Цімафей Калачоў
| Цімафей Калачоў | ||
| ||
| Пэрсанальная інфармацыя | ||
|---|---|---|
| Нарадзіўся | 1 траўня 1981[1][2][3] (43 гады) | |
| Рост | 173 см | |
| Вага | 69 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2000—2002 | Дняпро Магілёў | 73 (11) |
| 2003 | Шахцёр Салігорск | 30 (5) |
| 2004 | Шахтар Данецк | 2 (0) |
| 2004 | → Марыюпаль | 3 (0) |
| 2005 | Хімкі | 28 (3) |
| 2006—2007 | Растоў | 55 (4) |
| 2008—2009 | Крылы Саветаў | 32 (6) |
| 2010—2019 | Растоў | 207 (20) |
| Зборныя | ||
| 2001—2004 | Беларусь (да 21) | 24 (3) |
| 2004—2016 | Беларусь | 76 (10) |
Цімафе́й Калачо́ў (нарадзіўся 1 траўня 1981 году) — колішні беларускі футбаліст і трэнэр. Найлепшы футбаліст Беларусі 2013 і 2016 гадоў. За нацыянальную зборную Беларусі згуляў 76 гульняў і забіў 10 галоў. Уваходзіць у Клюб Сяргея Алейнікава для беларускіх футбалістаў, якія згулялі 500 і болей афіцыйных матчаў[4].
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу].jpg)
Пачынаў прафэсійную кар’еру ў складзе магілёўскага «Дняпра-Трансмашу». У 2003 годзе перайшоў у салігорскі «Шахцёр». У складзе гарнякоў правёў выдатны сэзон, у які быў прызнаны найлепшым гульцом чэмпіянату Беларусі. Пасьля пераехаў у чэмпіянат Украіны. Але, замацавацца ў данецкім «Шахтары» ня здолеў, Цімафей выступаў пераважна за другую каманду данчанаў.
У сэзоне 2005 году выступаў у Першай лізе Расеі за «Хімкі», а на наступны сэзон перабраўся ў клюб Прэм’ер-лігі «Растоў». Паводле вынікаў сэзону 2007 году «Растоў» страціў месца ў элітным дывізіёне, і Цімафей перайшоў у самарскія «Крылы Саветаў».
У 2010 годзе вярнуўся ў «Растоў» і стаў там адным з ключавых гульцоў. Выдатна правёў сэзон 2013—2014 гадоў, у якім забіў 6 галоў і дапамог камандзе заняць высокае сёмае месца ў чэмпіянаце, а таксама здабыў Кубак Расеі. У сэзоне 2015—2016 гадоў стаў срэбраным прызэрам чэмпіянату Расеі, а ў наступным сэзоне пасьпяхова гуляў за «Растоў» у Лізе чэмпіёнаў. Завяршыў кар’еру ў траўні 2019 году.
Міжнародная
[рэдагаваць | рэдагаваць крыніцу]Выступаў у складзе моладзевай зборнай Беларусі на моладзевым чэмпіянаце Эўропы ў Нямеччыне ў 2004 годзе.
З 2004 году трывала выступаў за нацыянальную зборную Беларусі. У сьнежні 2016 году, пасьля няўдалага пачатку адбору на чэмпіянат сьвету 2018, абвесьціў аб завяршэньні кар’еры ў зборнай[5].
Трэнэрская кар’ера
[рэдагаваць | рэдагаваць крыніцу]У студзені 2020 году вярнуўся ў «Растоў», дзе правацаў трэнэрам у дзіцяча-юнацкіх камандах клюбу[6].
У чэрвені 2021 году стала вядома, што Калачоў далучыцца да трэнэрскага штабу «Чайкі» зь Песчанакопскага[7]. Пакінуў клюб у чэрвені 2022 году. У сьнежні 2022 году вярнуўся ў трэнерскі штаб «Чайкі» ў якасьці памочніка Ігара Сямшова[8].
Дасягненьні
[рэдагаваць | рэдагаваць крыніцу]- Уладальнік Кубка Расеі: 2014
- Найлепшы футбаліст чэмпіянату Беларусі: 2003
- Найлепшы футбаліст Беларусі: 2013, 2016
Крыніцы
[рэдагаваць | рэдагаваць крыніцу]- ^ а б в Timofey Kalachev // Transfermarkt (мн.) — 2000.
- ^ а б в Timofei Kalachev // FBref (мн.)
- ^ а б в TIMOFEY KALACHEV // Argentine Soccer Database (гішп.)
- ^ Клуб Сергея Алейникова. Александр Первый (рас.)
- ^ Тимофей Калачев завершил карьеру в сборной Беларуси
- ^ Тимофей Калачев вернулся в "Ростов"
- ^ Тимофей Калачев войдет в тренерский штаб Ташуева в "Чайке"
- ^ Тимофей Калачев вошел в тренерский штаб "Чайки" (рас.). football.by (2022-12-28). Праверана 2022-12-30 г.
Вонкавыя спасылкі
[рэдагаваць | рэдагаваць крыніцу]- Профіль на сайце «Растова» (рас.)
- Нарадзіліся 1 траўня
- Нарадзіліся ў 1981 годзе
- Нарадзіліся ў Магілёве
- Футбалісты клюбу «Дняпро» Магілёў
- Футбалісты клюбу «Шахцёр» Салігорск
- Футбалісты клюбу «Шахтар» Данецк
- Футбалісты клюбу «Марыюпаль»
- Футбалісты клюбу «Хімкі»
- Футбалісты клюбу «Растоў» Растоў-на-Доне
- Футбалісты клюбу «Крылы Саветаў» Самара
- Футбалісты моладзевай зборнай Беларусі
- Футбалісты зборнай Беларусі
- Беларускія футбалісты