11 сакавіка

11 сакавіка́ — 71-ы дзень году (70-ы ў невысакосным годзе) паводле Грыгарыянскага календару. Да канца году застаецца 296 дзён.

Падзеі

• 1302 — паводле Шэксьпіра, у гэты дзень былі заручаныя Рамэо й Джульета
• 1566 — зацьверджаны другі Статут Вялікага Княства Літоўскага — звод законаў фэадальнага права, помнік беларускага пісьменства і юрыдычнай думкі
• 1609 — пачалася Вайна Рэчы Паспалітай з Маскоўскай дзяржавай 1609—1618 гадоў
• 1851 — прэм'ера італьянскай опэры «Рыгалета»
• 1863 — Варшаўскі ўрад адхіліў ад улады Часовы ўрад Літвы й Беларусі, перадаўшы ўладу віленскаму камітэту «белых», які стаў называцца «Аддзелам кіраўніцтва правінцыямі Літвы»
• 1917:
  • ангельскія войскі занялі Багдад
  • расейскія войскі пачалі пераход на бок рэвалюцыі
  • падчас сутыкненьняў у Петраградзе забіта да 150 чалавек
• 1918:
  • скончылася Бітва за Бабруйск паміж польскім войскам і Чырвонай арміяй
  • ангельцы высадзіліся ў Мурманску
• 1928 — на выбарах у Сэнат Блёк нацыянальных меншасьцяў правеў 2 сваіх кандыдатаў
• 1936 — у Парагваі да ўлады прыйшлі фашысты
• 1938 — у Аўстрыі зрушаны канцлер і закліканыя нямецкія войскі
• 1971 — выканкам гарадзкога Савету дэпутатаў сваёй пастановай зацьвердзіў новы савецкі герб Воршы
• 1981 — ноавая канстытуцыя ў Чылі, Аўгуста Піначэт сышоў з пасады кіраўніка краіны
• 1985 — генэральным сакратаром ЦК КПСС прызначаны Міхаіл Гарбачоў
• 1990 — Летува абвясьціла незалежнасьць ад СССР
• 1998 — у Індыі быў выяўлены самы вялікі ў сьвеце кактус — 18,5 мэтру
• 2011:
  • зацьверджаны герб і сьцяг Пінскага раёну
  • Землятрус у Японіі, які прывёў да аварыі на АЭС Фукусіма

Нараджэньні

• 1544 — Тарквата Таса, адзін з найбуйнейшых італьянскіх паэтаў XVI стагодзьдзя
• 1811 — Урбэн Жан Жазэф Левэр’е, францускі матэматык, які займаўся нябеснаю мэханікай
• 1827 — Каятан Крашэўскі, польскі пісьменьнік
• 1877 — Марыс Альбвакс, францускі філёзаф і сацыёляг, стваральнік канцэпцыі калектыўнай памяці
• 1886 — Эдвард Рыдз-Сьміглы, польскі вайсковы і дзяржаўны дзяяч, маршал Польшчы
• 1887 — Алесь Гарун, беларускі літаратар
• 1890 — Ванэвар Буш, амэрыканскі інжынэр, стваральнік атамнай бомбы
• 1899 — Фрэдэрык IX, кароль Даніі (1947—1972)
• 1903 — Тодар Кляшторны, беларускі паэт
• 1911:
  • Леў Гарошка, беларускі рэлігійны дзяяч
  •  Аркадзь Мігдал, савецкі акадэмік
• 1913 — Джон Вайнцьвейг, канадзкі кампазытар
• 1920 — Нікалас Бломбэрген, галяндзкі фізык, Нобэлеўскі ляўрэат
• 1926 — Томас Старзл, амэрыканскі хірург-трансплянтоляг, навуковец, заснавальнік сучаснай трансплянтацыі
• 1944 — Мікалай Баркоўскі, музыка, габаіст, Заслужаны артыст Беларусі
• 1952 — Дуглас Адамз, брытанскі пісьменьнік-фантаст
• 1958 — Андрэй Яўдачэнка, беларускі дыплямат
• 1966 — Зьміцер Яцкевіч, беларускі гісторык, археограф, архівіст.
• 1978 — Дыд’е Драгба, футбаліст, нападнік зборнай Кот д’Івуару
• 1988 — Фабію Куэнтран, футбаліст нацыянальнай зборнай Партугаліі
• 1989 — Антон Яльчын, амэрыканскі актор
• 1991 — Алясандра Флярэнці. футбаліст нацыянальнай зборнай Італіі

Сьмерці

• 1831 — Восіп Казлоўскі, беларускі, польскі і расейскі кампазытар, арганіст.
• 1839 — Шыман Канарскі, удзельнік паўстаньня 1830—1831 гадоў, дзяяч вызвольнага руху
• 1872 — Плакід Янкоўскі, сьвятар, празаік, публіцыст, перакладчык і паэт. Пісаў на польскай і расейскай мовах
• 1906 — Іван Пуліхаў, рэвалюцыянэр, тэрарыст, сябра партыі сацыялістаў-рэвалюцыянэраў
• 1941 — Аляксандар Уласаў, грамадзкі дзяяч, рэдактар першай беларускай газэты «Наша Ніва»
• 1951 — Зыгмунт Закрэўскі, польскі нумізмат
• 1955 — Аляксандар Флемінг, біёляг
• 1970 — Эрл Стэнлі Гарднэр, амэрыканскі празаік, клясык дэтэктыўнага жанру
• 1986 — Сані Тэры, амэрыканскі сьляпы блюзавы сьпявак і выканаўца на губным гармоніку
• 2006 — Слабадан Мілошавіч, прэзыдэнт Югаславіі і Сэрбіі

Сьвяты

• Летува — Дзень аднаўленьня незалежнасьці

Вонкавыя спасылкі

11 сакавіка — сховішча мультымэдыйных матэрыялаў