16 студзеня

16 сту́дзеня — 16-ы дзень году паводле Грыгарыянскага календару. Да канца году застаецца 349 дзён (350 у высакосным годзе).

Падзеі

• 1593 — кароль і вялікі князь Жыгімонт Ваза склікаў паспалітае рушэньне з мэтаю здушэньня казацкага паўстаньня
• 1916 — фэльдмаршал Гіндэнбург выдаў загад пра наданьне беларускай мове раўназначных правоў зь іншымі краёвымі мовамі на тэрыторыях, акупаваных войскамі Кайзэраўскае Нямеччыны
• 1919 — маскоўскія бальшавікі адабралі са складу Беларускае ССР Віцебскую, Магілёўскую і Смаленскую губэрні
• 1920 — у ЗША пачаў дзейнічаць «Сухі закон»
• 1966 — у Таронта ўтварыўся Каардынацыйны камітэт беларусаў Канады
• 1969 — чэскі студэнт Ян Палах спаліў сябе на Вацлаўскай плошчы ў Празе, пратэстуючы супраць савецкага ўварваньня ў Чэхаславаччыну
• 1990 — заснаваны Інстытут сацыялёгіі Акадэміі навук БССР
• 1991 — у Іраку распачатая апэрацыя «Бура ў пустэльні»
• 1992 — на сустрэчы кіраўнікоў СНД у Маскве было заяўлена, што Беларусь не далучыцца да сямі краінаў, якія жадаюць стварыць агульную абарончую прастору
• 2000 — у Горадні адбылася агульнабеларуская сустрэча вэтэранаў нацыянальна-вызвольнага руху, вязьняў сталінскіх канцлягераў

Нараджэньні

• 1708 — Юзаф Станіслаў Сапега, рымска-каталіцкі дзяяч, біскуп
• 1791 — Генрык Дэмбінскі, адзін з кіраўнікоў антырасейскага паўстаньня 1831 году
• 1826 — Рамуальд Траўгут, адзін з кіраўнікоў паўстаньня 1863 году
• 1895 — Пётар Ніжнік, праваслаўны дзяяч у ЗША
• 1901 — Фульхэнсіё Батыста, кубінскі прэзыдэнт і дыктатар
• 1902 — Мечыслаў Хвойнік, польскі й ізраільскі шахматыст
• 1919 — Уладзімер Алоўнікаў, беларускі кампазытар і народны артыст Беларусі
• 1996 — Кім Джэні, паўднёвакарэйская сьпявачка, удзельніца гурта Blackpink

Сьмерці

• 1893 — Іван Берман, этнограф і краязнавец
• 1906 — Ян Маркоўскі, люблінскі працоўны, пакараны сьмерцю без судовага працэсу

Сьвяты

16 студзеня — сховішча мультымэдыйных матэрыялаў