Уладзімер Макоўскі

**Уладзімер Макоўскі**
	Уладзімер Макоўскі
Пэрсанальная інфармацыя
Нарадзіўся	23 красавіка 1977 (48 гадоў); Маладэчна, Менская вобласьць, БССР, СССР;
Пазыцыя	нападнік
Клюбы
Зборныя

Уладзі́мер Мако́ўскі (нар. 23 красавіка 1977 году) — беларускі футбаліст, нападнік. Найлепшы футбаліст Беларусі 1996 году. Уваходзіць у Клюб беларускіх бамбардзіраў для футбалістаў, якія забілі 100 і болей галоў на найвышэйшым узроўні^[2].

Кар’ера

Клюбная

Уладзімер Макоўскі і ягоны брат-блізьнюк Міхаіл пачалі займацца футболам у родным Маладэчне, дзе іхным настаўнікам у мясцовай ДЮСШ быў Анатоль Берасьнёў. У веку 16 гадоў юнакі апынуліся ў клюбе «Электрамодуль», які браў удзел у першынстве трэцяга дывізіёну Беларусі. Аднойчы гульню гэтай каманды наведаў будучы трэнэр зборнай Беларусі Сяргей Бароўскі, які трэнаваў на той час іншы маладэчанскі «Мэталюрг». Ужо ў наступным сэзоне браты абаранялі колеры гэтай каманды, якая гуляла ў Найвышэйшай лізе і ставіла перад сабой значна больш сур’ёзныя задачы, чым іхняя папярэдняя каманда. У гэтым клюбе хлопцы правялі два гады, пасьля чаго іх запрасілі далучыцца да менскага «Дынама».

Менавіта ў сталічным клюбе па-сапраўднаму быў выкрыты талент Уладзімера. У 1996 годзе ён стаў найлепшым гульцом чэмпіянату Беларусі, дапамог сваёй камандзе здабыць срэбраныя ўзнагароды чэмпіянату і дакрочыць да фіналу Кубка Беларусі. У наступным годзе сам Макоўскі выглядаў магчыма і ня гэтак жа яскрава, аднак каманда змагла падняцца на верхавіну турнірнай табліцы чэмпіянату паводле вынікаў сэзону. Браты поруч перайшлі ў кіеўскае «Дынама», якое перажывала час адраджэньня. Былі прапановы і ад іншых клюбаў, у прыватнасьці ад маскоўскага «Спартака», аднак да канкрэтыкі там гэтак і не дайшло. У Кіеве на блізьнюкоў рабілі вялікія надзеі, аднак Уладзімеру было вельмі цяжка канкураваць за месца ў складзе зь Сяргеем Рабровым і Андрэем Шаўчэнкам. Таксама зьявіліся праблемы з выкананьнем спартовага рэжыму. Форму даводзілася падтрымліваць пераважна выступаючы ў складзе «Дынама-2». У 1999 годзе шляхі братоў Макоўскіх упершыню разышліся, бо Ўладзімер трапіў у каралявецкую «Балтыку». Аднак, даволі хутка двайняты зноў апынуліся разам, бо Ўладзімера запрасілі на параду брата ў склад палтаўскай «Ворсклы».

Цягам наступных чатырох гадоў Уладзімер зьмяніў цэлы шэраг клюбаў, сярод якіх былі ужгарадзкае «Закарпацьце», кіеўскі ЦСКА і зноў «Балтыка». У 2003 годзе ягоны кантракт з кіеўскім «Дынама» падышоў да канца, і Макоўскі пастанавіў сабе вярнуцца на радзіму, вярнуўшыся ў менскае «Дынама». Футбаліст пасьля гэтага зьмяняў каманды амаль што год, затрымаўшыся ў «Гарадзеі». Апошнім клюбам у гульнёвай кар’еры стала «Іслач».

Трэнэрская

Улетку 2012 году перайшоў на трэнэрскую працу. Пэўны час уваходзіў у трэнэрскі склад футбольнага клюбу «Іслач» з Найвышэйшай лігі чэмпіянату Беларусі^[3]. 10 жніўня 2016 году ў СМІ зьявілася інфармацыя аб датычнасьці Макоўскага зь некалькімі гульцамі клюбу да арганізацыі дамоўленых матчаў. Размова аб сустрэчы паміж камандамі «Іслач» і берасьцейскім «Дынама», у якім берасьцейская каманда займела перамогу зь лікам 4:2. 19 лютага 2018 году ўжо экс-трэнэр «Іслачы» Ўладзімер Макоўскі пажыцьцёва быў дыскваліфікаваны АБФФ^[4].

Дамоўленыя гульні

За ўдзел у дамоўленых гульнях судом Першамайскага раёну Менску ў кастрычніку 2017 году асуджаны на 2 гады абмежаваньня волі без накіраваньня ў папраўчую ўстанову адкрытага тыпу і цягам 5 гадоў забаронены ўдзел у прафэсійных спартовых спаборніцтвах^[5], а ў лютым 2018 году пажыцьцёва дыскваліфікаваны Беларускай фэдэрацыяй футболу^[4].

Дасягненьні

Чэмпіён Беларусі: 1997
Чэмпіён Украіны: 1998, 1999

Крыніцы

[_77de197196c6bac3-1] Vladimir Makovski // Transfermarkt (мн.) — 2000.

[2] Клуб бомбардиров. Голевая сага Вячеслава Глеба (рас.)

[3] Владимир Маковский: «Милевский может выйти на прежний уровень». Sport.ua.

[football-4] 1 2 Дело о договорных матчах: КДК АБФФ пожизненно дисквалифицировал 11 футболистов и Владимира Маковского (рас.)

[5] Вынесены приговоры фигурантам дела о договорных матчах: ограничение свободы и штрафы{{}}

[1]

[2]

[3]

[4]

[5]

Пэрсанальная інфармацыя
Уладзімер Макоўскі
Нарадзіўся	23 красавіка 1977(1977-04-23)^[1] (48 гадоў) Маладэчна, Менская вобласьць, БССР, СССР
Пазыцыя	нападнік
Клюбы
Гады	Клюб	Гульні (галы)¹
1993—1995	Маладэчна-2018	47 (11)
1996—1997	Дынама Менск	57 (39)
1997—1999	Дынама Кіеў	14 (4)
1999	Балтыка	15 (2)
1999—2000	Ворскла Палтава	15 (2)
2000—2001	ЦСКА Кіеў^[d]	7 (0)
2001—2003	Гавэрла Ужгарад	48 (2)
2003	Балтыка	1 (0)
2003	Дынама Менск	12 (1)
2004	Тарпэда Менск	19 (4)
2004—2006	Шамахы	52 (11)
2007	Дарыда	25 (4)
2008	Нафтан	27 (7)
2009	Мікашэвічы	16 (0)
2010—2012	Гарадзея	59 (25)
2013	Іслач	3 (0)
Зборныя
1995—1997	Беларусь (да 21)	11 (4)
1995—2000	Беларусь	28 (4)