Міхалова (гміна)

	Гміна Міхалова
	Gmina Michałowo
	Герб
Агульныя зьвесткі
Краіна	Польшча
Ваяводзтва	Падляскае
Павет	Беластоцкі
Статус	вяскова-гарадзкая гміна
Сядзіба	Міхалова
Дата ўтварэньня	1868 (Міхалоўская воласьць), 1918 (гміна Міхалова)
Бурмістар Міхалова	Уладзімер Кананчук
Афіцыйныя мовы	польская
Мовы ва ўжытку	польская, беларуская
Насельніцтва (2013)	6058
Шчыльнасьць	14,80 чал./км²
Нацыянальны склад	палякі (к. 85%), беларусы (14,11%)
Плошча	409,19 км²
TERYT	2002073
Месцазнаходжаньне Гміны Міхалова
Мапа Гміны Міхалова
Мэдыя-зьвесткі
Часавы пас	+1
Летні час	+2
Тэлефонны код	85
Паштовыя індэксы	16-050
Код аўтам. нумароў	BIA
	Афіцыйны сайт
	Дадатковыя мультымэдыйныя матэрыялы

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Міхалова.

Гміна Міхалова (па-польску: Gmina Michałowo) — сельска-гарадзкая гміна ў Беластоцкім павеце Падляскага ваяводзтва Польшчы. Адміністрацыйны цэнтар — горад Міхалова.

З поўначы гміна Міхалова мяжуе з гмінай Гарадок, з захаду з гмінай Заблудаў Беластоцкага павету, на поўдні з гмінамі Нараўка і Нараў Гайнаўскага павету, а на ўсходзе — зь Сьвіслацкім і Бераставіцкіім раёнамі Гарадзенскай вобласьці (Беларусь).

Гісторыя

Міхалоўская воласьць была створаная ў мяжах Беластоцкага павету ў 1868 г. для адной мясцовасьці Міхалова, калі тут пачалі сяліцца нямецкія асаднікі. Праз 50 гадоў да канца Першай сусьветнай вайны войтамі ў Міхалове былі выключна немцы. Вялікая гміна Міхалова была створаная ў 1918 годзе польскімі ўладамі ў рамках Беластоцкага павету Беластоцкага ваяводзтва. Даваенная гміна Міхалова ўключала вёскі: Баршчэва, Глыбокі Кут, Геранімова, Юльянка, Каменны Брод, Казімерова, Кабылянка, Какатова, Крыніца, Курылы, Ляўшы, Майдан, Міхалова, Міхалова-Нязбудка, Масьціскі, Новая Воля, Азяблы, Пенькі, Рахэнталь, Саколя і Верх-Тапаляны. Мясцовасьці з навакольля Ялоўкі прыналежалі ў даваенны час да гміны Ялоўка, а вёскі з паўднёва-заходняй часткі сёньняшняй гміны да гміны Тарнаполь Ваўкавыскага павету. Вёскі з паўночна-ўсходняй часткі сёньняшняй гміны прыналежалі да гміны Галынка Гарадзенскага павету. З 1939 году ў складзе Беластоцкай вобласьці БССР, а ў 1941—1944 гадах у Беластоцкай акрузе Трэцяга райху. У 1945 годзе абшар фінальна апынуўся ў межах Польшчы, з 1944 г. па 1954 г. і паноўна з 1973 г. існуе як гміна Міхалова. У 1976 годзе ў склад гміны Міхалова была ўключаная гміна Шымкі (існавала ў кароткі пэрыяд 1973—1976 гг.)^[3]. З 2009 году, пасьля атрыманьня Міхаловам гарадзкіх праваў, гміна атрымала статус вяскова-гарадзкой.

Крыніцы

^ Główny Urząd Statystyczny. Bank Danych Lokalnych. (пол.) Праверана 14 чэрвеня 2015 г.
^ Mniejszości według województw, powiatów i gmin w 2002 roku. (пол.). Główny Urząd Statystyczny. Праверана 14 чэрвеня 2015 г.
^ Leszek Nos Monografia Gminy Michałowo (пол.). Towarzystwo Przyjaciół Ziemi Michałowskiej. — Białystok 1996. Праверана 15 чэрвеня 2015 г.

Вонкавыя спасылкі

Міхалова (гміна) — сховішча мультымэдыйных матэрыялаў

[gus-1] Główny Urząd Statystyczny. Bank Danych Lokalnych. (пол.) Праверана 14 чэрвеня 2015 г.

[gus1-2] Mniejszości według województw, powiatów i gmin w 2002 roku. (пол.). Główny Urząd Statystyczny. Праверана 14 чэрвеня 2015 г.

[gminamichałova-3] Leszek Nos Monografia Gminy Michałowo (пол.). Towarzystwo Przyjaciół Ziemi Michałowskiej. — Białystok 1996. Праверана 15 чэрвеня 2015 г.

[1]

[2]

[3]