Іванаўская вобласьць

Зьвесткі зь Вікіпэдыі — вольнай энцыкляпэдыі
Іванаўская вобласьць
Ивановская область

Сьцяг
Агульныя зьвесткі
Краіна Расея
Статус вобласьць
Уваходзіць у Цэнтральная фэдэральная акруга
Цэнтральны эканамічны раён
Адміністрацыйны цэнтар Іванава
Дата ўтварэньня 11 сакавіка 1936
Губэрнатар Міхаіл Мень
Насельніцтва (2010)
1 062 629[1] (48-е месца)
Шчыльнасьць 49,6 чал./км²
Плошча 21 437 км² (72-е месца)
Месцазнаходжаньне Іванаўскай вобласьці
Іванаўская вобласьць на мапе
Мэдыя-зьвесткі
Часавы пас GMT +4
Код ISO 3166-2 RU-IVA
Код аўтам. нумароў 37
Афіцыйны сайт
   Дадатковыя мультымэдыйныя матэрыялы

Іва́наўская во́бласьць (па-расейску: Ива́новская о́бласть) — вобласьць у эўрапейскай частцы Расеі. Адміністрацыйны цэнтар — места Іванава. Вобласьць уваходзіць у Цэнтральную фэдэральную акругу, мяжуе з Уладзімерскай, Ніжагародзкай, Кастрамской і Яраслаўскай абласьцямі. Колькасьць насельніцтва на 2010 год складала 982 тысячы чалавек. Утворана 11 сакавіка 1936 году.

Геаграфія[рэдагаваць | рэдагаваць крыніцу]

Вобласьць разьмешчана ў цэнтры эўрапейскай часткі Расеі. Большая частка ляжыць у міжрэччы Волгі й Клязьмы. Паверхня вобласьці — нізінная, слаба ўзгорыстая раўніна, прыпаднятая над узроўнем мора на 130—150 мэтраў. Невялікія ўзвышэньні сустракаюцца на паўднёвым захадзе, каля ўскраіны Маскоўскага ўзвышша, а на поўначы знаходзіцца ўчастак Галіцкага ўзвышша, тут на высокіх вучастках разьмешчаны гарады Фурманаў, Прыволск і Плес. Найвышэйшы пункт вобласьці — 196 мэтраў над узроўнем мора знаходзіцца ў Заволскім раёне.

Карысныя выкапні[рэдагаваць | рэдагаваць крыніцу]

Іванаўская вобласьць бедная на карысныя выкапні. Распаўсюджаныя выкапні маюць ападкавае паходжаньне.

Расьліннасьць[рэдагаваць | рэдагаваць крыніцу]

Вобласьць разьмешчана на стыку дзьвюх зонаў: эўрапейскай тайгі й зьмешаных лясоў. Усяго лясы займаюць 48% тэрыторыі вобласьці, а лугі каля 10%. Асабліва гэта датычыцца лясістых Заволскага, Юскага й Цейкаўскага раёнаў. У 1972 годзе флёра вобласьці ўключала амаль тысячу відаў дзікарослых і культурных расьлінаў[2].

Насельніцтва[рэдагаваць | рэдагаваць крыніцу]

Па стане на 2008 год колькасьць насельніцтва складала 1079,6 тысяч чалавек, зь якіх у гарадох пражывала 80% насельніцтва. Найбуйнейшую нацыянальную групу складаюць расейцы. Сярод нацыянальных меншасьцяў ёсьць украінцы, татары, армяне, азэрбайджанцы, беларусы, мардва, чувашы, малдаване й іншыя.

Эканоміка[рэдагаваць | рэдагаваць крыніцу]

Валавы рэгіянальны прадукт на 2006 год склаў 52,5 млрд расейскіх рублёў. Гэты паказчык на душу насельніцтва традыцыйна зьяўляецца самымі нізкім у Цэнтральнай фэдэральнай акрузе й па выніках 2009 году быў амаль у тры разы ніжэйшы за сярэдні па Расеі.

Структуру эканомікі адрозьнівае высокая доля сэктара дзяржаўных паслугаў (17,6% ВРП у 2006 годзе). У прамысловасьці фармуецца каля 34,1% ВРП, зь іх 20,1% былі здабыты ў апрацоўчых вытворчасьцях, перш за ўсё лёгкай прамысловасьці, энэргетыцы й машынабудаваньні, 3,9% — у будаўнічым комплексе. У аграпрамысловым комплексе ствараецца 8,0% СУП.

Крыніцы[рэдагаваць | рэдагаваць крыніцу]

  1. ^ Предварительные итоги Всероссийской переписи населения 2010 года
  2. ^ Алявдина К. П., канд. биол. наук, Виноградова В. П. «Определитель растений» / Под научн. ред. канд. биол. наук О. Н. Шалыгановой — Ярославль: Верхне-Волжское книжн. изд-во, 1972. — С. 2. — 400 с. — 15 000 экз.

Вонкавыя спасылкі[рэдагаваць | рэдагаваць крыніцу]

Іванаўская вобласьцьсховішча мультымэдыйных матэрыялаў