 — Аб Матыя Рушкавачкі 2005

Вонкавыя спасылкі

• Афіцыйны сайт