Курганская вобласьць

Курганская вобласьць
Курганская область
Герб	Сьцяг
Агульныя зьвесткі
Краіна	Расея
Статус	вобласьць
Уваходзіць у	Уральская фэдэральная акруга Уральскі эканамічны раён
Адміністрацыйны цэнтар	Курган
Дата ўтварэньня	6 лютага 1943
Губэрнатар	Аляксей Какорын
Насельніцтва (2010)	911 000 (53-е месца)
Шчыльнасьць	12,7 чал./км²
Плошча	71 488 км² (46-е месца)
Месцазнаходжаньне Курганскай вобласьці
Мэдыя-зьвесткі
Часавы пас	GMT +6
Код ISO 3166-2	RU-KGN
Код аўтам. нумароў	45
Афіцыйны сайт
Дадатковыя мультымэдыйныя матэрыялы

Курга́нская во́бласьць (па-расейску: Курганская область) — вобласьць у цэнтральнай частцы Расеі. Адміністрацыйны цэнтар — места Курган. Вобласьць уваходзіць ва Ўральскую фэдэральную акругу, мяжуе зь Сьвярдлоўскай, Цюменскай, Чалябінскай абласьцямі й з Казахстанам. Вобласьць утворана 6 лютага 1943 году, калі была вылучана ў асобную адміністратыўна-тэрытарыяльную адзінку зь некалькіх абласьцей.

Геаграфія

Курганская вобласьць месьціцца на Паўднёвым Урале, у басейне рэк Табол і Ісеці.

Рэльеф

Рэльеф вобласьці ў асноўным раўнінны, са невялікім нахілам на паўночны ўсход (абсалютныя вышыні складае ад 120 да 200 м).

Клімат

Клімат рэзка-кантынэнтальны, характэрныя суровыя зімы й вельмі сьпякотнае лета.

Гісторыя

У савецкі пэрыяд тэрыторыя сучаснай Курганскай вобласьці зьяўлялася складовай часткай Уральскай, а затым Чалябінскай і Омскай абласьцей.

Ордэн Леніна (1959).

Насельніцтва

Паводле зьвестак перапісу насельніцтва 2002 году колькасьць насельніцтва складала 911 тысяч чалавек. Найбуйнейшую нацыянальную групу складаюць расейцы (91,5%), потым татары (2,0%), башкіры (1,5%), казахі (1,5%), украінцы (1,1%).

Эканоміка

Прамысловасьць

На базе эвакуяваных у гады Вялікай Айчыннай вайны 16 прадпрыемстваў з заходніх абласьцёў краіны стала фармавацца мясцовая прамысловасьць. У гэтыя часы ў рэгіёне зьявіліся завод дрэваапрацоўчых станкоў, дарожных машынаў, «Курганскі завод колавых цягачоў імя Карбышава» (цяпер канцэрн «Русіч») і іншыя прадпрыемствы.

Сельская гаспадарка

Галоўным прыродным багацьцем вобласьці зьяўляецца ўрадлівая зямля. Сельскагаспадарчыя ўгодзьдзі займаюць больш за 39% плошчы вобласьці. Лясы займаюць прыкладна пятую частку тэрыторыі вобласьці, то бок 1,7 млн га.

Вонкавыя спасылкі

• Урад Курганскай вобласьці
• Інфармацыйны партал вобласьці
• Курганская абласная Дума
• Курганская вобласьць у даведніку-каталёгу Ўся Расея