Чыкага Блэкгокс

	Чыкага Блэкгокс
Дывізіён	Цэнтральны
Канфэрэнцыя	Заходняя
Краіна	ЗША
Горад	Чыкага, Іліной
Заснаваны	1926
Стадыён	Юнайтэд Сэнтар
Колеры	чырвоны, чорны і белы;
Гісторыя	Ранейшыя назовы: Чыкага Блэк Гокс (1926—1986); Чыкага Блэкгокс (1986 — цяпер);
Галоўны трэнэр	Джэф Блэшыл[d];
Афіцыйны сайт	blackhawks.nhl.com (анг.)

«Чыкага Блэкгокс» (па-ангельску: Chicago Blackhawks) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Чыкага, штат Іліной, ЗША. Пяціразовы ўладальнік Кубка Стэнлі. Клюб быў заснаваны ў 1926 годзе і адносіцца да гэтак званай «арыгінальнай шасьцёрцы» камандаў, дзе акрамя іх таксама ёсьць «Дэтройт Рэд Ўінгс», «Манрэаль Канадыенз», «Таронта Мэйпл Ліфс», «Бостан Бруінз» і «Нью-Ёрк Рэйнджарз». Пачынаючы з 1994 году клюб свае хатнія матчы праводзіць на арэне «Юнайтэд Сэнтар», да гэтага на працягу 65 гадоў каманда гуляла на Чыкагаўскім стадыёне^[1].

Першапачатковым уладальнікам клюбу быў Фрэдэрык Маклафлін, які валодаў клюбам да сваёй сьмерці ў 1944 годзе. Падчас свайго кіраваньня Фрэдэрык зьмяніў шмат трэнэраў, але атрымаў 2 Кубка Стэнлі. Пасьля клюб належыў сям’і Норыс, якія былі, таксама, уладальнікамі Чыкагаўскага стадыёну, аднак і мелі акцыі некаторых іншых клюбаў НХЛ.

Гісторыя

1 траўня 1926 году НХЛ ухваліў пашырэньне франшызы для Чыкага. Новую каманду мусіў стварыць сындыкат, ачолены колішняй зоркай амэрыканскага футболу Гантынгтанам Гардўікам. На сустрэчы Гардўік зладзіў куплю гульцоў каманды «Портлэнд Роўзбадс» з Заходняй хакейнай лігі за 100 тысяч даляраў, якія атрымаў прэзыдэнт лігі Фрэнк Патрык^[2]. Аднак ужо празь месяц група Гардўік запрадала каманду чыкагаўскаму кававаму магнату Фрэдэрыку Маклафліну^[3].

Маклафлін быў камандзірам 333-м батальёну кулямётнікаў з 86-й стралковай дывізіі за час Першай сусьветнай вайны^[4]. Ягоная дывізія мела мянушку Блэк Гок, атрыманай у гонар знакамітага індзейскага правадыра Чорнага Каршуна^[5], які пакінуў адбітак у гісторыі Іліною^[4]. Маклафлін назваў новую хакейную каманду ў гонар свайго вайсковага падраздзяленьня, але, такім чынам, ушанаваў памяць і індзейскага лідэра. Першапачаткова назва клюбу пісалася ў два словы «Блэк Гокс», але ў 1986 годзе клюб афіцыйна пачаў менавацца як «Блэкгокс», базуючыся на арыгінальных дакумэнтах франшызы^[6].

«Блэк Гокс» дэбютавалі ў лізе ў сэзоне 1926—1927 гадоў, куды трапілі поруч зь іншымі навастворанымі камандамі, як то «Дэтройт Кугарз» (цяпер гэта «Дэтройт Рэд Ўінгс») і «Нью-Ёрк Рэйнджарз». Маклафлін гуляў вельмі актыўную ролю ў кіраваньні камандай, не зважаючы на тое, што аніколі ня меў быў да таго досьведу ў хакеі. Ён загадзіў на працу Біла Тобіна, былога брамніка, які гуляў у Заходняй хакейнай лізе, у якасьці памочніка, але асабіста кіраваў камандай. Ён таксама быў апантаны ў прасоўваньні гульцоў з ЗША. Гэтак пры ім «Чыкага Блэк Гокс» сталі першай камандай НХЛ з выключана амэрыканскім складам^[4]. Свой першы матч дружына згуляла 17 лістапада 1926 году супраць каманды «Таронта Сэнт-Патрыкс» у Чыкага-Калізэі. Тая сустрэча скончылася перамогаў чыкагаўцаў зь лікам 4:1, а колькасьць гледачоў дэбюту перавышала 7 тысяч чалавек^[3].

Склад

Паводле стану на 31 студзеня 2026 году

Брамнікі
30	Спэнсэр Найт	2001	40	Арвід Сёдэрблюм	1999
Абаронцы
5	Конар Мэрфі	1993	6	Сэм Рынзэл	2004
44	Ўаят Кайзэр	2002	46	Люі Крэвіе	2001
48	Мэт Грызьлік	1994	55	Арцём Леўшуноў	2005
72	Алекс Уласік	2001
Нападнікі
8	Раян Даната	1996	11	Олівэр Мур	2005
16	Джэйсан Дыкінсан	1995	17	Нік Фаліна	1987
20	Раян Грын	2003	24	Сэм Лафэрці	1995
28	Андрэ Буракоўскі	1995	34	Колтан Дач	2003
59	Тайлер Бэртуццы	1995	84	Лэндан Слэгерт	2002
86	Тэўва Тэравяйнэн	1994	91	Фрэнк Назар	2004
95	Ільля Міхееў	1994	98	Конар Бэдард	2005

Крыніцы

↑ Horn, Toby (2002). «Blackhawks». Stadiums 2 (1): 56–80.
↑ Jenish 2013. С. 46—47.
1 2 Jenish 2013. С. 52.
1 2 3 «The McLaughlin Years». United Center.
↑ Briggs, Richard A. (1954). «Black Hawks Over The Danube: The History of the 86th Infantry Division in World War II». Louisville, KY: Western Recorder. — С. 7.
↑ Diamond, Dan (1991). «The Official National Hockey League 75th anniversary commemorative book». Toronto, Ontario: McClelland & Stewart. — С. 291. — ISBN 0-7710-6727-5.