Томас Вэрмален

**Томас Вэрмален**
	Томас Вэрмален
Пэрсанальная інфармацыя
Нарадзіўся	14 лістапада 1985 (39 гадоў); Антвэрпэн, Фляндрыя, Бэльгія;
Рост	183 см
Вага	80 кг
Пазыцыя	цэнтральны абаронца
Клюбы
Зборныя

То́мас Вэрма́лен (па-нідэрляндзку: Thomas Vermaelen; нарадзіўся 14 лістапада 1985 году, Антвэрпэн, Бэльгія) — былы бэльгійскі футбаліст, абаронца нацыянальнай зборнай Бэльгіі. Пасьля сыходу з клюбу Робіна ван Пэрсі Томас быў капітанам «Арсэналу» пакуль не сышоў у «Барсэлёну». Вэрмален звычайна гуляе левай нагой, таму гуляе часьцей за ўсё левабаковага цэнтральнага абаронцу, але можа згуляць на левым флянзе абароны^[3].

Клюбная кар’ера

Томас Вэрмален зьяўляецца выхаванцам бэльгійскага клюбу «Жэрміналь Бээрсхот», які раней меў назву «Жэрміналь Экерэн».

1 ліпеня 2003 году Вэрмален падпісаў пяцігадовы кантракт зь нідэрляндзкім «Аяксам» з Амстэрдаму. Дэбют Вэрмалена ў чэмпіянаце Нідэрляндаў адбыўся 15 лютага 2004 году ў матчы супраць «Валендаму». Томас адыграў увесь матч, а ягоны клюб, дзякуючы забітым мячам Яніса Анастасію й Томаша Галасека, перамог зь лікам 0:2^[4]. У студзені 2005 году Томас быў аддадзены ў арэнду ў клюб «РКК Ваальвэйк» на астатнюю частку сэзона 2004—2005 гадоў, бо не праходзіў у асноўны склад «Аякса» з-за высокай канкурэнцыі^[5]. Вярнуўшыся пасьля заканчэньня арэнды ў «Аякс» Вэрмален даволі хутка стаў асноўным гульцом абароны клюбу.

«Арсэнал»

У пачатку чэрвеня 2009 году Вэрмаленам зацікавіўся ангельскі «Арсэнал», які меў патрэбу ва ўзмацненьні лініі абароны клюбу^[6]. «Арсэнал» зрабіў афіцыйную прапанову «Аяксу» аб набыцьці гульца, паводле неафіцыйных дадзеных «кананіры» прапанавалі за 23-гадовага Вэрмалена ад 10 да 12 млн фунтаў стэрлінгаў^[7]. 19 чэрвеня 2009 году Вэрмален прайшоў мэдагляд і падпісаў кантракт з «Арсэналам»^[8]. Падрабязнасьці дамовы не былі абвешчаныя.

У сваім дэбютным матчы супраць «Эвэртану» 15 жніўня 2009 году Вэрмален забіў гол пасьля падачы Робіна ван Пэрсі са штрафнога^[9]. 16 верасьня Томас забіў гол у матчы групавога этапу Лігі чэмпіёнаў супраць льежскага «Стандарду». Праз тры дні, 19 верасьня, Вэрмален адправіў два мячы ў браму «Ўіган Атлетык». Томас быў прызнаны заўзятарамі лепшым гульцом «Арсэнала» у жніўні і верасьні 2009 году^[10], а паводле вынікаў сэзону 2009—2010 гадоў Вэрмален увайшоў у сымбалічную зборную Прэм’ер-лігі.

У міжсэзоньне Вэрмален быў капітанам «Арсэнала» ў матчы на Кубка Эміратаў супраць «Міляну», калі ў складзе адсутнічалі Сэск Фабрэгас, Мануэль Альмунія і Робін ван Пэрсі. Томас пачаў усё тры першыя гульні сэзону за «Арсэнал» аднак потым атрымаў пашкоджаньне ахілу ў матчы за зборную Бэльгіі^[11]. Паводле словаў мэдычнага пэрсаналу лёнданскага клюбу, Томас выбыў да канца сэзону. Аднак ужо 26 красавіка 2011 году Вэрамлен адгуляў 90 хвілінаў у матчы супраць «Манчэстэр Юнайтэд».

Пасьля сыходу Фабрэгаса ў «Барсэлёну» Вэрмален быў абраны віцэ-капітанам каманды^[12]. 6 верасьня 2011 году стала вядома, што Вэрмалену патрабуецца 6 тыдняў, каб зноўку вылячыць траўму ахілу. 18 кастрычніка гулец падоўжыў кантракт з «кананірамі» на 4 гады. Абаронца вярнуўся ў склад да гульні на Кубак Ангельшчыны супраць «Болтана». 1 лістапада гулец зьявіўся на пляцоўцы ў матчы Лігі чэмпіёнаў супраць «Марсэлю» і дапамог свайму клюбу захаваць браму некранутай. 5 лістапада Вэрмален забіў гол у матчы супраць «Ўэст Бромўіч Альбіён», які скончыўся перамогай зь лікам 3:0. 26 лістапада ў гульні супраць «Фулгэму» Томас спачатку зарабіў аўтагол на 65 хвіліне, аднак на 82 хвіліне выправіў становішча, зрабіўшы лік нічыйным. Галоўны трэнэр клюбу Арсэн Вэнгер назваў Вэрмалена і ягонага партнэра Лярана Касэльні моцным дуэтам, што дазваляе «Арсэналу» мець моцную абарону.

У жніўні 2012 году Вэрмален быў абарны капітанам «Арсэналу» пасьля сыходу Робіна ван Пэрсі^[13]. Аднак выступы бэльгійца былі слабейнымі за папярэднія сэзоны, асабліва дрэнна Томас згуляў ў матчах супраць «Манчэстэр Сіці» і «Лівэрпулу». У другой палове сэзону Вэнгер выкарыстоўваў у цэнтры абароны Пэра Мэртэзакера і Касэльні, такім чынам Вэрмален заставаўся на лаўцы запасных. У самым канцы сэзону Томас здолеў вярнуць сабе месца ў асноўнны склад.

«Барсэлёна»

9 жніўня 2014 году Вэрмален падпісаў 5-гадовы кантракт з каталёнскім клюбам «Барсэлёна». Сума трансфэру, як мяркуецца, склала 15 млн фунтаў^[14].

Міжнародная кар’ера

Томас дэбютаваў у складзе зборнай Бэльгіі ў 20 гадоў супраць зборнай Люксэмбургу ў сакавіку 2006 году. 8 кастрычніка 2009 году ён быў назначаны капітанам зборнай у гульні супраць зборнай Турэччыны й Эстоніі ў гульняў адбору да чэмпіянату сьвету 2010 году^[15], але ня здолеў прадухіліць бэльгійцаў ад чацьвёртага месца ў сваёй групе.

Дасягненьні

«Аякс»:

Чэмпіён Нідэрляндаў: 2004
Уладальнік Кубка Нідэрляндаў (2): 2006, 2007
Уладальнік Супэркубка Нідэрляндаў (2): 2006, 2007

«Арсэнал»:

Уладальнік Кубка Ангельшчыны: 2014

«Барсэлёна»:

Чэмпіён Гішпаніі: 2015, 2016, 2018, 2019
Уладальнік Кубка Гішпаніі: 2016, 2018
Пераможца Лігі чэмпіёнаў: 2015
Уладальнік Супэркубка Эўропы: 2015
Пераможца клюбнага чэмпіянату сьвету: 2015

«Вісэл Кобэ»:

Уладальнік Кубка Японіі: 2019
Уладальнік Супэркубка Японіі: 2020

Крыніцы

^ ^а ^б ^в Thomas Vermaelen // Transfermarkt (мн.) — 2000.
^ ^а ^б ^в Thomas Vermaelen // FBref (мн.)
^ Arsenal's Thomas Vermaelen earns himself 'Verminator' nickname. The Daily Telegraph
^ FC Volendam — Ajax 0:2
^ Vermaelen loaned out to RKC Waalwijk 'til season’s end
^ Vermaelen 'heading to Gunners'. Sky Sports
^ Arsenal close in on Ajax defender Thomas Vermaelen. Telegraph
^ Вермален переходит в «Арсенал». FC Arsenal
^ Garth Crooks' team of the week. BBC Sport
^ Vermaelen is EA SPORTS Player of the Month! Arsenal.com
^ Diaby and Vermaelen out for Braga clash. Arsenal.com
^ van Persie appointed as Arsenal captain. Arsenal.com.
^ Vermaelen – I'm so proud to be captain. Arsenal.com.
^ Вермален подписал 5-летний контракт с «Барселоной». By.Tribuna.com
^ Vermaelen is de nieuwe kapitein van de Rode Duivels. De Morgen Voetbal

Вонкавыя спасылкі

Профіль на афіцыйным сайце ФК «Арсэнал» Лёндан
Статыстыка на Soccerbase
Статыстыка на National Football Teams
Профіль на Goal.com
Статыстыка на Voetbal International

[_39b00c8a3b7adfdc-1] а ^б ^в Thomas Vermaelen // Transfermarkt (мн.) — 2000.

[_35381b707be71f3c-2] а ^б ^в Thomas Vermaelen // FBref (мн.)

[3] Arsenal's Thomas Vermaelen earns himself 'Verminator' nickname. The Daily Telegraph

[4] FC Volendam — Ajax 0:2

[5] Vermaelen loaned out to RKC Waalwijk 'til season’s end

[6] Vermaelen 'heading to Gunners'. Sky Sports

[7] Arsenal close in on Ajax defender Thomas Vermaelen. Telegraph

[8] Вермален переходит в «Арсенал». FC Arsenal

[9] Garth Crooks' team of the week. BBC Sport

[10] Vermaelen is EA SPORTS Player of the Month! Arsenal.com

[11] Diaby and Vermaelen out for Braga clash. Arsenal.com

[12] van Persie appointed as Arsenal captain. Arsenal.com.

[13] Vermaelen – I'm so proud to be captain. Arsenal.com.

[14] Вермален подписал 5-летний контракт с «Барселоной». By.Tribuna.com

[15] Vermaelen is de nieuwe kapitein van de Rode Duivels. De Morgen Voetbal

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

Пэрсанальная інфармацыя
Томас Вэрмален

Нарадзіўся	14 лістапада 1985(1985-11-14)^[1]^[2] (39 гадоў) Антвэрпэн, Фляндрыя, Бэльгія
Рост	183 см
Вага	80 кг
Пазыцыя	цэнтральны абаронца
Клюбы
Гады	Клюб	Гульні (галы)¹
2003—2009 2004—2005 2009—2014 2014—2019 2016—2017 2019—2022	Аякс → РКК Ваальвэйк (арэнда) Арсэнал Барсэлёна → Рома (арэнда) Вісэл Кобэ	106 (8) 13 (2) 110 (13) 34 (1) 9 (0) 45 (1)
Зборныя
2006—	Бэльгія	85 (2)