Зборная Турэччыны па футболе

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Турэччына
Фэдэрацыя Турэцкая футбольная асацыяцыя
Канфэдэрацыя УЭФА
Трэнэр Фатых Тэрым
Найбольш гульняў Рушту Рэчбэр (120)
Найлепшы бамбардзір Хакан Шукюр (51)
Першая гульня
Сьцяг Турэччыны Турэччына 2:2 Сьцяг Румыніі Румынія
(Стамбул, Турэччына; 26 кастрычніка 1923)
Самая буйная перамога
Сьцяг Турэччыны Турэччына 7:0 Сьцяг Сырыі Сырыя
(Анкара, Турэччына; 20 лістапада 1949)
Сьцяг Турэччыны Турэччына 7:0 Сьцяг Рэспублікі Карэя Рэспубліка Карэя
(Жэнэва, Швайцарыя; 20 чэрвеня 1954)
Сьцяг Турэччыны Турэччына 7:0 Сьцяг Сан-Марына Сан-Марына
(Стамбул, Турэччына; 10 лістапада 1996)
Самая буйная параза
Сьцяг Польшчы Польшча 8:0 Сьцяг Турэччыны Турэччына
(Хожаў, Польшча; 24 красавіка 1968)
Сьцяг Турэччыны Турэччына 0:8 Сьцяг Ангельшчыны Ангельшчына
(Стамбул, Турэччына; 14 лістапада 1984)
Сьцяг Ангельшчыны Ангельшчына 8:0 Сьцяг Турэччыны Турэччына
(Лёндан, Ангельшчына; 14 кастрычніка 1987)
Чэмпіянат сьвету
Удзел 2 (упершыню: 1954)
Дасягненьні Трэцяе месца (2002)
Чэмпіянат Эўропы
Удзел 4 (упершыню: 1996)
Дасягненьні Паўфінал (2008)
Асноўная форма
Рэзэрвовая форма
Зборная Турэччыны ў 2016 годзе

Збо́рная Турэччыны па футбо́ле — прадстаўляе Турэччыну ў міжнародных турнірах і сустрэчах па футболе. Турэччына разьмешчаная і ў Эўропе, і ў Азіі, але зьяўляецца чальцом толькі УЭФА. Найвялікшае дасягненьне каманды — 3-е месца на чэмпіянаце сьвету 2002 году. Таксама Турэччына дайшла да 1/4 фіналу на Эўра-2000 і заняла 3-е месца на Кубку Канфэдэрацыяў 2003 году.

Гісторыя[рэдагаваць | рэдагаваць крыніцу]

Чэмпіянат сьвету 1950 году[рэдагаваць | рэдагаваць крыніцу]

Турэччына кваліфікавалася для ўдзелу ў Чэмпіянаце сьвету 1950 году, абгуляўшы Сырыю 7:0, але не змагла прыняць удзел у турніры з-за фінансавых праблем.

Чэмпіянат сьвету 1954 году[рэдагаваць | рэдагаваць крыніцу]

Турэччына кваліфікавалася для ўдзелу ў чэмпіянаце сьвету 1954 году, абгуляўшы Гішпанію. Першы матч турэцкая каманда прайграла гішпанцам 1:4, але перамога ў зваротнай гульні 1:0 дазволіла правядзеньне 3-га матчу паміж гэтымі камандамі — захапляльная і цьвёрдая гульня завяршылася зь лікам 2:2, і месца Турэччыны ў асноўным турніры было вызначанае кідком манэты. Туркам пашанцавала апынуцца ў групе з высокакляснымі вугорцамі і камандай ФРН, хоць з-за незвычайнага фармату турніру Турэччына так і не згуляла з Вугоршчынай, каманда прайграла 1:4 немцам, але затым разграміла зборную Паўднёвай Карэі зь лікам 7:0. У матчы за права выйсьці з групы туркі прайгралі ўсё той жа камандзе ФРН зь лікам 2:7.

1960-я — 1990-я[рэдагаваць | рэдагаваць крыніцу]

Нягледзячы на рост узроўню нацыянальнага чэмпіянату і добрыя паказчыкі турэцкіх клюбаў на эўрапейскай арэне, 1960-я — няўдалы пэрыяд для зборнай краіны. У 1970-я Турэччына была серадняком у адборачных турнірах да сусьветных і эўрапейскіх чэмпіянатаў, нават ня маючы адмысловых шанцаў прабіцца на гэтыя турніры.

У 1980-я (1984 і 1987) Турэччына патрывала самую буйную паразу ў сваёй гісторыі, прайграўшы двойчы ангельскай зборнай зь лікам 0:8. У рамках кваліфікацыйных гульняў да Чэмпіянату сьвету 1990 году толькі няўдача ў апошнім матчы пакінула зборную Турэччыны за бортам чэмпіянату.

Чэмпіянат сьвету 2002 году[рэдагаваць | рэдагаваць крыніцу]

Нарастальны ўзровень турэцкага футболу быў пацьверджаны трэцім месцам на Кубку сьвету 2002 году. У 1/4 Турэччына абгуляла Сэнэгал 1:0 (па правіле «залатога гала»), затым у 1/2 саступіла Бразыліі 0:1, а ў матчы за трэцяе месца перамагла Паўднёвую Карэю зь лікам 3:2.

Кубак Канфэдэрацыяў 2003 году[рэдагаваць | рэдагаваць крыніцу]

Улетку 2003 году Турэччына заняла 3-е месца на Кубку Канфэдэрацыяў, на якім яна з маладым, экспэрымэнтальным складам згуляла ўнічыю з Бразыліяй, у выніку чаго бразыльцы выбылі з турніру. Туркі ў паўфінале прайгралі будучыным пераможцам турніру, Францыі, зь лікам 2:3, не забіўшы пэнальці на апошніх хвілінах. У матчы за трэцяе месца Турэччына абгуляла Калюмбію 2:1.

Эўра-2004[рэдагаваць | рэдагаваць крыніцу]

Турэцкая каманда ня здолела кваліфікавацца для ўдзелу ў Чэмпіянаце Эўропы 2004 году, прайграўшы ў раўндзе плэй-оф камандзе Латвіі, пасьля таго як заняла ў групе другое месца.

Чэмпіянат сьвету 2006 году[рэдагаваць | рэдагаваць крыніцу]

У адборачным турніры ў групе з такімі камандамі, як Данія, Грэцыя і Ўкраіна, туркі занялі 2-е месца. У сэрыі плэй-оф Турэччына прайграла зборнай Швайцарыі па правіле галоў на чужым полі.

Вонкавыя спасылкі[рэдагаваць | рэдагаваць крыніцу]

Commons-logo.svg Зборная Турэччыны па футболесховішча мультымэдыйных матэрыялаў