Ганна Ягелонка

	Ганна Ягелонка; лац. Hanna Jagiełonka
	Ганна Ягелонка. Марцін Кобэр, 1587 г.
Каралева польская
	1576 — 1586
Вялікая княгіня літоўская
	1576 — 1586
Асабістыя зьвесткі
Нарадзілася	18 кастрычніка 1523, Кракаў
Памерла	9 верасьня 1596, Варшава
Каралеўскі дом	Ягелоны
Дынастыя	Ягайлавічы (Гедзімінавічы)
Муж	Стэфан Баторы
Бацька	Жыгімонт Стары
Маці	Бона Сфорца
Подпіс

Ганна Ягелонка (18 кастрычніка 1523, Кракаў — 9 верасьня 1596, Варшава) — каралева польская і вялікая княгіня літоўская (1576—1596), жонка Стэфана Баторыя.

Біяграфія

Дачка караля польскага і вялікага князя літоўскага Жыгімонта Старога і Боны Сфорца. Бацькі ня здолелі выдаць Ганну замуж (відаць, праз спэцыфічнае стаўленьне каралевы-маці да сваіх дзяцей^[6]), як і наступны кароль і вялікі князь, ейны брат Жыгімонт Аўгуст (ён плянаваў выдаць Ганну за кагосьці з Габсбургаў, заходне-паморскіх князёў, швэдзкіх Вазаў).

У 1550—1560-я на шлюб з Ганнай прэтэндавалі дацкі прынц Магнус, курляндзкі герцаг Готард Кетлер, пфальцграф Рыхард Вітэльсбах.

Гаспадарства

Па сьмерці Жыгімонта Аўгуста (1572) зрабілася сымбалем ягелонскай манархіі і магла прэтэндаваць на сталец Рэчы Паспалітай. Рукі Ганны пачалі дамагацца францускі прынц Генрык Валезы і сын нямецкага імпэратара Эрнст, якія спадзяваліся такім чынам павялічыць свае шанцы заняць сталец Рэчы Паспалітай. Па абраньні каралём і вялікім князем Генрык Валезы, аднак, з Ганнай не ажаніўся і неўзабаве зьехаў у Францыю.

У час II бескаралеўя 13 сьнежня 1575 прыхільнікі Ягелонаў абвясьцілі Ганну каралевай, а 15 сьнежня 1575 ейным мужам вызначылі Стэфана Баторыя, які мусіў атрымаць сталец Рэчы Паспалітай (Ганна падтрымлівала яго абраньне^[6]). 1 траўня 1576 адбыўся шлюб і ўрачыстая каранацыя Ганны і Стэфана.

Па сьмерці Стэфана Баторыя (1586) паводле закону мела права ўзначаліць Рэч Паспалітую, але ня здолела атрымаць уладу, у выніку чаго пачалося новае бескаралеўе. Прапанавала абраць на сталец швэдзкага каралевіча Жыгімонта, сына сваёй сястры Кацярыны, што неўзабаве і ажыцьцявілася.

Дзейнасьць

Не набыла палітычнай вагі ў дзяржаве і займалася ўладкаваньнем сваіх маёнткаў, мэцэнацтвам. У час панаваньня Жыгімонта Вазы (1587—1632) таксама не адыгрывала палітычнай ролі.

У 1581 атрымала ад мужа вена памерам 30 тыс. злотых, запісаных на маёнтках у Вялікім Княстве Літоўскім, у тым ліку Кобрынскую эканомію і Пружаны. Надала Магдэбурскае права і гербы Пружанам (6 траўня 1589), Кобрыню і Гарадцу (10 сьнежня 1589).

Фундавала ў Вялікім Княстве некалькі касьцёлаў (у 1590 — у Паланзе і Горждах, у 1596 — у Акмянах)^[7].

Галерэя

Іканаграфія каралевы і вялікай княгіні Ганны
Л. Кранах, каля 1555 г.
М. Кобэр, каля 1590 г.
М. Кобэр, каля 1586 г.
Фрагмэнт карціны Я. Матэйкі, 1869 г.

Крыніцы

^ ^а ^б Deutsche Nationalbibliothek Record #119442078 // Gemeinsame Normdatei (ням.) — 2012—2016.
^ ^а ^б ^в ^г Каталёг Нямецкай нацыянальнай бібліятэкі (ням.)
^ ^а ^б Anna von Polen (Anna Jagiellonka) // FemBio database (ням.)
^ ^а ^б Anna (Anna) // Энцыкляпэдыя Бракгаўза (ням.)
^ ^а ^б Anna Jagiellonka // Польскі біяграфічны інтэрнэт-слоўнік (пол.)
^ ^а ^б Ірына Масьляніцына, Мікола Багадзяж. Восеньская кветка Ягелонаў // «ЖЖ», люты 2009.
^ Ганна Ягелонка // ВКЛ. Энцыкл. — Мн.: 2010 Т. 3. С. 154.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0

[_a782e839d38caacd-1] а ^б Deutsche Nationalbibliothek Record #119442078 // Gemeinsame Normdatei (ням.) — 2012—2016.

[_899585e3031b9255-2] а ^б ^в ^г Каталёг Нямецкай нацыянальнай бібліятэкі (ням.)

[_eb63889aa2f82098-3] а ^б Anna von Polen (Anna Jagiellonka) // FemBio database (ням.)

[_ecd48b79f2ba40fe-4] а ^б Anna (Anna) // Энцыкляпэдыя Бракгаўза (ням.)

[_b1482102607dae3d-5] а ^б Anna Jagiellonka // Польскі біяграфічны інтэрнэт-слоўнік (пол.)

[zz-6] а ^б Ірына Масьляніцына, Мікола Багадзяж. Восеньская кветка Ягелонаў // «ЖЖ», люты 2009.

[7] Ганна Ягелонка // ВКЛ. Энцыкл. — Мн.: 2010 Т. 3. С. 154.

[6]

[7]