Перайсьці да зьместу

Хамэс Радрыгес

Зьвесткі зь Вікіпэдыі — вольнай энцыкляпэдыі
Хамэс Радрыгес
Пэрсанальная інфармацыя
Нарадзіўся 12 ліпеня 1991(1991-07-12)[1][2][3][…] (34 гады)
Рост 180 см
Вага 77 кг
Пазыцыя флянгавы паўабаронца, нападнік
Клюбная інфармацыя
Клюб Мінэсота Юнайтэд[d]
Нумар 10
Клюбы
Гады Клюб Гульні (галы)¹
2006—2008 Энвігада[d] 30 (9)
2008—2010 Банфільд[d] 42 (5)
2010—2013 Порту 63 (25)
2013—2014 Манака 34 (9)
2014—2020 Рэал Мадрыд 85 (29)
2017—2019 → Баварыя 43 (14)
2020—2021 Эвэртан 23 (6)
2021—2022 Аль-Раян[d] 13 (4)
2022—2023 Алімпіякос Пірэй 20 (5)
2023—2024 Сан-Паўлу 18 (2)
2024—2025 Раё Вальекана 6 (0)
2025 Леон[d] 31 (5)
2026—4 Мінэсота Юнайтэд[d] 6 (0)
Зборныя
2007 Калюмбія (да 17)[d] 11 (3)
2011—4 Калюмбія 122 (31)
2011 Калюмбія (да 20)[d] 5 (3)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
14 траўня 2026.
² Колькасьць гульняў і галоў за нацыянальную зборную
ў афіцыйных матчах, адкарэктавана на
18 лістапада 2025.

Ха́мэс Даві́д Радры́гес Ру́біё (па-гішпанску: James David Rodríguez Rubio; нар. 12 ліпеня 1991 году, Кукута, Калюмбія) — калюмбійскі футбаліст, нападнік клюбу «Мінэсота Юнайтэд» з МЛС і нацыянальнай зборнай Калюмбіі. Уважаўся за аднаго з найлепшых маладых гульцоў у сьвеце[6][7]. Ягоныя навычкі плэймэйкера прымусілі многіх лічыць яго пераемнікам былой калюмбійскай зоркі Карляса Вальдэрамы. Атакуючы характар ​​і стыль гульні Хамэса параўноўваецца са стылем і характарам гульні Крыштыяну Раналду[8].

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

У дарослым футболе дэбютаваў у 2006 годзе выступамі за клюб «Энвігада», у якім правёў два сэзоны. У 2008 годзе перайшоў у склад аргентынскага клюбу «Банфільд». Дэбютаваў за новы клюб 7 лютага 2009 году. 27 лютага гулец забіў свой першы гол далёкім стрэлам у браму, дзякуючы чаму ягоны клюб атрымаў перамогу зь лікам 3:1 над клюбам «Расарыё Сэнтраль». У 2009 годзе ён стаў сталым гульцом асноўнага складу, беручы ўдзел у коны матчы Апэртуры 2009 году. Ягоны другі гол за «Банфільд» прыйшоўся на 26 верасьня, калі ён прымусіў да смутку брамніка каманды «Ньюэлз Олд Бойз». Ягоны гол дапамог клюбу атрымаць перамогу й стаць пераможцамі аргентынскага чэмпіянату ўпершыню ў гісторыі клюбу.

Да складу клюбу «Порту» далучыўся 6 ліпеня 2010 году за 5,1 млн эўра, падпісаўшы кантракт на чатыры гады. 24 траўня 2013 году францускі клюб «Манака» набыў гульца за 45 млн эўра й ягонага аднаклюбніка Жуана Маўтыньню за 25 млн эўра. Радрыгес падпісаў кантракт з французамі да 2018 году. Гулец дэбютаваў у складзе манэгаскаў у матчы супраць «Бардо», дзе «Манака» трываў перамогу зь лікам 2:0. Наступны матч Лігі 1 Радрыгес прапусьціў з прычыны атрыманьня магчымага пашкоджаньня[9]. Свой першы гол за францускі клюб Радрыгес забіў у матчы супраць «Бастыі», гульня скончылася зь лікам 3:0, пры гэтым паўабаронца прыняў удзел у стварэньні 2 іншых галоў. У матчы супраць «Сэнт-Эт’ену» калюмбійскі футбаліст ня толькі аддаў дзьве галявыя перадачы, але і быў абраны ў якасьці гульца матчу, а ягоны клюб перамог 2:1. У наступных гульянх Хамэс працягнуў сваю добрую гульню, стала забіваючы мячы ў брамы супернікаў.

Францускія СМІ пачалі называць Радрыгеса магчыма найлепшым футбалістам Лігі 1 у сувязі зь ягоным уражлівым дэбютам за «Манака»[10]. Хамэс скончыў свой ​​дэбютны сэзон без трафеяў, але здолеў дапамагчы «Манака» забясьпечыць месца ў Лізе чэмпіёнаў на наступны год і зарабіць месца ў сымбалічнай зборнай Лігі 1[11].

22 ліпеня 2014 году было абвешчана пра пераход Хамэса ў табар мадрыдзкага «Рэалу». Гулец падпісаў 6-гадовы кантракт з клюбам, які выклаў за гульца 80 млн эўра. Такім чынам гэты пераход стаў самым дарагім трансфэрам з удзел калюмбійцаў, пераўзышоўшы трансфэр Фалькао ў «Манака» за 60 млн эўра ў 2013 годзе. Прэзэнтацыю гульца ў якасьці футбаліста «Рэалу» наведалі 45 тысяч гледачоў. За 48 гадзінаў пасьля падпісаньня Хамэса было прададзена 345 тысяч кашуляў зь ягоным прозьвішчам, што стала сусьветным рэкордам[12].

Міжнародная

[рэдагаваць | рэдагаваць код]

11 кастрычніка 2011 году дэбютаваў у афіцыйных матчах у складзе нацыянальнай зборнай Калюмбіі ў гульні супраць зборнай Балівіі. Разам са зборнай Калюмбіі ўзяў удзел на чэмпіянаце сьвету 2014 году, дзе забіў 6 мячоў, стаўшы найлепшым бамбардзірам ня толькі нацыянальнай зборнай, але і спаборніцтва.

Дасягненьні

[рэдагаваць | рэдагаваць код]

«Банфільд»:

«Порту»:

«Рэал»:

«Баварыя»:

«Сан-Паўлу»:

Крыніцы

[рэдагаваць | рэдагаваць код]
  1. ↑ James Rodríguez // Transfermarkt (мн.) — 2000.
  2. ↑ James Rodríguez // FBref (анг.)
  3. ↑ JAMES DAVID RODRIGUEZ // Argentine Soccer Database (гішп.)
  4. ↑ https://brasil.elpais.com/brasil/2014/06/29/deportes/1404062324_208142.html
  5. ↑ https://brasil.elpais.com/brasil/2014/06/29/deportes/1404015917_349513.html
  6. ↑ 10 Young Stars in World Football Who Could Be the Next Great Player. Bleacher Report.
  7. ↑ James Rodriguez for Luis Nani transfer proposed by Manchester United. Metro.co.uk.
  8. ↑ Manchester United eye New Ronaldo. Fansfc.
  9. ↑ Joao Moutinho toujours absent, James Rodriguez de retour. Planete-ASM.fr.
  10. ↑ James Rodriguez: L'AS Monaco joue le titre. NiceMatin.com.
  11. ↑ Ibrahimovic mejor jugador de Francia; James Rodríguez tercero. Mundodeportivo.com.
  12. ↑ Real Madrid sell 345,000 James Rodriguez replica shirts in 48 hours. The Telegraph

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Хамэс_Радрыгес&oldid=2673230»