Ішкальдзь
Ішкальдзь | |
Касьцёл Найсьвяцейшай Тройцы | |
Вобласьць: | Берасьцейская |
Раён: | Баранавіцкі |
Сельсавет: | Петкавіцкі |
Тэлефонны код: | +375 163 |
Паштовы індэкс: | 225365 |
Геаграфічныя каардынаты: | 53°20′06″ пн. ш. 26°21′52″ у. д. / 53.335° пн. ш. 26.36444° у. д.Каардынаты: 53°20′06″ пн. ш. 26°21′52″ у. д. / 53.335° пн. ш. 26.36444° у. д. |
Ішкальдзь на мапе Беларусі Ішкальдзь | |
Галерэя здымкаў у Wikimedia Commons |
Ішкальдзь — вёска ў Беларусі, каля ракі Вуша. Уваходзіць у склад Петкавіцкага сельсавету Баранавіцкага раёну Берасьцейскай вобласьці. Насельніцтва 323 чал. (1998). Знаходзіцца за 40 км ад Баранавічаў, за 15 км ад чыгуначнай станцыі Хвоева; каля шашы Берасьце — Менск.
Ішкальдзь — даўняе мястэчка гістарычнай Наваградчыны. Да нашага часу тут захаваўся адзін з найбольш старажытных касьцёлаў на Літве.
Гісторыя
Упершыню Ішкальдзь згадваецца ў 1-й пал. XV ст. як маёнтак у Наваградзкім павеце, уладаньне Неміровічаў. У 1449 смаленскі намесьнік М. Неміровіч заснаваў тут касьцёл. У 1472 зь ягонай фундацыі збудавалі мураваны касьцёл Найсьвяцейшай Тройцы. М. Неміровіч запісаў маёнтак сваёй жонцы Альжбеце, па сьмерці якой гэты двор мусіў перайсьці пад юрысдыкцыю Віленскага біскупства.
У 1502 і 1506 Ішкальдзь пацярпела ад набегаў крымскіх татараў. Станам на 1579 паселішча мела статус мястэчка і знаходзілася ў валоданьні Кацярыны Тэньчынскай, тут было 82 сядзібы, 2 карчмы. На 1598 — рынак, 2 вуліцы, 69 двароў, уласнасьць К. Радзівіла Перуна. Пазьней мясьціна знаходзілася ў валоданьні Ільлінічаў, Радзівілаў, Вітгенштэйнаў. Станам на 1755 — 89 двароў, на 1787 — 100 двароў.
У выніку другога падзелу Рэчы Паспалітай (1795) Ішкальдзь апынулася ў складзе Расейскай імпэрыі, у Гарадзейскай воласьці Наваградзкага павету. Па здушэньні нацыянальна-вызвольнага паўстаньня (1863—1864) у 1868 расейскія ўлады гвалтоўна перарабілі касьцёл на царкву Маскоўскага патрыярхату. Праваслаўны прыход налічваў каля 2 тысячаў прыхаджанаў, сярод якіх пісьменныя складалі толькі 4% (1879). У 1-й палове 1880-х у мястэчку было 108 двароў. Паводле вынікаў перапісу (1897) — 120 двароў, дзейнічала царква, працавалі магазын, крама і карчма, рэгулярна праводзіўся 1 кірмаш. У пач. XX ст. — 143 двары. Сумежна зь мястэчкам знаходзіўся засьценак Новая Ішкальдзь (4 двары).
Згодна з Рыскай мірнай дамовай (1921) Ішкальдзь апынулася ў складзе міжваеннай Польскай Рэспублікі, у Паланэчкаўскай гміне Баранавіцкага павету. У гэты час тут было 136 дамоў; каля мястэчка існавала вёска Ішкальдзь (13 дамоў). Станам на 1923 — 136 двароў.
У 1939 Ішкальдзь увайшла ў склад БССР, дзе 12 кастрычніка 1940 зрабілася цэнтрам сельсавету (існаваў да 16 ліпеня 1954). Статус паселішча панізілі да вёскі. Станам на 1994 тут было 154 двары, на 1 студзеня 1998 — 138 двароў.
-
Касьцёл, галоўны фасад
-
Касьцёл, з боку апсіды
-
Касьцёл, інтэр'ер
-
Касьцёл, старажытныя дзьверы
Насельніцтва
- XIX стагодзьдзе: 1830 — 276 муж., зь іх шляхты 4, духоўнага стану 1, мяшчанаў-хрысьціянаў і сялянаў 272[1]; 1884 — 740 чал.; 1897 — 628 чал.
- XX стагодзьдзе: 1901 — 600 чал. у мястэчку Ішкальдзь і 10 чал. у засьценку Новая Ішкальдзь; 1921 — 691 чал. у мястэчку Ішкальдзь і 62 чал. у вёсцы Ішкальдзь; 1994 — 350 чал.[2]; 1 студзеня 1998 — 323 чал.[3]
Інфраструктура
У Ішкальдзі працуюць сярэдняя школа, бібліятэка, сельскі клюб.
Турыстычная інфармацыя
Выдатныя мясьціны
- Касьцёл Найсьв. Тройцы (1472)
- Капліца Маці Божай (каля касьцёла)
- Магіла кс. Вінцэнта Латарэвіча, забітага 19 сакавіка 1919 у Мірскім замку бальшавікамі
Страчаная спадчына
- Сядзіба (XVI ст.)
Галерэя
-
Касьцёл
-
Касьцёл, бакавы фасад
-
Касьцёл, брама
-
Каплічка
Крыніцы
- ^ Соркіна І. Мястэчкі Беларусі... — Вільня, 2010. С. 413.
- ^ Валеры Шаблюк. Ішкалдзь // ЭГБ. — Мн.: 1997 Т. 4. С. 511.
- ^ Памяць: Гіст.-дакум. хроніка г. Баранавічы і Баранавіцкага р-на. — Мн.: БЕЛТА, 2000.
Літаратура
- Памяць: Гіст.-дакум. хроніка г. Баранавічы і Баранавіцкага р-на. — Мн.: БЕЛТА, 2000. — 736 с.: іл. ISBN 985-6302-28-5.
- Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1997. — Т. 4: Кадэты — Ляшчэня. — 432 с. — ISBN 985-11-0041-2
- Соркіна І. Мястэчкі Беларусі ў канцы ХVІІІ — першай палове ХІХ ст. — Вільня: ЕГУ, 2010. — 488 с. ISBN 978-9955-773-33-7.
- Iszkołdź // Słownik geograficzny Królestwa Polskiego i innych krajów słowiańskich. Tom III: Haag — Kępy. — Warszawa, 1882. S. 308.
Вонкавыя спасылкі
Ішкальдзь — сховішча мультымэдыйных матэрыялаў
|