31 студзеня

31 сту́дзеня — 31-ы дзень году паводле Грыгарыянскага календару. Да канца году застаецца 334 дні (335 у высакосным годзе).

Падзеі

• 1865 — Дзьмітры Мендзялееў абараніў доктарскую дысэртацыю «Аб спалучэньні сьпірту з вадой». Гадавіну гэтага здарэньня расейцы шануюць як неафіцыйны «Дзень нараджэньня расейскай гарэлкі».
• 1992 — Беларусь прынятая ў склад АБСЭ

Нараджэньні

• 1797 — Франц Шубэрт, аўстрыйскі кампазытар
• 1833 — Станіслаў Сільвястровіч, удзельнік паўстаньня 1863—1864 гадоў
• 1881 — Ганна Паўлава, расейская балерына
• 1892 — Алесь Гурло, беларускі паэт
• 1896 — Соф’я Яноўская, стваральніца савецкай школы філязофіі матэматыкі
• 1929 — Анатоль Грыцкевіч, беларускі гісторык
• 1935 — Кэндзабура Оэ, японскі пісьменьнік, ляўрэат Нобэлеўскай прэміі
• 1956 — Вера Глаголева, савецкая і расейская акторка тэатру і кіно
• 1971 — Андрэй Парубій, украінскі палітык, старшыня моладзевай арганізацыі «Спадчына», дэпутат Львоўскай абласной рады
• 1975 — Альгерд Бахарэвіч, беларускі пісьменьнік і перакладчык

Сьмерці

• 1930 — Бэнэдыкт Дыбоўскі, заоляг, прыродазнавец і лекар
• 1941 — Машэ Салавейчык, рабін, адзін зь першых выкладчыкаў артадаксальнага юдаізму ў ЗША
• 1954 — Вівіен Джон Ўудўард, ангельскі футбольны нападнік, двухразовы алімпійскі чэмпіён
• 1956 — Алан Аляксандар Мілн, брытанскі пісьменьнік
• 2013 — Мікалай Амельяновіч, беларускі дзяржаўны дзяяч, 1-ы старшыня праўленьня Нацыянальнага банку Рэспублікі Беларусь

Сьвяты

• У Беларусі традыцыйна ўшаноўваецца Апанас. Гэты дзень лічыўся паловаю зімы, бо мусіла заставацца палова назапашанага для каровы корму. Апанаса называлі абаронцам жывёлы ад маразоў. Людзям у гэты дзень раілі: «Хавай нос у Апанасаўскі мароз!».

31 студзеня — сховішча мультымэдыйных матэрыялаў