5 кастрычніка

5 кастры́чніка — 278-ы дзень году (279-ы ў высакосным годзе) паводле Грыгарыянскага календару. Да канца году застаецца 87 дзён.

Падзеі

• 1648 — пачатак асады Пінска войскам ВКЛ на чале зь Янушам Радзівілам
• 1921 — у Лёндане быў заснаваны Міжнародны ПЭН-клюб
• 1967 — адбылася каранацыя дзейнага султана Брунэя Хасанала Болкіяха

Нараджэньні

• 1609 — Паўль Флемінг, нямецкі паэт XVII ст., адзін з найвыбітнейшых лірыкаў нямецкага барока
• 1713 — Дэні Дыдро, францускі пісьменьнік, філёзаф-асьветнік, які заснаваў «Энцыкляпэдыю, альбо Тлумачальны слоўнік навук, мастацтваў і рамёстваў»
• 1786 — Вікенці Равінскі, беларускі паэт і драматург
• 1807 — Ігнацы Галавінскі, рымска-каталіцкі дзеяч, арцыбіскуп магілёўскі, польскі пісьменьнік і перакладчык
• 1884 — Францішак Грынкевіч, ксёндз, беларускі каталіцкі дзеяч
• 1892 — Андрэй Якубецкі, беларускі вайсковец, маёр, дзеяч культуры і асьветы
• 1915 — Уладзімер Трубяцкі, прадстаўнік княскага роду Трубяцкіх
• 1936 — Вацлаў Гавэл, драматург, апошні прэзыдэнт Чэхаславакіі й першы прэзыдэнт сучаснай Чэскай Рэспублікі
• 1959 — Сяргей Філімонаў, беларускі тэлевізійны вядоўца
• 1967 — Сяргей Харэўскі, беларускі мастак, літаратар, гісторык мастацтва, культуроляг, мастацтвазнаўца
• 1975 — Кейт Ўінсьлет, папулярная брытанская акторка, 6 разоў намінаваўся на «Оскар»
• 1979 — Вінс Грэльля, аўстралійскі футбаліст, паўабаронца ангельскага клюбу «Блэкбэрн Ровэрз» і нацыянальнай зборнай Аўстраліі

Сьмерці

• 1763 — Аўгуст Сас, курфюрст саксонскі, кароль польскі і вялікі князь літоўскі
• 1872 — Язэп Гашкевіч, дыплямат, навуковец-мовазнавец, дасьледчык Японіі і Кітаю, натураліст, арыенталіст
• 1937 — Лукаш Калюга, беларускі пісьменьнік
• 1936 — Мікалай Крывашэін, бальшавіцкі дзяяч, кіраўнік разгону І Усебеларускага сходу ў Менску
• 1938 — Мар’ян Зьдзяхоўскі — польскі гісторык літаратуры, філёляг, філёзаф, літаратурны крытык, публіцыст, рэктар унівэрсытэту Стэфана Баторыя ў Вільні
• 1938 — Ян Цеханоўскі, нацыянальны дзяяч Заходняй Беларусі, пэдагог, дырэктар Наваградзкай беларускай гімназіі
• 1974 — Зальман Шазар, ізраільскі грамадзкі дзяяч, пісьменьнік, паэт, палітык, трэці прэзыдэнт Ізраілю
• 2000 — Майкл Сьміт, канадзкі хімік, ляўрэат Нобэлеўскай прэміі 1993 году
• 2001 — Арон Салавейчык, артадаксальны юдаіст, вядомы дасьледнік Талмуду, Галахі і Рош ешывы

Сьвяты

• Міжнародны дзень настаўніка