Вэгас Голдэн Найтс

	Вэгас Голдэн Найтс
Дывізіён	Ціхаакіянскі
Канфэрэнцыя	Заходняя
Краіна	ЗША
Горад	Парадайз, Нэвада
Заснаваны	2017
Стадыён	T-Mobile Arena
Колеры	Сталёва шэры, залаты, чырвоны, чорны;
Галоўны трэнэр	Bruce Cassidy[d];
Афіцыйны сайт	nhl.com/goldenkni… (анг.)

«Вэ́гас Голдэн Найтс» (па-ангельску: Vegas Golden Knights) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Парадайз, штат Нэвада, ЗША. Свае хатнія матчы праводзіць у спартовым палацы T-Mobile Arena. Клюб быў створаны ў 2017 годзе, а з сэзону 2017—2018 гадоў пачаў свае выступы ў Заходняй канфэрэнцыі лігі Ціхаакіянскага дывізіёну. Каманда належыць кансорцыюму Black Knight Sports & Entertainment, які ачольвае Ўільям П. Фолі і сям’я Малуф^[2]. У сваім першым жа сэзоне «Вэгас» дайшоў да фіналу Кубку Стэнлі ў 2018 годзе, дзе саступіў тытул «Вашынгтон Кэпіталз».

Гісторыя

НХЛ прысутнічала ў Лас-Вэгасе з 1991 году. У тым годзе ў горадзе адбыўся першы матч на сьвежым паветры, калі дзьве камандамі НХЛ «Лос-Анджэлес Кінгс» і «Нью-Ёрк Рэйнджарз» згулялі перадчэзонны выставачны матч ля Сызарз-пэласу. Пасьля гэтага той жа «Лос-Анджэлес Кінгс» узяў за звычку ладзіць у горадзе штогод перадсэзонныя матчы супраць «Каларада Эвэланш», які атрымаў назву «Марозная лютасьць». З 2009 годзе часта цырымоніі ўзнагароджаньня НХЛ ладзіліся ў Лас-Вэгасе^[3].

У жніўні 2014 году зьявіліся чуткі пра пашырэньне лігі ў Лас-Вэгас, пра што магло сьведчыць зьяўленьня шматфункцыйнай арэны, якая атрымала назву T-Mobile Arena^[4]. Аднак гэтыя чуткі былі зьняпраўджаныя кіраўніцтвам лігі^[5]^[6]^[7]. Тым ня менш, у лістападзе таго ж году зьявіліся зьвесткі аб, тым што выканаўчая рада НХЛ абрала бізнэсоўца-мільярдэра Ўільяма П. Фолі і сям’ю Малуф у якасьці лідэраў групы, якая мусіць стварыць клюб НХЛ у Лас-Вэгасе^[8]^[9]. На адмысловым пасяджэньні кіраўніцтва лігі 22 чэрвеня 2016 году ў Лас-Вэгасе заяўка на пашырэньне была зацьверджана адзінагалосным галасаваньнем. Паводле плянаў каманда мусіла пачаць спаборнічаць з сэзону 2017—2018 гадоў^[10]^[11]. Клюб стаў першай буйной прафэсійнай спартовай франшызай, якая базуецца ў Лас-Вэгасе, і першай новай камандай па пашырэньні НХЛ з 2000 году^[12]. Фолі абавязаўся сплаціць за пашырэньне ўступны ўнёсак у памеры 500 мільёнаў даляраў^[13], а таксама пачаў працэс найму галоўнага пэрсаналу каманды.

13 красавіка 2017 году вэгаская каманда абвесьціла, што першым галоўным трэнэрам клюбу будзе Жэрар Галян^[14]. Дзеля новага клюбу НХЛ зладзілся адмысловы драфт пашырэньня, які адбыўся 21 чэрвеня 2017 году. Новы клюб меў права выбраць даступнага хакеіста з кожнага з 30 камандаў НХЛ. Сярод прыкметных абраньняў былі брамнік Марк-Андрэ Фляры, які быў забраны зь «Пітсбург Пінгвінз», і нападнік Джэймз Ніл, які далучыўся да вэгасцаў з «Нэшвіл Прэдатарз»^[15]^[16]. На звычайным драфце 2017 году першым выбарам каманды стаў нападнік Кодзі Глас^[17]. Сваю першую гульню «Голдэн Найтс» згулялі 6 кастрычніка супраць «Далас Старз». Вэгасцы здабылі перамогу, а дзьве першыя шайбы каманды закінуў Джэймз Ніл^[18].

Склад

Паводле стану на 25 сакавіка 2025 году

Брамнікі
33	Эйдын Гіл	11.05.1996	35	Ільля Самсонаў	22.02.1997
Абаронцы
2	Зак Ўайтклаўд	28.11.1996	3	Брэйдэн Макнэб	21.01.1991
6	Кейдэн Корзак	29.01.2001	7	Алекс П’етранджэла	18.01.1990
14	Нікалас Гэйг	05.12.1998	15	Ноа Гэніфін	25.01.1997
17	Бэн Гатан	20.04.1993	27	Шы Тэадор	03.08.1995
Нападнікі
9	Джэк Айкел	28.10.1996	10	Нікаля Руа	05.02.1997
16	Павал Дарафееў	26.10.2000	19	Райлі Сьміт	01.04.1991
20	Брэндан Саад	27.10.1992	21	Брэт Гаўдэн	29.03.1998
22	Коўл Швінт	25.04.2001	48	Томаш Гэртл	12.11.1993
49	Іван Барбашоў	14.12.1995	55	Кіган Калесар	08.04.1997
61	Марк Стоўн	13.05.1992	70	Танэр Пірсан	10.08.1992
71	Вільям Карлсан	08.01.1993	95	Віктар Уляфсан	18.07.1995