Менска-Магілёўская архідыяцэзія

Менска-Магілёўская архідыяцэзія
Дэканатаў	6
Парафіяў	110
Сьвяты апякун
Ардынарый	Юзаф Станеўскі
Дапаможны біскуп	Юры Касабуцкі

Ме́нска-Магілё́ўская архідыяцэ́зія (лац. Archidioecesis Minscensis Latinorum-Mohiloviensis Latinorum) — каталіцкая архідыяцэзія ў Беларусі, утвораная 13 красавіка 1991 году аб’яднаньнем Менскай і Магілёўскай архідыяцэзіяў.

Парафіі Менска-Магілёўскае архідыяцэзіі месьцяцца ў Менскай і Магілёўскай вобласьцяў (першапачаткова — таксама і Віцебскай, на тэрыторыі якой у 1999 была ўтвораная асобная Віцебская дыяцэзія). Аб’ядноўвае Менскі, Будслаўскі, Вілейскі, Магілёўскі, Нясьвіскі і Рубяжэвіцкі дэканаты.

Мінуўшчына

Архікатэдральны касьцёл Імя Найсьвяцейшай Панны Марыі - катэдра Менска-Магілёўскага архібіскупа

Першым арцыбіскупам Менска-Магілёўскім быў прызначаны Казімер Сьвёнтак. З 1999 да 2003 дапаможным біскупам архідыяцэзіі быў Кірыл Клімовіч, у сьнежні 2004 на гэтую пасаду быў пастаўлены Антоні Дзям’янка. 14 чэрвеня 2006 Папа Бэнэдыкт XVI прыняў прашэньне кардынала Сьвёнтка аб вызваленьні ад кіраўніцтва архідыяцэзіяй і прызначыў Антонія Дзям’янку апостальскім адміністратарам. 21 верасьня 2007 году папа Бэнэдыкт XVI прызначыў арцыбіскупам Менска-Магілёўскім Тадэвуша Кандрусевіча. З дня ягонага кананічнага ўступленьня на пасаду (10 лістапада таго ж году) Антоні Дзям’янка зьяўляецца Генэральным вікарыем архідыяцэзіі.

У жніўні 2013 году адчынілі Менскі тэалягічны каледж для падрыхтоўкі мясцовых сьвятароў.

Біскупы

• Казімер Сьвёнтак (1991 — 14 чэрвеня 2006)
• Тадэвуш Кандрусевіч (21 верасьня 2007 — 2021)
• Юзаф Станеўскі (з 14 верасьня 2021 году)

Вонкавыя спасылкі

• Старонка дыяцэзіі на сайце catholic.by
• Інфармацыя на сайце «Catholic Hierarchy»