Лужкі
Лужкі | |
Касьцёл Сьвятога Міхала Арханёла | |
Вобласьць: | Віцебская |
Раён: | Шаркоўшчынскі |
Сельсавет: | Лужкоўскі |
Насельніцтва: | 870 (2003) |
Часавы пас: | UTC+3 |
Геаграфічныя каардынаты: | 55°21′16″ пн. ш. 27°52′20″ у. д. / 55.35444° пн. ш. 27.87222° у. д.Каардынаты: 55°21′16″ пн. ш. 27°52′20″ у. д. / 55.35444° пн. ш. 27.87222° у. д. |
Лужкі на мапе Беларусі Лужкі | |
Галерэя здымкаў у Wikimedia Commons |
Лужкі́[1] — вёска ў Беларусі, на рацэ Мнюта. Цэнтар сельсавету Шаркоўшчынскага раёну Віцебскай вобласьці. Насельніцтва 870 чал. (2003). Знаходзяцца за 32 км на ўсход ад Шаркоўшчыны, за 29 км ад чыгуначнай станцыі Падсьвільле.
Лужкі — даўняе мястэчка гістарычнай Полаччыны.
Гісторыя
Першы пісьмовы ўспамін пра маёнтак Лужкі датуецца 1519. У розныя часы мясьціна знаходзілася ў валоданьні Сапегаў, Жабаў, Чапскіх, Плятэраў. Згодна з адміністрацыйна-тэрытарыяльнай рэформай (1565—1566) Лужкі ўвайшлі ў склад Полацкага ваяводзтва.
У 1741 Валяр’ян Жаба запрасіў сюды манахаў-піяраў. У 1744 у Лужках адкрыўся піярскі калегіюм, у 1756 збудавалі мураваны касьцёл. Пры калегіюме існавала бібліятэка. Паводле каралеўскага прывілея ад 14 студзеня 1745, Лужкі атрымалі статус мястэчка.
У выніку другога падзелу Рэчы Паспалітай (1793) Лужкі апынуліся ў складзе Расейскай імпэрыі, дзе зрабіліся цэнтрам воласьці Дзісенскага павету Менскай, з 1842 Віленскай губэрні. У 1794 тут збудавалі мураваную царкву. У 1862 расейскія ўлады адкрылі ў Лужках земскую народную вучэльню. Станам на 1886 год у мястэчку існавалі вадзяны млын, конная паштовая станцыя, малітоўны дом, народная вучэльня, піваварны завод, 14 крамаў. У 1901 тут адкрылася царкоўнапрыходзкая школа.
Згодна з Рыскай мірнай дамовай (1921) Лужкі апынуліся ў складзе міжваеннай Польскай Рэспублікі, дзе зрабіліся цэнтрам гміны Дзісенскага павету Віленскага ваяводзтва.
У 1939 Лужкі увайшлі ў БССР, дзе 12 кастрычніка 1940 зрабіліся цэнтрам сельсавету. Статус паселішча панізілі да вёскі.
Насельніцтва
- XIX стагодзьдзе: 1861 — 639 чал.; 1886 — 924 чал., 77 двароў.
- XX стагодзьдзе: 1905 — 1357 чал. у мястэчку Лужкі, 111 чал. у маёнтку Лужкі; 1921 — 1362 чал., 212 двароў; 1996 — 969 чал., 443 двары[2].
- XXI стагодзьдзе: 2003 — 870 чал., 381 двор[3].
Інфраструктура
У Лужках працуюць сярэдняя школа, дашкольная ўстанова, вэтэрынарны пункт, амбуляторыя, бібліятэка, дом культуры, пошта.
Эканоміка
Лясьніцтва, фэрмэрскія гаспадаркі.
Турыстычная інфармацыя
Выдатныя мясьціны
- Касьцёл Сьвятога Міхала Арханёла (1744—1756)
- Млын водны (XIX ст.)
- Могілкі: хрысьціянскія; польскіх жаўнераў, палеглых у 1920
- Сынагога (XIX ст.)
- Царква Нараджэньня Божай Маці (1794)
Галерэя
-
Касьцёл Сьвятога Міхала Арханёла
-
Царква Нараджэньня Божай Маці
-
Руіны сынагогі
-
Млын
Крыніцы
- ^ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7. (pdf)
- ^ Язэп Бунто. Лужкі // ЭГБ. — Мн.: 1997 Т. 4. С. 396.
- ^ Памяць: Гіст.-дакум. хроніка Шаркаўшчынскага р-на. — Мн.: БЕЛТА, 2004.
Літаратура
- Памяць: Гіст.-дакум. хроніка Шаркаўшчынскага р-на. — Мн.: БЕЛТА, 2004. — 509 с. ISBN 985-6302-63-3.
- Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1997. — Т. 4: Кадэты — Ляшчэня. — 432 с. — ISBN 985-11-0041-2
- Łużki // Słownik geograficzny Królestwa Polskiego i innych krajów słowiańskich. Tom V: Kutowa Wola — Malczyce. — Warszawa, 1884. S. 837.
Вонкавыя спасылкі
Лужкі — сховішча мультымэдыйных матэрыялаў
|