Аксэль Вітсэль

Аксэль Вітсэль
Пэрсанальная інфармацыя
Нарадзіўся	12 студзеня 1989 (29 гадоў) Льеж, Бэльгія
Рост	186 см
Вага	73 кг
Пазыцыя	паўабаронца
Клюбная інфармацыя
Клюб	Барусія Дортмунд
Нумар	28
Клюбы
Гады	Клюб	Гульні (галы)¹
2006—2011 2011—2012 2012—2016 2017—2018 2018—	Стандард Бэнфіка Зэніт Цяньцзінь Цюаньцзянь Барусія Дортмунд	148 (34) 32 (1) 121 (16) 35 (5) 2 (2)
Зборныя
2008—	Бэльгія	97 (9)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 26 жніўня 2018. ² Колькасьць гульняў і галоў за нацыянальную зборную ў афіцыйных матчах, адкарэктавана на 14 ліпеня 2018.

Аксэ́ль Вітсэ́ль (па-француску: Axel Witsel; нарадзіўся 12 студзеня 1989 году, Льеж, Бэльгія) — бэльгійскі футбаліст, паўабаронца нямецкага клюбу «Барусія Дортмунд» і нацыянальнай зборнай Бэльгіі. Асноўная пазыцыя гульца — цэнтар пляцоўкі.

Кар’ера

Клюбная

Вітсэль зьяўляецца выхаванцам футбольнай школы льескага «Стандарду», за які дэбютаваў 17 верасьня 2006 году, выйшаўшы на замену на 89-й хвіліне замест Стывэна Дэфура. Замацаваўся ў асноўным складзе ў сэзоне 2007—2008 гадоў, склаўшы разам са Стывэнам Дэфурам і Маруанам Фэляйні зьвязку ў цэнтры паўабароны клюбу. Паводле вынікаў сэзону атрымаў прыз футбаліста году. У наступным сэзоне ягоны гол з 11-мэтровай пазнакі дапамог «Стандарду» атрымаць тытул чэмпіяну краіны.

13 ліпеня 2011 году падпісаў кантракт з партугальскай «Бэнфікай». Замацаваўся ў асноўным складзе і стаў практычна нязьменным гульцом асноўнага складу. 3 верасьня 2012 году Аксэль падпісаў 5-гадовы кантракт зь піцерскім «Зэнітам» за 40 млн эўра. Вітсэль дэбютаваў у расейскай Прэм’ер-лізе 14 верасьня, замяніўшы Канстанціна Зыранава на 70-й хвіліне ў матчы супраць «Цераку», які скончыўся паразай піцерцаў зь лікам 0:2.

Міжнародная

26 сакавіка 2008 году ў матчы супраць зборнай Марока гулец дэбютаваў у складзе нацыянальнай зборнай Бэльгіі і забіў гол. У адборачным цыклі да чэмпіянату сьвету 2014 году правёў усе матчы ў асноўным складзе сваёй зборнай.

Дасягненьні

«Стандард»:

• Чэмпіён Бэльгіі: 2008, 2009
• Уладальнік Кубка Бэльгіі: 2011
• Уладальнік Супэркубка Бэльгіі: 2008, 2009

«Бэнфіка»:

• Уладальнік Кубка партугальскай лігі: 2012

Вонкавыя спасылкі

Аксэль Вітсэль — сховішча мультымэдыйных матэрыялаў

• Афіцыйны сайт
• Бачына на афіцыйным сайце ФК «Зэніт»
• Статыстыка на National Football Teams