Анхэль Ды Марыя

Анхэль ды Марыя
Пэрсанальная інфармацыя
Нарадзіўся	14 лютага 1988 (31 год) Расарыё, Аргентына
Рост	180 см
Вага	70 кг
Пазыцыя	паўабаронца
Клюбная інфармацыя
Клюб	Пары Сэн-Жэрмэн
Нумар	11
Клюбы
Гады	Клюб	Гульні (галы)¹
2005—2007 2007—2010 2010—2014 2014—2015 2015—	Расарыё Сэнтраль Бэнфіка Рэал Манчэстэр Юнайтэд Пары Сэн-Жэрмэн	35 (6) 76 (7) 124 (22) 27 (3) 87 (27)
Зборныя
2008—	Аргентына	93 (19)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 8 траўня 2018. ² Колькасьць гульняў і галоў за нацыянальную зборную ў афіцыйных матчах, адкарэктавана на 24 сакавіка 2018.

А́нхэль Фабія́н ды Мары́я Эрна́ндэс (па-гішпанску: Ángel Fabián di María Hernández; нарадзіўся 14 лютага 1988 году, Расарыё, Аргентына) — аргентынскі футбаліст, які выступае за клюб «Пары Сэн-Жэрмэн» на пазыцыі атакуючага паўабаронцы. Анхэль зьяўляецца гульцом нацыянальнай зборнай Аргентыны.

Кар’ера

Клюбная

Ды Марыя пачаў сваю прафэсійную футбольную кар’еру ў 2005 годзе, калі дэбютаваў за родны клюб «Расарыё Сэнтраль». У студзені 2007 году ён меў магчымасьць перайсьці ў клюб расейскай Прэм’ер-лігі, калі «Рубін» прапанаваў яму кантракт, аднак гулец адмовіўся ад такога разьвіцьця кар’еры.

У ліпені 2007 году Анхэль перайшоў у табар партугальскай «Бэнфікі», якая выклала за гульца 6 млн эўра, атрымаўшы 80% правоў на футбаліста. Пазьней, у жніўні 2008 году, партугальскі клюб выкупіў астатнюю частку правоў за 2 млн эўра. Ды Марыя падпісаў новы кантракт з «Бэнфікай» у кастрычніку 2009 году, падоўжыўшы яго яшчэ тры гады. 27 лютага 2010 году Ды Марыя забіў свой першы хет-трык у матчы супраць «Лэйшоіншу».

28 чэрвеня 2010 году мадрыдзкі «Рэал» разьмясьціў на сваім сайце інфармацыю, што яны прыйшлі да пагадненьня з «Бэнфікай» паводле трансфэру Ды Марыі. 7 ліпеня 2010 году Ды Марыя прыбыў у Мадрыд напрасткі з Буэнас-Айрэса, і прайшоў мэдычнае абсьледаваньне 8 ліпеня. Анхэль дэбютаваў 4 жніўня 2010 году ў таварыскім матчы супраць клюбу «Амэрыка», дзе «Рэал» перамог зь лікам 3:2. 22 жніўня ды Марыя забіў свой першы гол у іншай таварскай сустрэчы супраць клюбу «Эркулес», які «Рэал» перамог з рахункам 3:1.

26 жніўня 2014 году Ды Марыя падпісаў пяцігадовы кантракт з «Манчэстэр Юнайтэд», які выклаў за паўабаронца 59,7 млн фунтаў, што стаў пятым самым дарагім трансфэрам усіх часоў і самым дарагім брытанскім падпісаньнем. Ужо 30 жніўня Анхэль дэбютаваў за новы клюб у матчы супраць «Бэрнлі», які скончыўся зь лікам 0:0. Гулец атрымаў пашкоджаньне і быў заменены на 70-й хвіліне.

Міжнародная

Ды Марыя прымаў удзел на турніры Алімпійскіх гульняў у Пэкіне, дзе разам з камандаў дамогся залатых мэдалёў. Анхэль быў уключаны ў заяўку зборнай Аргентыны ў якасьці аднаго з 23 гульцоў на чэмпіянат сьвету па футболе 2010 году. 11 жніўня 2010 году ён забіў першы гол за нацыянальную зборную ў Дубліне ў таварыскім матчы супраць зборнай Ірляндыі. Гульня скончылася зь лікам 1:0.

Дасягненьні

Клюбныя

Бэнфіка:

• Чэмпіён Партугаліі: 2010
• Уладальнік Кубку партугальскай лігі (2): 2009, 2010

Рэал:

• Чэмпіён Гішпаніі: 2012
• Уладальнік Кубку Гішпаніі (2): 2011, 2014
• Уладальнік Супэркубку Гішпаніі: 2012
• Пераможца Лігі чэмпіёнаў: 2014

Міжнародныя

• Чэмпіён турінру Алімпійскіх гульняў: 2008

Вонкавыя спасылкі

Анхэль Ды Марыя — сховішча мультымэдыйных матэрыялаў

• Старонка на афіцыйным сайе ФК «Рэал»
• Профіль на сайце ESPN
• Профіль на сайце BDFutbol
• Статыстыка на сайце National Football Teams